Shqiptarët aktualisht janë në ditët e tyre më të errëta në Maqedoninë e Veriut, ndërsa VLEN ka harruar se në pushtet erdhi për të përmirësuar gjendjen e shqiptarëve.

Këto deklarata të forta ndaj VLEN-it i dha kryetari i ASH-së, Arben Taravari, në një intervistë për “Bota sot”, duke shpjeguar arsyet që e çuan të largohet nga qeveria.

Sipas tij, një ndër arsyet ishte se kjo qeveri ka kaluar vijat e kuqe duke e larguar vendin nga rruga drejt BE-së.

“Metamorfoza e shpejtë dhe e pabesueshme që ndodhi te kolegët e VLEN-it, të cilët harruan se kishin ardhur në pushtet për të ndërtuar një shtet më të mirë për shqiptarët dhe të gjithë qytetarët… dhe e dyta, largimi i politikave qeveritare nga rruga e BE-së. Këto ishin dy shkaqet kryesore të cilat, siç po shihet dita-ditës, janë kthyer në një alarm të kuq”, theksoi Taravari.

Për sa i përket pozitës së shqiptarëve, Taravari pohon se ata po përballen me një situatë të rëndë që ka tërhequr vëmendjen edhe të faktorit ndërkombëtar.

“Shqiptarët janë në ditët e tyre më të errëta dhe ka një shqetësim në rritje nga ndërkombëtarët për ndikimin rus dhe serb në vendin tonë”, deklaroi ai.

Kryetari i ASH-së Arben Taravari, ka shprehur shqetësimin e tij për përfaqësimin dhe pozitën e shqiptarëve në këtë shtet, duke vlerësuar se ata ndodhen sot në një gjendje më të keqe se kurrë më parë që nga nënshkrimi i Marrëveshjes së Ohrit.

I pyetur nga gazeta “Bota sot” për rolin e shqiptarëve në ndërtimin e një shoqërie më të barabartë dhe më të integruar në Maqedoninë e Veriut, Taravari theksoi rëndësinë e barazisë ndëretnike dhe përfaqësimit të drejtë për të gjitha komunitetet.

Kjo shoqëri është e barabartë ku secila nga etnitë që jetojnë këtu ndihet njësoj e përfaqësuar dhe ka mundësi të barabarta.

Shqiptarët nuk kanë qënë pozicionuar aq sa ju takon këto vite, por është për të ardhur keq që aktualisht janë më keq se çdo herë pas Marrëveshjes së Ohrit.

Ne kritikonim me të drejtë në të kaluarën që shumë pika të kësaj marrëveshje nuk zbatoheshin, por ky VLEN që është në Qeveri po e gris dita-ditës këtë marrëveshje dhe po i ka kthyer shqiptarët të pavlefshëm në shtetin e tyre!”, tha Taravari për gazetën Botasot.

Një veprim që po interpretohet si hakmarrje politike, kryetari i Komunës së Tetovës, Bilall Kasami, ka transferuar me urdhër zyrtar punonjësin komunal njëherësh edhe pronar i portalit informativ Top24.mk, Ylber Jahiu në një vend tjetër pune, konkretisht në Infoqendrën.

Lajmin e ka bërë të ditur vetë Jahiu përmes një postimi në profilin e tij në facebook, ku thekson se sot kryetari i komunës së Tetovës, Bilall Kasame me urdhëresë ia ka ndërruar vendin e punës dhe si vend të përshtatshëm për të është INFOQENDRA.

Jahiu thejson më tej se se nuk është hera e parë që përballet me presion, duke përmendur edhe një video të mëhershme ku, sipas tij, është shënjestruar.

Postimi i plotë i Jahiut:

“Të dashur miq!
Sot kryetari i komunës me urdhëresë më ka ndruar vendin e punës dhe si vend të përshtatshëm për mua është INFOQENDRA.
Si pronar i portalit Top24.mk nuk është hera e parë që kam qenë shënjestër, madje shumë nga ju keni parë edhe një video që pati qarkulluar më herët.
Falemnderit Bilall Kasami për këtë qasje ndaj meje.
Trysnia nuk do ta ndal fjalën e lirë të medias”, ka përfunduar Jahiu.