Sot është një datë e shënuar për opinionin futbollëdashës në Gostivar, Pollog, Maqedoni dhe më gjerë. Pas një pune të palodhshme të grupit punues, vjen lajmi i shumëpritur i themelimit të Akademisë së Futbollit nga klubi me famë botërore Beshiktash BJK, shkolla e sportit.

Akademia e re do të fokusohet në punën intenzive me moshat e reja, duke ofruar trajnime dhe mundësi të shkëlqyera për zhvillimin e talenteve të reja në futboll. Në planet e para të akademisë është rinovimi i tërësishëm i ambienteve sportive, duke siguruar kushte optimale për stërvitje dhe zhvillim.

Muajt në vijim pritet të sjellin më shumë lajme dhe zhvillime në këtë drejtim, duke e bërë këtë projekt një nga më të rëndësishmit për komunitetin sportiv të Gostivarit dhe më gjerë.

Me Thibaut Courtois dhe Eder Militao të anashkaluar për shkak të lëndimeve të ligamenteve në fillim të sezonit 2023/24, shumë kishin frikë se gjithçka kishte marrë fund për Real Madridin.

Si të mos mjaftonte kjo, në dhjetor ata pësuan një tjetër goditje kur edhe David Alaba u përjashtua me të njëjtin lëndim.

Megjithatë, kundër të gjitha gjasave, Los Blancos jo vetëm që e kanë përballuar stuhinë, por edhe janë shfaqur më të fortë se kurrë.

Pa dyshen e tyre startuese në qendër të mbrojtjes dhe një portier të zgjedhjes së parë, lojtarët e Carlo Ancelottit janë tetë pikë përpara në krye të renditjes së ligës. Ata kanë pranuar vetëm 16 gola pas 26 ndeshjesh në La Liga, duke vendosur një rekord historik në këtë fazë.

Kjo forcë mbrojtëse të sjell ndërmend sezonin ikonik 2011/12, kur Madridi i Jose Mourinhos pranoi vetëm 32 gola në të gjithë sezonin.

Me formën e tyre aktuale, kush e di? Ndoshta edhe ky rekord do të thyhet në maj.

Xhudistja kosovare, Nora Gjakova, dje mori medaljen e argjendtë në Baku të Azerbejxhanit, duke u kualifikuar në finale pasi mposhti xhudisten serbe.

Në lidhje me kualifikimin në finale, Gjakova tha se ishte kënaqur me fitoren edhe për faktin se ajo e mposhti serben një ditë para përvjetorit të Pavarësisë së Kosovës.

“Po përveç të gjitha këtyre, ka qenë edhe një lloj presioni. Më vjen mirë që e përfundova ndeshjen me fitore, sepse ata gjithmonë shkojnë përtej sportit dhe bëjnë lajme të tjera. Më parë ajo më kishte mposhtur dhe e kishin bërë aq të madhe dhe s’ka qenë ndonjë fitore e madhe”.

“Gjithmonë është kënaqësi të fitosh ndaj garueseve që të kanë mposhtur më parë, sidomos ndaj garueses së Serbisë, një ditë para pavarësisë”, tha Gjakova për Euronews.al.

Ajo tha gjithashtu se gjatë gjithë ndeshjes, sportistja serbe përdori fyerje dhe gjuhë urrejtjeje, por shtoi se kjo nuk e pengoi që të fitonte sfidën.