Connect with us

Lajme

Fejzi Hajdari: Kreu i Aleancës Taravari ka dëshmuar qëndrueshmëri dhe principialitet në qëndrimet politike

Published

on

Linku i plotë i Podcast: https://youtu.be/VawApK2mxGE

Shkruan: Fejzi HAJDARI

“BDI është kancer i shoqërisë”! Deklaratën e këtillë ditë më parë e shpalosi kreu i Aleancës për Shqiptarët (ASh) z.Arben Taravari. Është hera e parë që një akuzë e tillë, kaq e ashpër dhe e argumentuar, hidhet ndaj partnerit të koalicionit qeverisës BDI. Zoti Taravari akuzat e këtilla i kishte përsëritur edhe më herët në paraqitjet e tija publike. Por, për dallim nga tani që është pjesë e koalicionit qeverisë, akuzat e mëhershme i kishte shpalosur duke qenë në opozitë.

Përderisa kreu i Aleancës ka dëshmuar qëndrueshmërin në qëndrimet politike por edhe principialitet, BDI-ja ndaj të njëjtave çuditërisht ka heshtur. Diçka e pazakontë, për një parti e cila deri tani ka reaguar pothuajse edhe për cikërrima, ndërkohë që ka heshtur ndaj akuzave të ashpra, të rënda…

A thua pse heshtë BDI-ja, e cila më parë ishte shumë e zëshme pothuajse për asgjë!
Heshtja BDI-së si duket ka të bëjë më shumë me frikën nga skandalet e shumta që po ju dalin në shesh kohëve të fundit, duke filluar nga afera Soravia, tenderi milionësh për kompaninë e dhëndërrit të Ahmetit, kontrata e fshehtë (jotransparete) për Korridorin 8, Kazinotë, “Llotartija”, paralelja shqipe në gjimazin e Velesit etj.

Letargjia apo papotenca, nuk kanë qenë “vyrtit” i ‘Bëdëistëve’, prandaj habit ‘strategjia prej memecit!”. Heshtja në shumë raste, do të thotë miratim, pajtim, mungesë kontraargumenti…

Veprimet e BDI-së SOT, nuk janë si ato DJE!

Pse kjo defanzivë e Ahmetit e Grubit, pikërisht në kohën kur pak a shumë, pothuajse kanë filluar aktivitetet për zgjedhjet e ardhshme, gjykuar sipas qëndrimeve dhe paraqitjeve publike të subjekteve politike?

Thonë që para argumenteve heshtin edhe perenditë! Si duket këtë seriozisht e ka kuptuar edhe BDI-ja, prandaj ka vendosur të mos flasë.

Argumentet e zotit Taravari ishin të fuqishëm për dështimet e BDI-së, si parti që në qeveri qëndron tani 20 vite. Mjafton t’i rikujtojmë se asnjë nga kërkesat me interes vital kombëtarë gjatë këtyre 20 viteve, nuk ka marrë epilogu pozitiv – zgjidhje! Përkundrazi statusi juridiko-kushtetues i shqiptarëve mbetet po ai i para vitit 2001, tani bile edhe me një formulim ofendues kushtetues ku shqiptarët figurojnë si bashkësi etnike “20 për qind”.
Nga këtu konstatimi se të qëndrosh me BDI-në në qeveri, është sikur të vendnumrosh dhe të pajtohesh për t’ia falur mëkatet! Prandaj, deklarata e Taravarit duhet të merret si fillim i vërejtjeve serioze, thelbësore, se ndryshimi i pushtetit është domosdoshmëri.

Pa ndryshimin e pushtetit, agonia do të zgjasë me vite të tëra, kurse për ta ndërpre agoninë nevojitet ndryshimi i estabilishmentit të tanishëm qeverisës.

Continue Reading

Gosip

Xhulian Shabani me klipin e Luiz Ejllit fiton vendin e parë nga publiku!

Published

on

By

Në faqen zyrtare të “Netëve të klipit shqiptar” në edicionin e 21-t , vendi i parë çmimi i publikut i ka takuar videoklipit “Amanet” me protagonist Luiz Ejli.

Ndërkohë që klipi “Amanet “ishte klipi më i votuar online nga publiku , në skenë për të marrë çmimin u ngjit Xhulian Shabani, producent i këtij klipi.

Shabani me këtë rast falenderoi të gjithë ata që e kanë përkrahur me votat e tyre, në veçanti përshëndeti “Ejllat”, fansat e zjarrt të Luizit, si dhe vetë Luiz Ejllin artistin që i dha motiv të shpreh kreativitetin e tij në këtë videoklip.

