Connect with us

Lajme ditore

Zgjedhjet presidenciale, filloi sot mbledhja e nënshkrimeve

Published

on

Duke filluar nga sot dhe deri më 8 mars kandidatët për president duhet të mbledhin 10 mijë firma nga votues të regjistruar në listën zgjedhore për të zyrtarizuar kandidaturën. Kjo ose mbledhja e të paktën 30 nënshkrimeve nga deputetët në Kuvend janë dy opsionet e vetme për kandidim.

BDI-ja filloi me mbledhjen e firmave për kandidaturën e Bujar Osmanit, kurse kreu i kësaj partie pas hedhjen së firmës në Kërçovë përsëriti se këto zgjedhje janë mundësi për të hequr pengesat në rrugën drejt BE-së.

“Vendi ynë duhet të ecë përpara drejt anëtarësimit në Bashkimin Evropian, drejt guximit për të përmbyllur çështje të rëndësishme që momentalisht na paraqiten si pengesë për hapjen e horizonteve të reja… me këto zgjedhje përcaktuese për ardhmërinë, të thuhet “ndal” Rusisë dhe “po” Evropës…”, deklaroi Ali Ahmeti, kryetar i BDI-së.

Procedurën për mbledhjen e nënshkrimeve e hapi edhe E Majta me kandidaten e saj Biljana Vankovska. Ajo u ankua për obstruksione si pengesa për qasje deri në zyrat e KSHZ-së për personat me aftësi të kufizuara dhe mungesën e rrymës në njërën nga zyrat.

“Jemi të gatshëm të përballemi me një milion probleme dhe për këtë qëllim dhe si sfidë presim që qytetarët vërtetë të tregojnë frymë politike avanturiste, të sigurojnë që më shumë kandidatë në debatin e vërtetë politik të na japin mundësinë të prezantohemi vetë me programet dhe njohuritë tona, me vizionet tona për vendin sepse garojmë në një garë e cila nuk do të jetë e pastër dhe nuk është e pastër që nga dita e parë”, u shpreh Biljana Vankovska, kandidate e të Majtës.

Nënshkrime do të duhet të mbledhë edhe kandidati i VLEN, Arben Taravari, kreu i Komunës së Kumanovës Maksim Dimitrievski, aktivistja qytetare Mersiha Smailloviq, kryetari i komunës së Karposhit dhe kryetari i GROM-it, Stevçe Jakimovski dhe kandidati i pavarur por që vjen nga radhët e VMRO-së, Vele Markovski.

Kandidatja e mbështetur nga VMRO-DPMNE-ja Gordana Siljanovska nuk do të ketë nevojë për mbledhjen e firmave të votuesve pasi ka siguruar 30 firma nga deputetët. Nëse siguron të njëjtën mbështetje nga deputetët, për nënshkrimet e 10 mijë votuesve s’do të ketë nevojë as Stevo Pendarovski, i mbështetur nga LSDM-ja. Megjithatë nuk ka pengesë që ata të mbledhin firma nga votuesit vullnetarisht.

Nënshkrimet mblidhen në njësitë rajonale dhe zyrat e Komisionit Shtetëror të Zgjedhjeve në tërë territorin e vendit. Orari i punës në zyrat rajonale të Komisionit Shtetëror të Zgjedhjeve është çdo ditë nga ora 08:00 deri në orën 20:00, duke përfshirë ditët, të shtunën dhe të dielën dhe ditët e festave. /Alsat.mk

Continue Reading

Lajme

Votimi i të burgosurve dhe të sëmurëve po zhvillohet pa probleme, bëjnë të ditur KSHZ

Published

on

By

Të drejtën e votës sot do të mund ta ushtrojnë 2569 votues në 31 vendvotime në PKV, ku janë regjistruar për të votuar dhe aplikimet e të cilëve janë pranuar nga Komisioni Shtetëror i Zgjedhjeve.

Sot në qendrat e votimit në 14 IEVP do të mund të ushtrojnë të drejtën e votës 2147 zgjedhës. Të gjitha qendrat e votimit në IEVP janë hapur në orën 7:00 të mëngjesit të sotëm dhe votimi atje do të vazhdojë deri në orën 19:00.

Deri në këtë moment votimi po vijon pa problem. Gjatë ditës së sotme dy votues, të cilët identifikohen si të zhvendosur brenda vendit, do të mund të ushtrojnë të drejtën e votës në të vetmen qendër për personat e zhvendosur brenda vendit.

