Connect with us

Politika

Qeveria e re VMRO-VLEN -ZNAM?! Taravari: Edhe VMRO e ka kuptuar ku qëndron pesha e votës shqiptare

Published

on

VMRO-DPMNE, VLEN dhe Lëvizja Znam ka mundësi që ta formojnë Qeverinë e ardhshme të Maqedonisë së Veriut. Duke u bazuar nga numri i votave që ka fituar secila prej tre partive apo koalicioneve, kjo treshe mund të formojë një shumicë stabile madje deri në 75 deputetë. Për kryetarin e VMRO-DPMNE-së Hristijan Mickoski, partner më i dëshirueshëm për bashkëqeverisje është opozita shqiptare, VLEN. Për këtë, më 24 prill, Mickoski tha se e ka marrë në telefon Arben Taravarin duke i uruar zgjedhje të suksesshme parlamentare, me shpresë që bashkë të formojnë Qeverinë e ardhshme.

“U dëgjova me opozitën shqiptare, me z.Arben Taravarin. I urova për rezultatin dhe i urova zgjedhje të suksesshme parlamentare dhe qeveri të ardhshme në Maqedoni”, tha Hristijan Mickoski, kryetar i VMRO-DPMNE-së.

E oferta e Mickoskit për bashkëqeverisje, për Taravarin do të thotë se edhe VMRO e ka kuptuar peshën e votës shqiptare. Megjithatë siç ka shkruar Taravari në Facebook profilin e tij, fokusi i tyre është që të punojnë më fuqishëm për zgjedhjet e 8 majit, që të marin numër sa më të madh të deputetëve.

“Propozimi i ardhur nga Mickoski tregon se edhe VMRO e ka kuptuar ku qëndron pesha e votës dhe deputetëve shqiptarë. Megjithatë fokusi ynë si koalicion dhe si parti, është puna për zgjedhjet e 8 majit, për numrin më të madh të mandateve. Pas zgjedhjeve, do të udhëhiqemi nga interesi kombëtar i shqiptarëve, nga nevoja urgjente për pastrim të qeverisë nga korrupsioni, dhe nga orientimi ynë i panegociueshëm pro-perëndimor”, pohoi Arben Taravari, VLEN.

Pyetëm edhe kreun e Lëvizjes Besa Bilall Kasamin nëse koalicioni VLEN do të jetë pjesë e përbërjes së re qeveritare pa ndryshime kushtetuese.

“Ne e kemi thënë se në një Qeveri ku do të jetë koalicioni VLEN, sigurisht se do të jetë një Qeveri që do të garantojë integrimin e vendit në Bashkimin Europian dhe sigurisht se e kemi thënë edhe më herët që në një Qeveri të tillë do të jetë shumë më lehtë, qoftë VMRO-ja në Qeveri apo ndonjë parti tjetër politike, të bëhen ndryshimet kushtetuese”, tha Bilall Kasami, VLEN.

Në lojë për bashkëqeverisje është edhe partia e Maksim Dimitrievskit, Lëvizja Znam. Duke treguar kushtet për koalicionim, Dimitrievski njoftoi se cilado parti vjen për negociata, atyre do u dorëzohet një letër me vija të kuqe kombëtare.

“Gjatë fillimit të negociatave për formim të shumicës së ardhshme parlamentare, do t’i japim në letër si propozim deri te të gjitha partitë politike, propozimet tona për atë çfarë do të thonë vija të kuqe kombëtare të popullit maqedonas dhe qytetarëve të Maqedonisë, me çka synimi është që të arrihet jo vetëm bashkim kombëtar por edhe vëllazërim dhe bashkim i gjithë qytetarëve të shtetit”, u shpreh Maksim Dimitrievski – ZNAM .

Përndryshe sipas rezulateve të korrura në zgjedhjet presidenciale, po të ishin këto vota për zgjedhje parlamentare, VMRO-DPMNE do të fitonte 53 deputetë, koalicioni VLEN 12 deputetë dhe Lëvizja Znam 10 deputetë. Me këto numra, VMRO-DPMNE do të arrinte të formojë një shumicë stabile qeveritare prej gjithsej 75 deputetëve. Rikujtojmë se për koalicionin VLEN, kushti kryesor për bashkëqeverisje janë ndryshimet kushtetuese, gjë për të cilat kundër publikisht janë shprehur edhe VMRO edhe Lëvizja Znam./TV21/

Continue Reading

Lajme

Ilire Dauti kapet në mashtrim të rëndë, Snopçe ia kujton se votoi rendin e ditës për Branitellat (Video)

Published

on

By

Koordinatori i grupit parlamentar dhe deputeti i koalicionit VLEN, Halil Snopçe gjatë debatit në komisionin për çështje të zgjedhjeve dhe emërimeve në Kuvendin e Maqedonisë së Veriut ia ka kujtuar me fakte deputetes Ilire Dauti nga grupacioni i Ziadin Selës pjesë e koalicionit opozitar Fronti Evropian votimin e rendit të ditës në seancën e 143 të kuvendit për Ligjin për Branitellat e cila mashton opinionin me listingun fallco.

