Mexhiti reagon ndaj paralajmërimeve të BDI-së për bllokimin e badenterit

Ndaj paralajmërimeve të BDI-së se do ta bllokojë me numrat e badenterit propozim-Ligjin për provimin e jurisprudencës, ka reaguar njëri nga kryetarët e VLEN-it, Izet Mexhiti.

Sipas tij, BDI-ja po e keqpërdor parimin e krijuar për shqiptarët që t’i bllokojë shqiptarët. “Keqpërdorimi i Badinterit sot për interesa partiake rrezikon të prodhojë domino efekt nesër, kur secili subjekt partiak mund të kujtohet që të gjejë forma për ta manipuluar votimin e dyfishtë dhe për të mbivotuar shqiptarët”, ka shkruar Mexhiti. Ditë më parë, BDI-ja deklaroi se do të përdorë çdo mekanizëm demokratik në Kuvend që zgjidhjen e ofruar për provimin e jurisprudencës të mos e lejon të miratohet./Alsat.mk.