Sekretari gjeneral i Aleancës për Shqiptarët, Blerant Ramadani ka marrë pjesë në panel diskutimin me temë “(Ri)pozicionimi ideologjik i partive politike” e organizuar nga Fondacioni Westminster për Demokraci.

Gjatë diskutimit Ramadani foli mbi sfidat dhe perspektivat ideologjike që na presin si shoqëri dhe ASH-në si parti politike.

“Ishte kënaqësi të isha panelist në ngjarjen e organizuar nga Fondacioni Westminster për Demokraci, ku së bashku me përfaqësues të tjerë të partive politike në Maqedoni diskutuam mbi temën ‘(Ri)pozicionimi ideologjik i partive politike’. Si Sekretar Gjeneral i Aleancës për Shqiptarët, pata mundësinë të kontribuoj në debatin mbi sfidat dhe perspektivat ideologjike që na presin si shoqëri dhe si parti politike”, thuhet në njoftimin e Ramadanit.

Mëngjesin e sotëm është shfaqur një pankartë nga aktivistë të BDI-së të cilët kërkojnë sërish Ali Ahmetin në Qeveri.

“Qeveria don burra, kthehu Ali Ahmeti”, shkruan një pankartë, ndërsa me këtë ka ironizuar gazetari Furkan Saliu i cili thotë se hajni nuk po fryhet 20 vjet me pushtet.

“Hajni nuk fryhet për 20 vite. Kthehu Ali Ahmeti se e rëndë jeta pa shofer, kartelë zyrtare dhe shfalerkë”, shkruan Saliu.

Edhe qytetarët shprehen kundër dhe po ironizojnë e pankartën e sotshme dhe shprehen se për Musa Xhaferin përveç burrave, nevojiten edhe gratë.

Kryetari i Komunës së Gostivarit Valbon Limani bashkë me nxënësit e klasave të para dhe përfaqësues të Njësisë për preventivë në kuadër të SPB – Tetovë, kanë inicuar fushatën për siguri më të madhe të fëmijëve në trafikun rrugor. Kreu i Gostivarit personalisht ka ndaluar automjetet në qarkullim për të biseduar me vozitësit rreth rëndësisë së vozitjes në bazë të rregullave dhe kujdesit ndaj pjesëmarrësve më të vegjël në komunikacion.

Me këtë rast, ai u shpreh: “Duke pasur prioritet prindëror dhe institucional sigurinë e fëmijëve tanë në trafikun rrugor, vendosa që personalisht të dal në rrugë bashkë me nxënësit e klasave të para dhe përfaqësuesit e Njësisë për preventivë në kuadër të policisë, për të ndaluar vozitësit e automjeteve dhe për t’i përkujtuar për sigurinë e pjesëmarrësve më të vegjël në komunikacion. Kjo punëtori edukative që ka për qëllim edhe njoftimin e nxënësve me rolin e policisë rrugore dhe rregullat e komunikacionit, do të vazhdojë edhe në të gjithë shkollat fillore të komunës sonë”, deklaroi kryetari Limani.

Pjesë e këtij aktiviteti i cili zhvillohet për herë të parë në komunën e Gostivarit, ishte defileja që autoritet lokale e bënë së bashku me nxënësit dhe mësimdhënësit e tyre nga Pallati për Kulturë deri te sheshi i qytetit, ku për më të vegjëlit u shpërndanë broshura me porosi për sjelljen e tyre dhe vozitësve në trafikun rrugor.

Aktiviteti u mbyll me muzikë dhe maskota për argëtimin e fëmijëve.