Komuna e Gostivarit me mbi 94 milionë denarë investime të parapara për Çegranin në programin zhvillimor për vitin 2027

Mbi 94 milionë denarë investime të parapara për Çegranin në programin zhvillimor për vitin 2027

Në kuadër të diskutimeve në Këshillin Komunal të Gostivarit për programin zhvillimor të vitit 2027, janë bërë të ditura projektet kapitale dhe investimet infrastrukturore që pritet të realizohen në fshatin Çegran, vlera e përgjithshme e të cilave arrin në 94.329.000 denarë.

Me këtë rast, i është shprehur mirënjohje Kryetarit të Komunës së Gostivarit, Valbon Limani, për përfshirjen e këtyre projekteve me rëndësi të veçantë për banorët e këtij vendbanimi.

Sipas programit zhvillimor për vitin 2027, investimet e parapara për Çegranin ndahen si më poshtë:

Bullet Rezervuari dhe ujësjellësi në Çegran: 40.000.000 denarë

Bullet Kanalizimi – faza 1 dhe 2: 20.329.000 denarë

Bullet Linja kryesore e kanalizimit – faza 3 dhe 4: 10.000.000 denarë

Bullet Ujësjellësi SECO, Forinë–Çegran: 10.000.000 denarë

Bullet Asfaltimi i rrugëve: 10.000.000 denarë

Bullet Begatonizimi i rrugëve: 4.000.000 denarë

Kërkesa shtesë me rëndësi jetike për zhvillimin e fshatit

Gjatë seancës dhe diskutimeve në Këshillin Komunal, është theksuar nevoja për adresimin edhe të disa prioriteteve të tjera që konsiderohen vendimtare për modernizimin dhe zhvillimin afatgjatë të Çegranit, duke kërkuar:

Bullet Ndërtimin e kanalizimit atmosferik, për zgjidhjen e problemit të ujërave atmosferike;

Bullet Rregullimin dhe asfaltimin e rrugës Tumçevisht–Autobani, si arterie e rëndësishme për qarkullimin e banorëve;

Bullet Përshpejtimin e hartimit dhe miratimit të planit urbanistik për Çegranin.

Plani urbanistik është cilësuar si një nga projektet më jetike për të ardhmen e vendbanimit, pasi përmes tij synohet zgjerimi i zonës së ndërtimit, krijimi i zonës ekonomike, si dhe planifikimi i rrugëve të reja, hapësirave të gjelbra, parqeve dhe infrastrukturës përcjellëse.

Nga Këshilli Komunal bëhet e ditur se angazhimi për realizimin e plotë të investimeve të parapara dhe përfshirjen e këtyre kërkesave shtesë do të vazhdojë në funksion të përmirësimit të kushteve të jetesës për qytetarët e Çegranit.