Kryeministri i Kosovës dhe lideri i Vetëvendosjes, Albin Kurti takoi sot kandidatët e VV-së për deputetë në kuadër të listave të koalicionit VLEN.

“Bashkë me kandidatet nga Maqedonia e Veriut, Nafije Selmanin prej Njësisë Zgjedhore 1 (Shkupi), dhe Medine Ukshinin nga Njësia Zgjedhore 2 (Kumanova), takuam kryetarin dhe kryeministrin Albin Kurti, në Këshillin e Përgjithshëm të LVV. Mbështetje e fortë dhe frymëzim i pandalshëm për ndryshim!”, ka bërë të ditur kandidati për deputet, Bekim Qoku.

Tahir Tairi nuk do të jetë më Drejtor ekonomik në Klinikën Universitare për sëmundje respiratore tek fëmijët “Kozle” në Shkup, shkarkimi i tij nga ana e Ministrit të Shëndetësisë, Iliri Demiri nga krahu i Ziadin Selës, vjen si rrjedhojë e pozicionimit krah kryetarit të Aleancës për Shqiptarët dhe kandidatit për president nga koalicioni opozitar VLEN, Arben Taravarit.

Shkarimin nga posti i drejtorit ekonomik në Klinikën Universitare për sëmundje respiratore tek fëmijët “Kozle”, Tairi e ka bë të ditur përmes një postimi në profilin e tij në facebook, ku thekson se në prag të procesit zgjedhor është shkarkuar, në mënyrë të padrejtë dhe se këto fenomene tashmë të njohura për qytetarët, të mbuluara nën petkun e shantazheve dhe njëmendësisë politike të këtij sistemi.

Postimi i plotë:

“Të nderuar miq e kolegë,

Dua t’ju informoj që nga dita e sotme më nuk jam drejtor ekonomik pranë Klinikës Universitare për sëmundje respiratore tek fëmijët “Kozle” në Shkup. Në prag të procesit zgjedhor unë u shkarkova, në një mënyrë të padrejtë! Këto fenomene tashmë të njohura për qytetarët, të mbuluara nën petkun e shantazheve dhe njëmendësisë politike tē këtij sistemi.

Në mandatin tim si drejtor dhe në bashkëpunim me drejtorin medicinal u arrit diçka e cila me vite ishte vetëm ëndërr.Nga një Institut për sëmundje respiratore tek fëmijët, ne u shndërruam në Klinikë Universitare për sëmundje respiratore dhe me fibrozë cistike tek fëmijêt-Kozle.
Falënderoj të gjithë bashkëpunëtorët dhe ekipin e mrekullueshëm për punët e mira që i kemi realizuar bashkërisht.

Shpreh mirënjohje të sinqertë ndaj stafit administrativ dhe të gjithë kolegëve nga personeli mjekësor. Bashkëpunimi dhe mbështetja ndaj njëri tjetrit kanë qenë kryefjala për të gjitha të arriturat. Duke e parë kualitetin, nuk kam dyshim se ky ekip do të shkëlqejë me cilindo menaxhues. Duke shpresuar që një ditë do të ritakohemi, ju dëshiroj shëndet, punë të mbarë dhe përkushtim maksimal në punë. Ashtu siq e keni dëshmuar deri më sot.

Me respekt,
Tahir Tairi”, ka shkruar Tairi.

Sot, Kandidati për President Arben Taravari zhvilloi vizitë të rëndësishëm në qytetin e Strugës, ku u diskutua problematika të ndryshme të komunitetit, duke filluar nga punëtorët shëndetësor deri tek qytetarët. Gjatë takimeve, u përball me shqetësimet e qytetarëve në lidhje me shëndetësinë, e në veçanti me bixhozin dhe praktikat e dëmshme të bankave të shpejta. Ai shpreh zotimin për të ndaluar këto dukuri negative dhe për të gjetur zgjidhje që do të përmirësojnë jetën e qytetarëve në Maqedoninë e Veriut.

“Sot patëm një vizitë qytetit të Strugës dhe vendbanimeve në Strugë. Takimin e fillova me kolegët, mjek të Strugës me të cilët bashkëbiseduam për programin e VLEN për Shëndetësi, si i shohin ato problemet, si mund të përmirësohen dhe si mund të gjendet zgjidhje për Shëndetësinë në Republikën e Maqedonisë së Veriut. Mandej vazhduam takime me qytetarët, bizneset e vogla dhe të mesme në zonën e Strugës. Isha dëshmitar i numrit të madh të kazinove në Strugë, si dhe bankave për kredi të shpejta, dhe sa e dëmton kjo ekonominë e qytetarëve të Strugës. Ne si koalicion VLEN në qeverinë e ardhshme menjëherë do të marrim masa urgjente që të ndalohet bixhozi në Maqedoni të Veriut si ndodhi në Kosovë, por gjithashtu të ndalim edhe punën e bankave të shpejta të cilat bëjnë dëm të madh në buxhetin e qytetarëve. Gjithashtu do ta ndihmojmë seriozisht edhe qytetarët të cilët kanë borxhe këtyre bankave, këto borxhe të mbulohen nga shteti apo qeveria.”