Lajme
Besimi në drejtësi prek fundin!

Kryetari i Gjykatës Kushtetuese, Darko Kostadinovski, vlerëson se besimi jashtëzakonisht i ulët i qytetarëve te gjyqësori nuk mund të shihet i shkëputur nga funksionimi i dy pushteteve të tjera, atij ligjvënës dhe ekzekutiv. Sipas tij, të tri pushtetet përbëjnë një sistem të përbashkët, ndaj problemet në funksionimin e njërës prej tyre reflektohen edhe në besimin e përgjithshëm të qytetarëve ndaj institucioneve
Kur besimi i qytetarëve te drejtësia zbret në vetëm 2 për qind, problemi nuk është më vetëm i gjykatave, por i vetë funksionimit të shtetit. Një shifër kaq e ulët ngre shqetësime serioze për sundimin e ligjit, pavarësinë e institucioneve dhe aftësinë e sistemit për t’u garantuar qytetarëve drejtësi. Përfaqësues të Gjykatës Kushtetuese paralajmërojnë se kriza e besimit nuk mund t’i faturohet vetëm pushtetit gjyqësor, por është pasojë e mënyrës se si funksionon i gjithë sistemi shtetëror, nga hartimi i ligjeve deri te zbatimi i tyre.Kryetari i Gjykatës Kushtetuese, Darko Kostadinovski, vlerëson se besimi jashtëzakonisht i ulët i qytetarëve te gjyqësori nuk mund të shihet i shkëputur nga funksionimi i dy pushteteve të tjera, atij ligjvënës dhe ekzekutiv. Sipas tij, të tri pushtetet përbëjnë një sistem të përbashkët, ndaj problemet në funksionimin e njërës prej tyre reflektohen edhe në besimin e përgjithshëm të qytetarëve ndaj institucioneve. “Nuk mund të themi se pushteti gjyqësor ka vetëm 2 për qind besim, ndërsa pushtetet e tjera gëzojnë besim të madh. Nuk është kështu, sepse kjo është pasojë e funksionimit të sistemit në tërësi”, deklaroi Kostadinovski.Ai përdori një krahasim figurativ për të shpjeguar rëndësinë e komunikimit dhe respektimit të ndërsjellë ndërmjet institucioneve shtetërore. “Kam thënë edhe më parë se organizimi i pushtetit shtetëror është si një orkestër. Nëse ajo orkestër nuk është e akorduar mirë, nëse nuk ka komunikim dhe respekt të ndërsjellë, do të tingëllojë si një orkestër e çakorduar. Nëse secili luan këngën e vet, atëherë si do të tingëllojë ajo?”, u shpreh Kostadinovski. Sipas kreut të Gjykatës Kushtetuese, e njëjta logjikë vlen edhe për funksionimin e shtetit. Ai theksoi se pushteti ligjvënës, ekzekutiv dhe gjyqësor duhet të komunikojnë dhe të respektojnë njëri-tjetrin, gjithmonë brenda kufijve të përcaktuar nga parimi kushtetues i ndarjes së pushteteve.Edhe gjykatësi kushtetues Osman Kadriu shprehu shqetësim për nivelin jashtëzakonisht të ulët të besimit të qytetarëve te institucionet e drejtësisë. Sipas tij, kriza e besimit është e lidhur drejtpërdrejt me mosrespektimin e së drejtës dhe të parimeve mbi të cilat duhet të mbështetet funksionimi i shtetit juridik.Kadriu theksoi se përgjegjësia për këtë situatë nuk bie vetëm mbi gjykatat, pasi edhe vendimet e institucioneve të tjera, veçanërisht miratimi i ligjeve që bien ndesh me parimet kushtetuese, ndikojnë në humbjen e besimit të qytetarëve. “Besimi nuk ndërtohet vetëm nga gjykatat kushtetuese, por edhe vendimet dhe puna e tyre ndikojnë në të. Besimi është jashtëzakonisht i ulët dhe këtë e dëshmon fakti se ka rënë në 2 për qind, me tendencë që të bjerë edhe më shumë, madje, në mënyrë figurative, të shkojë edhe në minus”, deklaroi Kadriu. Ai vlerësoi se problemi themelor qëndron te raporti i institucioneve me ligjin dhe drejtësinë. “Çështja e besimit dhe mosbesimit buron nga respektimi i së drejtës. Te ne, por edhe në vendet e tjera të Ballkanit, drejtësia është në krizë sepse nuk respektohet”, theksoi gjykatësi kushtetues. Sipas Kadriut, besimi i qytetarëve dëmtohet edhe atëherë kur Parlamenti miraton ligje që nuk janë në përputhje me parimet e drejtësisë kushtetuese. “Besimi është i ulët edhe kur organi ligjvënës miraton ligje të këqija, të cilat janë në kundërshtim me drejtësinë kushtetuese”, deklaroi ai.Ndryshe, deklaratat e dy përfaqësuesve të Gjykatës Kushtetuese nxjerrin në pah një problem që shkon përtej funksionimit të gjykatave dhe prek marrëdhënien e qytetarëve me institucionet shtetërore. Në një sistem demokratik, besimi te drejtësia është një nga parakushtet themelore për funksionimin e shtetit të së drejtës. Kur qytetarët humbin besimin se ligji zbatohet në mënyrë të barabartë dhe se institucionet mund t’u garantojnë mbrojtje juridike, vihet në pikëpyetje edhe besueshmëria e sistemit institucional. (koha.mk)
17:17
Partitë garojnë se në cilën qeverisje ekonomia kishte rezultate më negativeNga LSDM sot kanë përsëritur akuzat ndaj kryeministrit Hristijan Mickoski për gënjeshtra politike lidhur me ekonominë e vendit. Ata thonë se Mickoski tregon përralla kur flet për arritje ekonomike pasi siç thonë ata RMV renditet e 41-ta nga 48 ekonomitë evropiane për sa i përket BPV-së për kokë banori. Sipas tyre, realiteti është se brenda dy vitesh ka 4 miliardë euro borxh të ri.
16:06
Kush ia hapi derën ALTA Bankës? Pushteti dhe opozita ia hedhin përgjegjësinë njëra-tjetrës
14:08
Sonte tetë përballje interesante në Ligën e Kombeve, ndeshja kryesore Spanjë-Angli
13:57
Arrestohet ish-ministri Astrit Haraqija në aksionin “Heshtja” kundër kokainës
Të Gjitha Lajmet
Më të Lexuarat
01
Partitë garojnë se në cilën qeverisje ekonomia kishte rezultate më negativeNga LSDM sot kanë përsëritur akuzat ndaj kryeministrit Hristijan Mickoski për gënjeshtra politike lidhur me ekonominë e vendit. Ata thonë se Mickoski tregon përralla kur flet për arritje ekonomike pasi siç thonë ata RMV renditet e 41-ta nga 48 ekonomitë evropiane për sa i përket BPV-së për kokë banori. Sipas tyre, realiteti është se brenda dy vitesh ka 4 miliardë euro borxh të ri.
02
Arrestohet 39 vjeçari nga Banjica e Poshtme, dërgonte mesazhe dhe video kërcënuese, i kërkonte para një burrit nga Gostivari
03
Sjellje agresive dhe fyerje ndaj një punonjëseje të Prokurorisë në Gostivar
04
Bastisje në rrethinë të Gostivarit, gjendet drogë, tre persona privohen nga liria
05
Tragjedia në Rrugën e Arbërit! 42-vjeçarja nga Tetova mes dy viktimave të aksidentit, pesë të plagosur

