Kryetari i Komunës së Gostivarit Valbon Limani bashkë me nxënësit e klasave të para dhe përfaqësues të Njësisë për preventivë në kuadër të SPB – Tetovë, kanë inicuar fushatën për siguri më të madhe të fëmijëve në trafikun rrugor. Kreu i Gostivarit personalisht ka ndaluar automjetet në qarkullim për të biseduar me vozitësit rreth rëndësisë së vozitjes në bazë të rregullave dhe kujdesit ndaj pjesëmarrësve më të vegjël në komunikacion.

Me këtë rast, ai u shpreh: “Duke pasur prioritet prindëror dhe institucional sigurinë e fëmijëve tanë në trafikun rrugor, vendosa që personalisht të dal në rrugë bashkë me nxënësit e klasave të para dhe përfaqësuesit e Njësisë për preventivë në kuadër të policisë, për të ndaluar vozitësit e automjeteve dhe për t’i përkujtuar për sigurinë e pjesëmarrësve më të vegjël në komunikacion. Kjo punëtori edukative që ka për qëllim edhe njoftimin e nxënësve me rolin e policisë rrugore dhe rregullat e komunikacionit, do të vazhdojë edhe në të gjithë shkollat fillore të komunës sonë”, deklaroi kryetari Limani.

Pjesë e këtij aktiviteti i cili zhvillohet për herë të parë në komunën e Gostivarit, ishte defileja që autoritet lokale e bënë së bashku me nxënësit dhe mësimdhënësit e tyre nga Pallati për Kulturë deri te sheshi i qytetit, ku për më të vegjëlit u shpërndanë broshura me porosi për sjelljen e tyre dhe vozitësve në trafikun rrugor.

Aktiviteti u mbyll me muzikë dhe maskota për argëtimin e fëmijëve.

Koalicioni VLEN që është pjesë e Qeverisë, ka reaguar në lidhje me interpelancën ndaj kryetarit të Kuvendit Afrim Gashi, e cila sot do të gjendet para deputetëve. Nga VLEN thonë se “BDI dhe LSDM janë të gatshëm ta ndjekin “Të Majtën” nëse kjo duket si formula për të shpëtuar ish-funksionarët e tyre.

“Pikërisht kjo është ajo që po ndodh me trinom-in LEVICA-LSDM-BDI. “LEVICA“, një parti me bindje të thella anti-NATO, po përpiqet së bashku me deputetët e LSDM-së dhe BDI-së të mbjellë farën e tensioneve në shoqëri, duke përdorur edhe interpelanën kundër kryetarit të Kuvendit, Afrim Gashi, si një segment në skenarin e tyre. Nuk është për t’u habitur që LSDM, e cila deri dje shkatërroi çdo institucion së bashku me partnerin e saj në krim, BDI, tani ka vendosur të luajë sipas notave të LEVICËS, e cila nderon regjimet komuniste të Enver Hoxhës dhe Kim Jong Un-it”.

“Nga ana tjetër, BDI, partia që hedh gurin dhe fsheh dorën, shfrytëzon çdo mundësi për të shpëtuar nga korrupsioni politik që e ka përfshirë deri në palcë. Ky trinom, i kapur në një spirale të mashtrimeve, synon të krijojë një aleancë të rrezikshme dhe të pamoralshme. Meqë e dijnë se nuk kanë asgjë të re për të ofruar dhe që mbështetja e tyre është në rënie të lirë, ata kërkojnë shpëtim në shkaktimin e krizave”.
“Ky trinom tregon se janë të gatshëm të luajnë me interesat nacionale dhe stabilitetin e vendit vetëm për të penguar drejtësinë. Në fund, bashkëpunimi mes LEVICËS, LSDM-së dhe BDI-së është një dëshmi se as LSDM dhe as BDI nuk janë euroatlantistë, nuk janë për një shoqëri për të gjithë, dhe nuk mbështesin vlerat perëndimore. Ata janë thjesht klientelistë që tani duan me çdo kusht të mbrojnë pasurinë e fituar në mënyrë të paligjshme dhe të shmangin përgjegjësinë për grabitjen që i bënë popullit”, thonë nga VLEN.

Dy ndërmarrje publike të qytetit të Gostivarit, N.P “Komunalec” dhe N.P “Rusino/Pollog”, do të japin vendime pune në kohë të pacaktuar për mbi 120 punonjës. Rregullimi i statusit të tyre vjen përmes përgatitjes të sistematizimit dhe Planit vjetor për punësim për vitin 2025.

Propozimet sot kanë kaluar në seancën e 36-të të Këshillit komunal të Gostivarit.

Në ndërmarrjen “Komunalec” pritet të marrin vendime pune diku 100 persona, kurse në “Rusino/Pollog” 21 persona. Kjo zgjidhje ligjore vjen pas rritjes së pagave në ndërmarrjet publike të qytetit të Gostivarit.