Ishte punë e gjerë nga një ekip profesionist i Synopsis Ads, ku shfrytëzoi rastin t’i përshëndes të gjithë sepse besoni në atë temperatur të lartë që është prodhuar klipi ishte shumë i vështirë realizimi i klipit, u shpreh Xhuliani.

Më tej Shabani falenderoi edhe Elvis Pupën dhe Santiana Malokun që ishin aktorë, si dhe gjithë bashkëpuntorët e Synopsys ads që kontribuan të realizohet me sukses ky klip.

Në fund fare Xhulian Shabani tha se këtë klip dhe këtë sukses i’a përkushton babait të tij tashmë të ndjerë , që beson se e shikon prej lartë dhe krenohet me Xhuliani/ Fol.mk

Continue Reading

Lajme

Baton Haxhiu paraqitet në SPAK për çështjen Inceneratorëve? (Video)

Published

on

By

Gazetari Baton Haxhiu i është drejtuar këtë të enjte ambienteve të Prokurorisë së Posaçme Antikorrupsion.

Gazetarja Anila Hoxha ka siguruar momentin kur Haxhiu hyn në SPAK. Por, nuk dihet ende nëse është paraqitur për të bërë ndonjë kallëzim apo është thirrur nga prokurorët për ndonjë nga dosjet që kjo prokurori po heton.

Haxhiu punon në media si gazetar prej disa vitesh, përfshirë edhe raportimin e genocidit në vitin 1999 në Kosovë, ndërsa vitet e fundit është prezantuar edhe si analist në panelet televizive.

Continue Reading

Lajme

FNA: Jeton Shaqiri dhe Halit Ferati fajtor që Arsimi i Lartë në Maqedoninë e Veriut është në krizë

Published

on

By

Profesorë të korruptuar, hajna dhe plagjiatorë përditë po prodhojnë analfabetë funksional. Skandali thellohet kur këta shkatërrues të cilësisë në arsimin e lartë po rehablitiohen nga personat më kompetent për t’i ndëshkuar ata, ministri i Arsimit dhe Shkencës, Jeton Shaqiri dhe drejtori i Inspektoratit të Arsimit, Halit Ferati.

Për të shpëtuar arsimin nga fundosja e tërësishme, FNA-ja disa herë ka denoncuar dhe ka ofruar prova për raste të hajnisë dhe korrupsionit në arsimin e lartë. Rrallë kemi marrë përgjigje ndërsa asnjëherë s’janë ndërmarrë masa konkrete kundër shkelësve të denoncuar nga ne, përkundër vendimeve për shkelje të konstatuara. Kështu, Halit Ferati dhe Jeton Shaqiri po stimulojnë korrupsionin në arsim.

Po bëhet 1 vit që kur u konstatua se Agron Alili ishte avancuar kundërligjshëm dhe asgjë nuk është ndërmarrë deri sot, përkundër që FNA-ja posedon prova ku ministri Shaqiri premton se do të ndërmerr masa. Alili vijon që çdo mëngjes të vishet nën petkun e profesorit dhe të del para studentëve, sikur të mos ishte një prej personave që rrezikon cilësinë e arsimit të lartë. Theksojmë se ky nuk është rasti i vetëm pa epilog.

Aleat i ministrit në këtë ‘luftë’ për mbrojtje dhe strehim të shkelësve të ligjit është drejtuesi i Inspektoratit të Arsimit, Halit Ferati. Deri te ky institucion, FNA-ja ka kohë që dorëzon prova dhe indicie për shkelës potencial ndërsa nuk po marrim asnjë përgjigje. Halit Ferati ta lëshojë karrigen e drejtorit nëse s’ka guxim, s’din ose nuk dëshiron që të luftojë korrupsionin në arsim.

Me praktikën e mosndëshkueshmërisë të ministrit Shaqiri, frikën e Feratit për t’i çuar deri në fund hetimet dhe gjendjen në të cilën ndodhet arsimi sot, FNA-ja konsideron se janë pjekur kushtet që kryeministri të ndërhyjë dhe t’i shkarkojë urgjentisht dy frenuesit më të mëdhenj të luftës kundër korrupsionit, hajnisë dhe plagjiaturës në arsimin, Jeton Shaqirin dhe Halit Feratin.

FNA-ja nuk do të qëndrojë duarkryq, ndërkohë që presim persona më kompetent t’i zënë karriget e institucioneve të lartëpërmendura, do të vazhdojmë të bëjmë publike çdo parregullsi që vë në rrezik cilësinë e arsimit të lartë. FNA-ja përsërit edhe njëherë nevojën për veting në arsim të lartë, vetëm në atë formë do ta shpëtonim arsimin nga këto hajna, plagjiatorë dhe persona të korruptuar, përfubdojn nga FNA.

Continue Reading

TOP Lajme