Lajme
Qytetarët ankohen për paga të ulëta, ministria e Ekonomisë: Çmimet janë stabile

Lajme
Partitë garojnë se në cilën qeverisje ekonomia kishte rezultate më negativeNga LSDM sot kanë përsëritur akuzat ndaj kryeministrit Hristijan Mickoski për gënjeshtra politike lidhur me ekonominë e vendit. Ata thonë se Mickoski tregon përralla kur flet për arritje ekonomike pasi siç thonë ata RMV renditet e 41-ta nga 48 ekonomitë evropiane për sa i përket BPV-së për kokë banori. Sipas tyre, realiteti është se brenda dy vitesh ka 4 miliardë euro borxh të ri.

Lajme
Kush ia hapi derën ALTA Bankës? Pushteti dhe opozita ia hedhin përgjegjësinë njëra-tjetrës

Lajme
Arrestohet ish-ministri Astrit Haraqija në aksionin “Heshtja” kundër kokainës

Lajme ditore
Ballkani Perëndimor ka rrezik të destabilizohet

Lajme ditore
Marshi i 51-të për engjëjt në Koçan, familjarët kërkojnë drejtësi dhe përgjegjësi

Lajme
Ankohet Vuçiq: Prej vitesh nuk mund të hyjë në Kosovë, Kurti s’lejon!







