Taravari ngushëllon për ndarjen nga jeta të Enver Petrovcit: La gjurmë të pashlyeshme në teatrin dhe filmin shqiptar, simbol i kulturës sonë

Kryetari i Aleancës për Shqiptarët, Arben Taravari, ka shprehur ngushëllimet e tij për ndarjen nga jeta e ikonës së teatrit dhe filmit, Enver Petrovci.

Nëpërmjet një postimi në Facebook, Taravari potencon se Enver Petrovci la gjurmë të pashlyeshme në teatrin dhe filmin shqiptar, duke u bërë simbol i kulturës sonë.

Postimi i plotë:

“Me pikëllim të madh morëm lajmin për ndarjen nga jeta të aktorit të shquar Enver Petrovci.
Ai la gjurmë të pashlyeshme në teatrin dhe filmin shqiptar, duke u bërë simbol i kulturës sonë.
Ngushëllime të sinqerta familjes, kolegëve dhe gjithë artdashësve.

Qoftë i përjetshëm kujtimi për të!”, ka përfunduar Taravari.