Connect with us

Lajme

Lloga: Zero qytetarë të paevidentuar, vendi i parë në Evropë dhe i dyti në botë, që zgjidhim problemin e personave të paevidentuar

Published

on

Është nder dhe kënaqësi e veçantë për mua që t’i drejtohem kësaj punëtorie kushtuar zbatimit të ndryshimeve dhe plotësimeve të miratuara në Ligjin për evidencën amë.

Jam veçanërisht i kënaqur që më 21 qershor 2023 Kuvendi miratoi Ligjin për ndryshimin dhe plotësimin e Ligjit për evidencën amë, i cili është edhe temë e punëtorisë së sotme.

Që nga marrja e detyrës si Ministër i Drejtësisë, angazhimet e mia në lidhje me konceptin e regjistrimit civil janë në drejtim të gjetjes së mekanizmave të duhur ligjorë që në praktikë do të kontribuojnë në përmbushjen e objektivit të vendosur, që është përmirësimi i jetës së qytetarëve, avancimi i të drejtave dhe lirive të qytetarëve dhe forcimi i vlerave evropiane në shoqërinë tonë.

Falë mbështetjes së OSBE-së dhe UNHCR-së në Maqedoninë e Veriut, puna e grupit punues të përbërë nga përfaqësues të Komisionit për Sistemin Politik dhe Marrëdhëniet ndërmjet Komuniteteve, ministrive kompetente dhe organizatave ndërkombëtare rezultoi në përmirësimin e kornizës ligjore në drejtim të zgjidhjes së situatës shumë dekadëshe me identifikimin e një numër të madh personash (rreth 700 persona) që nuk janë të regjistruar në regjistrin e të lindurve dhe që nuk kanë dokument identifikimi.

Me këtë ligj ne përmbushim edhe detyrimet e marra ndërkombëtarisht për regjistrimin civil dhe lëshimin e dokumenteve të rregulluara nga:

– Konventa për të Drejtat e Fëmijëve,

– Deklarata e Zagrebit për Qasjen në Dokumentacionin Civil dhe Regjistrimin në Evropën Juglindore në 2011 dhe

– Konventa për Reduktimin e Pashtetësisë, e miratuar nga Organizata e Kombeve të Bashkuara në Nju Jork, e ratifikuar në vitin 2019.

Gjithashtu, në pajtim me Konventën për të Drejtat e Fëmijëve, ky ligj garanton të drejtën e regjistrimit në regjistrin e lindjes së çdo fëmije të lindur në territorin e Republikës së Maqedonisë së Veriut menjëherë dhe jo më vonë se 45 ditë nga dita e lindjes së fëmijës, pavarësisht nga shtetësia dhe statusi personal i prindërve të tij.

Pres që deri në fund të vitit 2023 këta njerëz të kenë një identitet dhe më e rëndësishmja, më në fund do të mund të reaizojnë të drejtat e tyre të garantuara me Kushtetutë, pa ua kufizuar qasjen në arsim, shëndetësi dhe mbrojtje sociale.

Me këtë arritje, jam krenar që u bëmë vendi i parë në Evropë, si dhe vendi i dytë në botë, që zgjidhëm me sukses problemin e personave të paregjistruar. Republika e Maqedonisë së Veriut po bëhet një shtet më i drejtë se dje dhe me zbatimin e plotë të ligjit, do të bëhet shtet më i barabartë seç është sot.

Continue Reading

Lajme

Valbon Limani përuroi asfaltimin e rrugës kryesore të fshatit Zdunjë

Published

on

By

Kryetari i Komunës së Gostivarit sot në përuroi asfaltimin e rrugës kryesore të fshatit Zdunjë të Gostivarit.

Bëhet fjalë për asfaltim të mbi 1.2 kilometrave që do të lidhë fshatin me qytetin e Gostivarit dhe dukshëm do të përmirësojë komunikacionin jo vetëm të fshatit Zdunjë, por edhe fshatrava afër tij.

