“Le të jemi të gjithë të bashkuar në vlerat e Zotit” – Valbon Limani uron besimtarët për Kurban Bajramin

Kryetari i Komunës së Gostivarit, Valbon Limani, ka uruar të gjithë besimtarët myslimanë me rastin e festës së Kurban Bajramit.

Në mesazhin e tij të urimit, Limani theksoi se kjo festë sjell mesazhe solidariteti, sakrifice, faljeje dhe kujdesi për njëri-tjetrin, duke bërë thirrje për më shumë mirësi, dashuri dhe respekt mes njerëzve.

Postimi i plotë:

“Të dashur besimtarë, festa e Kurban Bajramit na rikujton rëndësinë e solidaritetit, sakrificës, faljes dhe kujdesit për njëri-tjetrin, duke na ftuar që në këto ditë të ndajmë mirësi, dashuri dhe respekt me familjen, miqtë dhe të gjithë ata që kanë nevojë”, thuhet në urimin e Limanit.

Ai shtoi se Kurban Bajrami përcjell mesazh bashkimi, mirëkuptimi dhe paqeje për të gjithë, duke forcuar vlerat njerëzore dhe shpirtërore që afrojnë njerëzit me njëri-tjetrin.

“Qofshim të bashkuar në vlerat e Zotit. Gëzuar Kurban Bajramin!”, përfundon urimi i kryetarit Valbon Limani.