Duke dashur të marrë meritat e rezultatit në Strugë, Ziadin Sela me përkrahësit e tij ka shkuar nëpër disa fshatra të Strugës për t’i falënderuar votuesit. Por takimet nuk i kanë shkuar siç duhet.

Në Misllodezhdë, në malësi të Strugës, Sela është ndeshur me aktivistë të revoltuar, të cilët i kanë kërkuar llogari për koalicionin me BDI-në. Siç raportohet, para krejt të pranishmëve, aktivisti i revoltuar ia ka lëshuar në telefon fjalimet e Ziadin Selës duke folur keq për Ali Ahmetin e Ramiz Merkon.

“A je ti ky që po e shan Aliun? A je ti ky që e shan Ramizin? Me çfarë fytyre vjen këtu dhe sot na kërkon vota për Aliun dhe Musa Xhaferin? Unë kam hyrë në bela me njerëz të BDI-së për ty, as sot nuk flas me njerëzit. Si guxon ti sot të më thuash që ta harroj atë?!”, janë disa nga fjalët e aktivistit nga Misllodezhda.

Nga: Latif Arifi, Gazetar, Analist

Është për të të ardhur edhe më keq, kur edhe një ministër që i numron ditët e fundit, në një ministri, që se ka merituar kurrë, mundohet të shet dushk për gogla!

Po s’ka faji o shkretë, mbete ti të flasish e ti tregosh dikujt, në emër të aktivistëve të aleancës, për ngjyrat e saj, ose për rrugën dhe hapat politik që dikush i’a parcakton Kryetarit të Aleancës për Shqiptarët, Arben Taravarit.

E kuptoj, mbase këtë e thua nga përvoja personale që Alia me Zeçeviçat , bash ti, po besa edhe atij nipit tënd ua kanë parapërcaktuar hapat politik , bile edhe më keq , për turp ju kanë shëndruar në zëdhënës të Artan Grubit.

Para se t’u bësh thirrje gjithë atyre që sipas teje qenkan mashtruar në pjesën e parë, e i lutje të japin përgjigjen e tyre në pjesën e dytë, as mos u mundo të presish të njëjtën, se shumë bukur t’a dhanë vetë struganët e vërtet, jo më larg se dje.
Për t’a patur më të qartë në zgjedhjet lokale, BDI e vetme në Strugë morri mbi 10 mijë vota, kurse sot bashkë me ti, nipin tënd , si dhe romët e Strugës, mezi arritët në 8 mijë vota.

Kot e ke, lene me kaq e mos u turpëro edhe më shumë, shijoj edhe ato pak ditë që të kanë ngelur si ministër, bën ndonjë punë, ose se paku rregulloj ato qelitë nëpër burgje se ishin në gjendje shumë keqe, mbase si dihet mund të kesh nevojë për të njëjtat.

VMRO-DPMNE, VLEN dhe Lëvizja Znam ka mundësi që ta formojnë Qeverinë e ardhshme të Maqedonisë së Veriut. Duke u bazuar nga numri i votave që ka fituar secila prej tre partive apo koalicioneve, kjo treshe mund të formojë një shumicë stabile madje deri në 75 deputetë. Për kryetarin e VMRO-DPMNE-së Hristijan Mickoski, partner më i dëshirueshëm për bashkëqeverisje është opozita shqiptare, VLEN. Për këtë, më 24 prill, Mickoski tha se e ka marrë në telefon Arben Taravarin duke i uruar zgjedhje të suksesshme parlamentare, me shpresë që bashkë të formojnë Qeverinë e ardhshme.

“U dëgjova me opozitën shqiptare, me z.Arben Taravarin. I urova për rezultatin dhe i urova zgjedhje të suksesshme parlamentare dhe qeveri të ardhshme në Maqedoni”, tha Hristijan Mickoski, kryetar i VMRO-DPMNE-së.

E oferta e Mickoskit për bashkëqeverisje, për Taravarin do të thotë se edhe VMRO e ka kuptuar peshën e votës shqiptare. Megjithatë siç ka shkruar Taravari në Facebook profilin e tij, fokusi i tyre është që të punojnë më fuqishëm për zgjedhjet e 8 majit, që të marin numër sa më të madh të deputetëve.

“Propozimi i ardhur nga Mickoski tregon se edhe VMRO e ka kuptuar ku qëndron pesha e votës dhe deputetëve shqiptarë. Megjithatë fokusi ynë si koalicion dhe si parti, është puna për zgjedhjet e 8 majit, për numrin më të madh të mandateve. Pas zgjedhjeve, do të udhëhiqemi nga interesi kombëtar i shqiptarëve, nga nevoja urgjente për pastrim të qeverisë nga korrupsioni, dhe nga orientimi ynë i panegociueshëm pro-perëndimor”, pohoi Arben Taravari, VLEN.

Pyetëm edhe kreun e Lëvizjes Besa Bilall Kasamin nëse koalicioni VLEN do të jetë pjesë e përbërjes së re qeveritare pa ndryshime kushtetuese.

“Ne e kemi thënë se në një Qeveri ku do të jetë koalicioni VLEN, sigurisht se do të jetë një Qeveri që do të garantojë integrimin e vendit në Bashkimin Europian dhe sigurisht se e kemi thënë edhe më herët që në një Qeveri të tillë do të jetë shumë më lehtë, qoftë VMRO-ja në Qeveri apo ndonjë parti tjetër politike, të bëhen ndryshimet kushtetuese”, tha Bilall Kasami, VLEN.

Në lojë për bashkëqeverisje është edhe partia e Maksim Dimitrievskit, Lëvizja Znam. Duke treguar kushtet për koalicionim, Dimitrievski njoftoi se cilado parti vjen për negociata, atyre do u dorëzohet një letër me vija të kuqe kombëtare.

“Gjatë fillimit të negociatave për formim të shumicës së ardhshme parlamentare, do t’i japim në letër si propozim deri te të gjitha partitë politike, propozimet tona për atë çfarë do të thonë vija të kuqe kombëtare të popullit maqedonas dhe qytetarëve të Maqedonisë, me çka synimi është që të arrihet jo vetëm bashkim kombëtar por edhe vëllazërim dhe bashkim i gjithë qytetarëve të shtetit”, u shpreh Maksim Dimitrievski – ZNAM .

Përndryshe sipas rezulateve të korrura në zgjedhjet presidenciale, po të ishin këto vota për zgjedhje parlamentare, VMRO-DPMNE do të fitonte 53 deputetë, koalicioni VLEN 12 deputetë dhe Lëvizja Znam 10 deputetë. Me këto numra, VMRO-DPMNE do të arrinte të formojë një shumicë stabile qeveritare prej gjithsej 75 deputetëve. Rikujtojmë se për koalicionin VLEN, kushti kryesor për bashkëqeverisje janë ndryshimet kushtetuese, gjë për të cilat kundër publikisht janë shprehur edhe VMRO edhe Lëvizja Znam./TV21/