Connect with us

Lajme ditore

Snopçe: Talat Xhaferi me urdhër të Artan Grubit vendos se cili nga Aleanca është besnik ndaj BDI-së

Published

on

Halil Snopçe përmendi mesazhet e Grubit, ku i urdhëron drejtorët e BDI-së që të mos pranojnë asnjë vendim nga ministrat në shkarkim. Ai  tha se si mundet kryeminstri teknik mund të bjerë punën që të shantazhohet, pra komandati pranon urdhëra nga të tjerë, e kush janë ato “tjerët”, ndoshta është ai që i ka dërguar këto mesazhe. Ai gjithashtu shtoi edhe shumë emra tjerë duke thënë se pse ata nuk po shkarkohen.
Talat Xhaferi me urdhëra të Artan Grubit vendos se kush është besnik i Aleancës ndaj BDI-së./Alsat.mk

Continue Reading

Lajme ditore

Pse iku Blerim Bexheti nga Saraji?!

Published

on

By

Dy janë arsyet kryesore që e detyruan Blerim Bexhetin që të tërhiqet nga posti kryetar i Komunës së Sarajit dhe të zë karrigen e deputetit në Parlamentin e RMVsë! Blerim Bexhetit i duhet imuniteti! Po pse?

Shkruan: Egzon Hamiti

Në këtë fazë, kur bastioni i BD-së, zona e Sarajit, përjetoi një detronizim të paimagjinueshëm duke u krijuar një elektorat i respektueshëm i partisë së re (në rastin konkret, VLEN-i), në kohën kur partia e tij tashmë do të bëjë jetë opozitariste dhe kur do të ketë rrjedhë edhe më të madhe të elektoratit të opozitës aktuale në drejtim të partisë reprezentative shqiptare në pushtet, pra, në kohën kur BDI realisht mundet ta humbasë komunën bastion të veten, Blerim Bexheti e lë Komunën pa kryetar dhe me detyrim për zgjedhje të reja për kryetar komune!

Çka dëshmoi me këtë gjest prej skuthi Blerim Bexheti? Dëshmoi se nuk mund të rrijë më në mesin e qytetarëve që u ka borxh të madh, në mesin e atyreve që çdo vit i ka gënjyer e i ka ushqyer me shpresë për një jetë më të dnjitetshme. Thjesht, nuk i intereson ky popull në momentin kur atij i rrezikohet karriera! Nga ana tjetër, Blerim Bexheti nuk mundet që edhe më tej, në emër të pshtetit qendror, t’i premtojë “nëntokës” së vet siguri, amnisti dhe veprime për të cilat nuk ka përgjegjësi juridike! Nga ana tjetër, edhe prishja e matematikave në të gjith nivelet e gjykatave të Maqedonisë ku ky ka pasur ndikim të konsiderueshëm, Blerim Bexhetin jo vetëm që e bën të pafuqishëm para elekoratit të vet si dhe para “nëntokës” së tij kriminale, por, e detyron që të arratiset nga “habitati” i vet, edhe për faktin që pushteti i ri, nuk do t’ia falë nëse juridikisht do të jet i mëkatshëm! Ndërsa ky e di fare mirë se sa është i përfshirë nëpër skandale, e di fare mirë se sa do të detyrohet që të përfshihet gjithnjë e më shumë nëpër skenare iracionale, për t’i zhvilluar ato, e di fare mirë se “atë që ka mbjellë atë do ta korrë”, ndaj dhe ka vndosur që ta lë postin e kryetarit të Komunës i cili nuk mund ta ketë imunitetin e deputetit të Parlamentit. Pra, Blerim Bexhetit i duhet imuniteti, të paktën një imunitet që do t’ia zgjaste ditët e deputetllëkut deri në marrjen e imunitetit nëse do të “kapet me pelë për dore”!
Mund të jetë edhe një lloj pazari me pushtetin dhe një thikë pas shpine të Ali Ahmetit! Mund ta humbë fare Sarajin, duke ia kaluar në dorë VLEN-it në këmbim të mosmarrjes së imunitetit. Kjo nënkupton që të marrë garanca se pushteti nuk do ta hap “Kutinë e Pandorës”, në të cilën fshihen vepriet kriminale të Blerim Bexhetit, kriminalizimi i gjyqësorit si dhe bashkëpunimi me “nëntokën kriminele”, të gjitha këto të incizuara gjatë përgjimeve për të ashtuquajturat “bombat e Zajevit”!
Pra, shumë shpejt do të vërtetohet fakti që Blerim Bexhetit kurrë nuk i bëhet vonë për popullin e Sarajit kur është në pyetje interesi i vet personal. Ashtu siç ia nguli thikën pas shpine “grupit të zjarrit” në momentin kur e siguroi përfshirjen si bartës i listës në Zonën 1, ashtu mund t’ua ngulë thikën edhe elektoratit partiak por edhe vetë BDI-së nëse do t’i garantohet përfundim i qetë i mandatit të deputetit; nëse do t’i garanohet se nuk do të hapen ato dosje të burgosjeve politike dhe të shumë burgosjeve si rrjedhojë e proceseve të montuara e me regji të “liderit”, procese që kanë përfunduar edhe me vdekje!

Se a do të shtyhen të gjitha ato “projekte” që i ka premtuar para popullit të vet në Saraj, se kësaj popullata a do t’ju përmirsohet kualitativisht jeta siç u ka premtuar kur ua ka marrur votën, kjo fare nuk i intereson Bexhtit, sepse, për të e rëndësishme është që ta shpëtojë kokën e vet!