Snopçe thekson se depuetja Ilire Dauti mashtron, Snopçe ia kujton me fakte se në seancën e 143 ka votuar rendin e ditës për Ligjin për Branitellat, është e njejta seancë ku u votua shkarkimi i ish-ministrave Azir Aliu dhe Fatmir Mexhiti, ku deputetja Ilire Dauti ishte palë me BDI-në dhe kundër Aleancës për Shqiptarët.

VIDEO

Continue Reading

Lajme

Grubi, Bajrami, Rustemi dhe Bekteshi zyrtarët e parë të BDI-së që pritet të dalin para organeve të drejtësisë?!

Published

on

By

Artan Grubi, ish zv.kryeministër i parë, Përparim Bajrami, ish drejtor i Lotarisë së Maqedonisë së Veriut i cili ka qenë nën kontrollë të plotë të këtij të parit, jo zyratisht pritet të ju inicohet procedurë penale dhe të arrestohen për keqpërdorime të shumta që kanë bërë me Lotarinë.

Përpos këtyre dy ish funksionatëve, nga radhët e BDI-së pritet organet e hetuesisë të inicojnë procedurë edhe ndaj ish drejtorit në Ndërmarrjen Publike Rrugët Shtetërore Ejup Rustemi, si dhe ndaj ish ministritë të Ekonomisë, Kreshnik Bekteshi. Për të parinë tashmë Qeveria e re ka grumbulluar një sërë faktesh për keqpërdorime me fondet publike dhe keqpërdorim të tenderëve. Bekteshi dyshohet për dhënie të koncensionve të dyshimta për njerëzit dhe kompanitë e afërta me BDI-në.

Se BDI ka nevojë për mbrojtës të mirë juridik, sot i paralajmëroi edhe kryetari i ASH-së dhe Ministri i Shëndetësisë, Arben Taravari si pjesë e koalicionit VLEN në Qeveri.

“BDI-ja kishte një reagim ku qau hallin pse në Ministri të Shëndetësisë është eleminuar pozita e Drejtorit Ekonomik. Një pozitë krejt e panevojshme me të cilën BDI-ja kishte “qerasur” njerëzit e saj. Pra, BDI-ja qortoi Qeverinë që kursen paratë e qytetarëve dhe po këput lidhjet korruptive të ndërtuara nga BDI-ja. Kjo parti ka nevojë për dy gjëra:
1. Një ekip të mirë avokatësh që të mbrojë veten nga akuzat që po i përgatit,; 2. ⁠të kuptojë se të paktën tani që është në Opozitë, duhet të ndryshojë mentalitetin e saj korruptiv”, shkruan Taravari në një status në rrjetet sociale.

Continue Reading

Lajme

VLEN emëron pesë profesorë universitar për zv/ministra

Published

on

By

Nga gjithsej 7 zv. ministra të cilët vijnë nga radhët e Koalicionit VLEN, pesë nga këta janë nga bota akademike, profesorë universitarë.

Flakron Bexheti, doktor shkence do të jetë zv/ministër i Bujqësisë, Kaltrina Zekolli, doktor shkence do të jetë zv/ministre e Transportit, Lulzim Aliu, doktor shkence do të jetë zv/ministër i Arsimit, Astrit Iseni, doktor shkence është caktuar të jetë zv/ministër në MPB, si dhe Safije Sadiki Shaini zv/ministre e Sportit, është doktorante dhe ligjëruese në universitet.
Sedat Sulejmani është emëruar zv/ministër i Kulturës, ndërsa Elfete Ismaili është emëruar zv/ministre e Mbrojtjes, të dy profesionistë të shquar.

Flakron Bexheti është ligjërues në Universitetin “Nënë Tereza”, njëjtë Kaltrina Zekolli dhe Safije Sadiki Shaini. Astrit Iseni është ligjërues në Universitetin e Tetovës “Fadil Sulejmani” dhe Lulzim Aliu i cili ligjëron në Universitetin “Kirili dhe Metodi”.

Continue Reading

TOP Lajme