Këshillat zgjedhorë në Republikën e Maqedonisë së Veriut gjatë ditës së sotme do të bëjnë votimin e personave të sëmurë ose të paaftë, të cilët kanë dorëzuar njoftime me dokumentacion përkatës deri te komisionet komunale zgjedhore. Të drejtën e votës në banesat e tyre do ta ushtrojnë 6935 qytetarë të regjistruar si të sëmurë apo të pafuqishëm.

Sot, 534 zgjedhës, të vendosur në 20 qendra të kujdesit jashtëfamiljar, do të kenë mundësinë të ushtrojnë të drejtën e votës në qendrën ku ndodhen. Ekziston një interes i theksuar për vëzhgimin e këtyre zgjedhjeve nga organizata dhe media vendase, të huaja dhe ndërkombëtare. Komisioni Shtetëror i Zgjedhjeve deri më tani ka akredituar për vëzhgim 342 vëzhgues vendas, 517 vëzhgues të huaj dhe ndërkombëtarë, 51 përkthyes dhe 32 gazetarë të huaj. Faqja e KSHZ-së, www.sec.mk, si dhe faqet e rrjeteve sociale “Facebook”, X, “Instagram”, si dhe kanali YouTube janë në dispozicion të të gjithë qytetarëve, ku do të mund të gjeni informacion në kohë dhe të saktë në lidhje me zgjedhjet.

Në listën zgjedhore me të drejtë vote në këto zgjedhje janë regjistruar gjithsej 1.814.317 zgjedhës.

Continue Reading

Lajme

Taravari për Politiko: Duhet të marrim shembull nga qeverisja e Kurtit, përkrahja e tij ndaj nesh është legjitime dhe e duhur

Published

on

By

Kryetari i Aleancës për Shqiptarët dhe kandidati për president Arben Taravari sot ka qenë i intervistuar nga emisioni Politiko në televizionin Kanal 10. Taravari ka shprehur qëndrimin e tij për përkrahjen që koalicioni VLEN merr nga Vetëvendosja dhe kryeministri i Kosovës Albin Kurti, duke e quajtur si një veprim normal dhe të duhur.

‘Zoti Kurti, ka qeverisur në katër vite pa asnjë skandal dhe problematikë të thelluar në qeverisje. Ai ka një kredibilitet të lartë në Kosovë, por më shumë se në Kosovë, ka një kredibilitet më të lartë tek shqiptarët në Maqedoni të Veriut dhe Luginës së Preshevës. Përkrahja e tij ndaj nesh, është legjitime, merrni shembull ku Erion Velija përkrahu në vitin 2021 kandidatin e LSDM-së për qytetin e Shkupit Petre Shilegov apo Lutfi Haziri që përkrahu kryetarin e komunës së Kumanovës Maksim Dimitrievskin. Por mos të harrojmë, një kohë të gjatë BDI-ja ka pasur përkrahje nga PDK-ja, që nga viti 2008 e deri këndej vazhdon të ketë të njëjtën përkrahje. Andaj përkrahja e Albin Kurtit për ne si opozitë shqiptare, është shumë legjitime dhe e duhur’ – theksoi Taravari.

Continue Reading

Lajme

Taravari për Politiko: BDI-ja nëpërmjet Ballkanit të Hapur mundësoi hyrjen e influencës serbe në vend

Published

on

By

Kryetari i Aleancës për Shqiptarët dhe kandidati për president Arben Taravari sot ka qenë i intervistuar nga emisioni Politiko në televizionin Kanal 10. Ai ka deklaruar që influenca serbe në Maqedoni të Veriut ka hyrë nëpërmjet BDI-së duke përkrahur projektin e Ballkanit të Hapur:

‘Nuk ja fali z. Ali Ahmeti që ka hapur derën për të fuqizuar Serbinë me Ballkanin e Hapur, si një projekt që fuqizoi dukshëm mirë influencën serbe. Në anën tjetër, më shumë takime BDI ka realizuar me Aleksandar Vuçiçin se sa me Albin Kurtin.’

Ai gjithashtu ka deklaruar që kundërkanditati i tij, z. Bujar Osmani, ka realizuar më shumë vizita zyrtare në Beograd se sa në Prishtinë:

‘Këtu nuk e përfshijmë vetëm z. Ahmeti, por edhe kundërkanditatin tim, ministrin e jashtëm aktual të Maqedonisë së Veriut, Bujar Osmani, i cili më shumë ka bërë vizita zyrtare në Serbi se sa në Kosovë. Kjo dëshmon influencën serbe që ka hyrë nëpërmjet BDI-së në Maqedoni të Veriut’.

Continue Reading

TOP Lajme