Një është e sigurtë: me këtë gjest qyqeje të Blerim Bexhetit, ngadalë por sigurt, po përfundon “epoka e tij” në Komunën e Sarajit, të cilën e kishte shndërruar në një “kopsht premtimesh” të kota! Është shumë i sigurtë se tashmë po vjen koha e përgjegjësive dhe e llogaridhënies!

Continue Reading

Lajme ditore

BDI e Kumanovës kundër “valixhes” së Artan Grubit dhe fjalorit të tij!

Published

on

By

Anëtari i kryesisë së BDI –së dega Kumanovë, Amir Imeri e quan veprim të ulët atë që dje e bëri Artan Grubi nga Fronti Europian, duke shkuar me valixhe para komunës së Çairit. Sipas Imerit, ndihen të ofenduar nga subjektivizimi i fjalimeve dhe veprimeve publike të disa funksionarëve.

Postimi i plotë:

“Niveli më i ulët i komunikimit publik është personalizimi i fjalimit. Mbështetja e aktivistëve politik nuk duhet të keqpërdoret, sikurse edhe vota e mijër qytetarëve. Qytetarëve nuk i interesojnë inatet personale!
Ndihem i ofenduar nga subjektivizimi i fjalimeve dhe veprimeve publike të disa funksionarëve!
Ndihem edhe krenar që për 20 vite, kryetari Ali Ahmeti nuk e ka shëndrruar dhe keqpërdorur diskursin politik në konflikt personal.
Mirë është që ta ruajmë këtë standart të trashëguar edhe nga Arbër Xhaferi”, përfundon zyrtai i BDI-së, Imeri.

Kujtojmë se dje Grubi para komunës së Çairit, gjatë një pres konference, kishte një valixhe me vete duke ironizuar liderët e koalicionit VLEN që të marrin valixhen, pasi humbën më 24 prill.

Continue Reading

Lajme ditore

Bujar Osmani shpall fitoren, ka një mesazh për Arben Taravarin

Published

on

By

Bujar Osmani ka falënderuar të gjithë shqiptarët në Maqedoninë e Veriut për mbështetjen që ia dhanë sot në zgjedhjet presidenciale.

Kështu tha Bujar Osmani, në një lidhje të drejtpërdrejtë, përcjell Nacionale.

“Fitore në Saraj, në Manastir, e thellë fitore në Kërcovë.

Fitore në Gostivar. Urime të gjithëve për këtë fitore të madhe. Ju faleminderit nga thellësia e zemrës. Kjo fitore e jona është fitore e përbashkët.

Dua t’i falënderoj të gjitha partitë politike dhe liderët e partive të Frontit evropian që më kanë nderuar me prezencën e tyre.

Ju falënderoj nga zemra dhe në emër timin dua t’ju jap fjalën time, që vota juaj është amanet për mua.

Sot, shqiptarët, turqit, boshnjakët, romët, treguan se ata vendosin vetë për veten e tyre, ju premtojmë se aksush kurrë nuk do të vendosë për ta. Vullneti është i qartë dhe duhet të respektohet.

Dua t’i them dicka kundërshtarit tim Taravarit, Arben, pavarësisht goditjeve të ulëta, ne patëm një fushatë të dinjitetshme, pres ta pranosh këtë vullnet të popullit shqiptar.

Vëllezër dhe motra, sa i takon zgjedhjeve në përgjithësi ende presim rezultate në raundin e dytë.

Edhe zëvendëskryeministri Artan Grupi është shprehur i bindur në fitoren e Bujar Osmanit ndaj Arben Taravarit.

Para përkrahësve të BDI-së, të cilët kanë dal për të festuar në sheshin Skënderbeu në Shkup, Grubi ka thënë se në raundin e parë të zgjedhjeve presidenciale ka fituar Maqedonia Evropiane.

Ai ka thënë se kanë dështuar koalicionet që dëshiruan dështimin e UÇK-së.

Fitoj Maqedonia evropiane, sepse po bëjmë festë. Me gjithë ato konstruksione me gjithë ato koalicione për ta shkatërruar UÇK-në, BDI dhe Ali Ahmetin dështuan në mënyrë spektakulare sepse qytetarët shqiptar dhe Maqedonisë së Veriut u përcaktuan për Maqedoni shqiptare për Ali Ahmetin. Unë dua të falënderoj të gjithë qytetarët. Kjo fitore do të dyfishohet në maj”, ka deklaruar Grubi.

VLEN akuzon BDI-në

Koalicioni VLEN nuk e ka pranuar humbjen. Pavarësisht diferencës se madhe në vota që tregon Komisioni Shtetëror Zgjedhor, Bilall Kasami nga koalicioni VLEN ka insistuar në fitore.

Në konferencë për media, ai ka thënë se koalicioni VLEN është fitues i votës së shqiptarëve.

Sipas tij, BDI-ja ka blerë votat.

Jemi fitues të votës shqiptare. VLEN është përfaqësues i vetëm në qeverinë e ardhshme. BDI e ka humbur legjitimitetin te shqiptarët prandaj në zgjedhjet e 8 majit ne do të fitojmë. Do ta përmbysim rezultatin që sot BDI e mori me metoda kriminale. Ne treguam që jemi opsion demokratik që respektojmë vlerat evropiane. Me angazhimin e madh për ndryshim do ta kthejmë situatën. BDI arriti ta shkatërrojë mundësinë që presidenti të zgjidhej me zgjedhje të drejtpëdrejta. BDI do të shkruhet me shkronja të zeza në historinë e re politike, si një parti që punon për interesa të saj”, ka thënë Kasami.

Continue Reading

TOP Lajme