Ministri i Shëndetësisë, Arben Taravari, tha se që nga dita e hënë qytetarët do të mund t’i gjejnë barnat nga lista pozitive nëpër farmaci. Taravari tha se çdo 3-4 muaj lista pozitive do të zgjerohet me nga një ilaç, ndërsa sipas tij se do të ulet edhe përqindja e shpenzimeve të qytetarëve për barna.

“Nga 16 shtatori pacientët mundet qe 9 barnat e reja ti gjejnë nëpër barnatore pa pagesë, pra që janë të vendosura si shtesë, pra, do hyjë në fuqi që nga e hëna. Ne jemi duke përgatitur platformë së bashku me OBSH-në, e cila do të sigurojë transparencë në të gjithë procesin, gjatë zgjerimit të listës në të ardhmen”, deklaroi Arben Taravari, ministër i Shëndetësisë.

Ligji për vetëqeverisje lokale i cili sot është në procedurë kuvendore dhe me të parashihet të përkufizohet situata kur ushtuesit e detyrës kryetarë të komunave, bëhen funksionarë deri në mbajtjen e zgjedhjev të rregullta lokale në tetor të vitit të ardhshëm, ende nuk dihet nëse do të kalonë ose jo.

U.d. kryetar i komunës së Gostivarit Valbon Limani i cili në këtë pozitë vjen pasi ish kryetari Arben Taravari me formimin e qeverisë së re u emërua ministër i shëndetësisë, pret që ligji të kalojë që siç ai thotë, të mos bëhen harxhime shtesë, megjithëse nënvizon që edhe nëse nuk kalon, janë të gatshëm në çdo kohë të shkojmë në zgjedhje, duke i dërguar kështu porosi opozitës shqiptare “Fronti Europian”.

“Unë nuk e di se çfarë do të ndodh sot, a do të kalone ligji, mirëpo mirë do të ishte për shtetin tonë duke e ditur situatën financiare dhe sat ë holla nevojiten prej Buxhetit për të organizuar zgjedhje të reja, besoj që ky ligj të kalojë me të vetmin qëllim që mos të bëhen harxhime të panevojshme dhe të recionalizohen harxhimet. Edhe nëse nuk kalon, ne jemi të gatshëm në çdo kohë të shkojmë në zgjedhje”, deklaroi u.d kryetar i komunës së Gostivarit, Valbon Limani.

I pyetur se a do të kandidojë për kryetar të Gostivarit nëse organizohen zgjedhje të parakohshme lokale, Limani tha se për këtë do të vendosin organet partiake dhe ato të koalicionit “VLEN”.

“Për atë do të duhet të vendosin organet edhe të partisë edhe të koalicionit”, deklaroi u.d kryetar i komunës së Gostivarit, Valbon Limani.

Pos Gostivarit situatë e ngjashme paraqitet edhe në Komunat e Aerodromit dhe Sarajit ku ish krerët e tyre Timço Mucunski u emërua ministër i punëve të jashtme, kurse Blerim Bexheti e vazhdoi karrierën e tij si deputet i opozitës i përbërjes së re parlamentare dalë nga zgjedhjet e 8 majit.

Koordinatori i grupit parlamentar të VLEN-it, Adnan Azizi ka kundërshtuar shpër projekt/ligjin e propozuar nga LSDM-ja për ndryshimin dhe plotësimin e Ligjit për të drejtat e veçanta të pjesëtarëve të forcave të sigurisë së RMV-së.
Azizi ka thënë se VLEN-i nuk do t’i mbështesë këto ndryshime dhe se të njejtat nuk mund të miratohen nëse nuk gjendet zgjidhje ligjore edhe për ish-pjesëtarët e UÇK-së.

Fjalimin e plotë të Azizit mund ta ndiqni në videon më poshtë.