“Me këtë projekt është përmirësuar shumë infrastruktura në Zdunjë, dhe jo vetëm për banorët e këtij fshati, por edhe për qytetarët e vendbanimeve tjera që kalojnë nga këtu”, u shpreh Limani.

Kryetari Valbon Limani theksoi se tani do të kemi periudhë më dinamike dhe se do të punohet kryesisht në infrastrukturën rrugore.

“Punime ka në bulevardin ‘Vëllezërit Gjinovski’, gjithashtu ka punime në shëtitore te ish-kinoja e qytetit, asfaltohet rruga ‘Nikolla Teslla’ te gjimnazi, kurse nga java e ardhshme do të kemi punime edhe në 2-3 rrugë të tjera. Kjo periudhë do të jetë më dinamike, do të punohet gjithkund, me të vetmin qëllim që të përmirësohet jeta e qytetarëve”, u shpreh Limani.

Continue Reading

Lajme

Arben Taravari reagon për rastin e Nerovës: “Kush është më e drejtë – një kazino me leje apo një shkollë pa leje?”

Published

on

By

 

Lideri i Aleancës për Shqiptarët, Arben Taravari, ka reaguar ashpër ndaj tentimit për rrënimin e objektit shkollor të ndërtuar nga banorët shqiptarë në fshatin Nerovë të komunës së Krushevës, duke theksuar se në kohën e “serialeve politike” është pikërisht populli ai që harrohet.

“Si parti jemi sa të prekur po aq edhe në krah të banorëve të fshatit Nerovë dhe të kauzës së tyre. Në mungesë të një shkolle, ata kanë ndërtuar vet objektin e saj – një vepër fisnike dhe e rrallë,” deklaron Taravari.

Ai shpreh shqetësimin për faktin që autoritetet shtetërore kanë ndërmarrë hapa për ta shembur shkollën me arsyetimin se është ndërtuar pa leje.

“Me dashamirësi i kërkojmë organeve kompetente mos ta shembin këtë shkollë! Ajo është ndërtuar nga prindërit për fëmijët e tyre,” thekson Taravari.

Në fund të reagimit të tij, Taravari ngre një pyetje të drejtpërdrejtë që po përhapet me shpejtësi edhe në opinion publik:
“Kush është më e drejtë? Një kazino me leje apo një shkollë pa leje?”

Continue Reading

Lajme

Taravari: Deputetët janë zëri i popullit, dhe kur shumica e tyre janë lënë jashtë qeverisë, përfaqësimi bie në krizë legjitimiteti

Published

on

By

Kryetari i Aleancës për Shqiptarët, Arben Taravari, ka ngritur shqetësime serioze mbi legjitimitetin e qeverisë aktuale në Maqedoninë e Veriut, duke theksuar se mungesa e përfaqësimit të plotë të shqiptarëve në ekzekutiv përbën një deformim të vullnetit qytetar në një shtet multietnik.

Në një intervistë për median kosovare Nacionale, Taravari deklaroi se përbërja aktuale e qeverisë nuk reflekton përbërjen reale të Kuvendit dhe as të shoqërisë, duke vënë në pah se pjesa dërrmuese e deputetëve shqiptarë ndodhen në opozitë.

“Në një vend ku shqiptarët janë shtetformues, nuk mund të kemi një qeveri që funksionon pa përfshirjen e drejtë të përfaqësuesve të tyre. Deputetët janë zëri i popullit, dhe kur shumica e tyre janë lënë jashtë qeverisë, përfaqësimi bie në krizë legjitimiteti,” u shpreh Taravari.

Ai theksoi se modeli aktual qeverisës rrezikon të thellojë ndasitë etnike dhe politike në vend, duke i lënë shqiptarët në margjinat e proceseve vendimmarrëse, pavarësisht kontributit të tyre të vazhdueshëm në jetën institucionale të shtetit.

Continue Reading

TOP Lajme