Arben Taravari nga VLEN përmes një shkrimi në rrjetet sociale ka ironizuar me seancën e improvizuar të Kuvendit nga Fronti Europian.

Taravari shkroi:

“Pashë sot në media Artan Grubin i cili thoshte se Ziadin Sela është bërë Kryetar i Kuvendit…mendova se ishte shaka…por jo!2”, shkroi Taravari.

Kandidati i VLEN-it për president, Arben Taravari në konferencën e sotme për shtyp tha se në këto zgjedhje, ka bashkim të plotë të opozitës shqiptare dhe kjo garanton fitore, për shkak se në të gjitha zgjedhjet, shumica e votave i kanë takuar opozitës.

“Zgjedhjet presidenciale mbahen të mërkurën, më 24 prill, gjashtë është numri i Ndryshimit që VLEN. Kudo që po shkojmë në fushatë, dhe kemi shkuar në të gjithë vendin, po shikojmë se problemi më i madh është varfëria, shtrenjtimi i çmimeve, papunësia apo rrogat e vogla. Kushtet e jetesës janë bërë më të vështira. Kjo shkakton edhe problemin tjetër shumë të madh që kemi. Ai është largimi i të rinjve. Të rinjtë largohen pikërisht për shkak se rrogat janë të vogla e se është vështirë të gjesh punë të mirë”, tha Taravari.

Sipas tij, ekonomia dhe emigrimi kërkojnë përgjigje, ndërsa shqiptarët kanë nevojë për ndryshim.

“Për këtë arsye, ne si koalicion VLEN, në qeverisje, duhet të garantojmë dhe do të garantojmë rritjen e rrogës minimale deri në 800 euro. Programin tonë Presidencial e kemi publikuar dhe e kemi diskutuar, e në fillim të javës tjetër do të publikojmë dhe programin parlamentar. Është i vetmi program që VLEN. Por edhe një herë po e përsëris, që ndryshimi të ndodhë, duhet të angazhohet çdo njeri. Sepse secila votë vlen. Dhe secili votues, bëjmë thirrje që të dalë në ditën e votimit, që të garantojë Fitoren e Ndryshimit.”, tha Taravari.

Me rastin e fillimit të fushatës për zgjedhjet parlamentare të 8 majit, lideri i Lëvizjes BESA, Bilall Kasami dekalroi se në Qeverinë e Ardhshme, VLEN do të ndajë 500 milion Euro.

“Ne do të angazhohemi që në mandatin tonë të transferojmë së paku gjysëm miliardë euro apo pesëqind milionë euro, për zhvillimin e komunave tona dhe ndërtimin e infrastrukturës së munguar, me çka komunat e të dominuara apo komunat me shumicë shqiptare do të barazohen me zhvillimin ekonomik në komunat tjera të Maqedonisë së Veriut. Me këtë ne vlerësojmë që Maqedonia e Veriut më shpejt dhe më mirë do të mund të anëtarësohet në Bashkimin Evropian”, ka deklaruar kryetari i Lëvizjes BESA.

Kasami ka shtuar se më 24 prill qytetarët do të mbështesin doktor Arbven Taravarin për president duke votuar numrin 6, ndërsa më 8 maj, do të votojnë për Koalicionin VLEN, i cili do të sjellë ndryshimin në vendin tonë.

“Kjo do të jetë edhe një paralajmërim që me 8 maj qytetarët e Maqedonisë së Veriut, shqiptarët do të votojnë koalicionin VLEN, do të votojnë për vetveten, do të votojnë që Maqedonia e Veriut t’i rikthehet rrugëtimit të saj drejt Bashkimit Evropian”, ka deklaruar kryetari i Lëvizjes BESA dhe kryetar i Kominës së Tetovës, Bilall Kasami.