Connect with us

Lajme

Aggeler e zhgënjyer me gjyqësorin në Maqedoni: Nuk dha rezulatatet e pritshme

Published

on

Fatkeqësisht, ‘investimi’ ynë në progresin e gjyqësorit nuk dha ‘kthimin’ e pritshëm”, thotë ambasadorja e SHBA-së në Maqedoninë e Veriut, Angela Aggeler, në një intervistë për gazetën Kapital.

“Kur bëhet fjalë për progresin në gjyqësor jemi të zhgënjyer. Gjatë tridhjetë viteve të fundit, ne kemi investuar gjysmë miliardë dollarë në programet e sundimit të ligjit dhe qeverisjes së mirë, por nuk po shohim përmirësimet dhe reformat që mund të presim me një investim kaq të madh. Megjithatë, në fund të fundit, korrupsioni sistematik në të gjithë vendin në të gjithë sektorët i dëmton njerëzit e Maqedonisë së Veriut më drejtpërdrejt se ne. Ju të gjithë meritoni një shoqëri, një gjyqësor, një qeveri, veprimet e së cilës janë transparente dhe ju shërbejnë juve – qytetarëve. Është një gur themeli i një demokracie të drejtë dhe funksionale. Kjo është ajo ku qeveria duhet të fokusohet, pavarësisht se cila parti është në pushtet. Gjyqësori duhet të jetë një degë e pavarur, plotësisht e financuar dhe jopolitike e qeverisë. Udhëheqësit politikë duhet ta duan dhe ju qytetarët duhet ta kërkoni”, thotë Aggeler në intervistë.

Lidhur me pretendimet e opozitës për korrupsion rreth korridoreve 8 dhe 10d, ambasadorja amerikane thekson dhe përsërit: “nëse ka akuza për korrupsion rreth korridoreve 8 dhe 10d, hetoni! Nëse gjeni një krim, ndiqeni atë!”.

“Nëse hetimi konstaton korrupsion, le të ndiqet penalisht. Duhet të ketë përgjegjësi për të gjithë, kudo. Në të njëjtën kohë, politizimi i tepërt i gjërave ndonjëherë mund të jetë po aq i dëmshëm sa vetë korrupsioni duke penguar projektet e mira të ecin përpara dhe duke u dërguar një mesazh investitorëve të tjerë potencialë se të bërit biznes në Maqedoninë e Veriut është shumë e komplikuar dhe burokratike”, shtoi ambasadorja.

Projekti i korridoreve 8 dhe 10d, siç thekson ambasadorja amerikan, paraqet investimin më të madh në infrastrukturë në historinë e këtij vendi dhe përfitimet për qytetarët janë të mëdha: një numër i madh vendesh pune të mira, kontrata me kompani dhe furnitorë vendas si dhe partneritet me një nga kompanitë më të respektuara amerikane që punojnë në Ballkan dhe në mbarë botën. Kur të përfundojnë, rrugët do të reduktojnë kohën e udhëtimit në të gjithë vendin, do të përmirësojnë sigurinë dhe aksesin për partnerët e tjerë të NATO-s, do të rrisin tregtinë dhe do ta bëjnë vendin një qendër jetike transporti në të gjithë Ballkanin, përcjell KlanM.

Në intervistë, ambasadorja amerikane Aggeler, siç përcjell KlanM, flet për nevojën për efikasitet dhe siguri energjetike, të cilat sipas saj janë çështje kritike në mbarë botën dhe pushtimi brutal dhe i paligjshëm i Rusisë në Ukrainë e ka theksuar edhe më shumë këtë nevojë. Në afat të shkurtër, theksoi ajo, shpresoj që vendi të bëjë të gjitha përpjekjet për të siguruar gazin natyror që nuk vjen nga Gazprom dhe për të përfunduar interkonektori me Greqinë.

“Duhet të jetë prioritet mbipartiak dhe të marrë pëlqimin e plotë nga Kuvendi. Por të kesh një burim të qëndrueshëm dhe të besueshëm të gazit nuk duhet të jetë qëllimi i vetëm përfundimtar. Të gjithë duhet të punojmë për zgjerimin dhe përmirësimin e tregjeve të energjisë me alternativa. Kjo është një zonë që kërkon vëmendje të menjëhershme. I inkurajoj zyrtarët që të marrin vendime të koordinuara strategjike për investimet në energji dhe të punojnë për ta larguar Maqedoninë e Veriut nga varësia e saj nga qymyri. Projektet si HEC Çebren janë thelbësore për balancimin e rrjetit dhe reduktimin e varësisë nga karburantet fosile”, thotë Aggeler në një intervistë për Kapital./KlanMacedonia

Continue Reading

Lajme

Valbon Limani përuroi asfaltimin e rrugës kryesore të fshatit Zdunjë

Published

on

By

Kryetari i Komunës së Gostivarit sot në përuroi asfaltimin e rrugës kryesore të fshatit Zdunjë të Gostivarit.

Bëhet fjalë për asfaltim të mbi 1.2 kilometrave që do të lidhë fshatin me qytetin e Gostivarit dhe dukshëm do të përmirësojë komunikacionin jo vetëm të fshatit Zdunjë, por edhe fshatrava afër tij.

“Me këtë projekt është përmirësuar shumë infrastruktura në Zdunjë, dhe jo vetëm për banorët e këtij fshati, por edhe për qytetarët e vendbanimeve tjera që kalojnë nga këtu”, u shpreh Limani.

Kryetari Valbon Limani theksoi se tani do të kemi periudhë më dinamike dhe se do të punohet kryesisht në infrastrukturën rrugore.

“Punime ka në bulevardin ‘Vëllezërit Gjinovski’, gjithashtu ka punime në shëtitore te ish-kinoja e qytetit, asfaltohet rruga ‘Nikolla Teslla’ te gjimnazi, kurse nga java e ardhshme do të kemi punime edhe në 2-3 rrugë të tjera. Kjo periudhë do të jetë më dinamike, do të punohet gjithkund, me të vetmin qëllim që të përmirësohet jeta e qytetarëve”, u shpreh Limani.

Continue Reading

Lajme

Arben Taravari reagon për rastin e Nerovës: “Kush është më e drejtë – një kazino me leje apo një shkollë pa leje?”

Published

on

By

 

Lideri i Aleancës për Shqiptarët, Arben Taravari, ka reaguar ashpër ndaj tentimit për rrënimin e objektit shkollor të ndërtuar nga banorët shqiptarë në fshatin Nerovë të komunës së Krushevës, duke theksuar se në kohën e “serialeve politike” është pikërisht populli ai që harrohet.

“Si parti jemi sa të prekur po aq edhe në krah të banorëve të fshatit Nerovë dhe të kauzës së tyre. Në mungesë të një shkolle, ata kanë ndërtuar vet objektin e saj – një vepër fisnike dhe e rrallë,” deklaron Taravari.

Ai shpreh shqetësimin për faktin që autoritetet shtetërore kanë ndërmarrë hapa për ta shembur shkollën me arsyetimin se është ndërtuar pa leje.

“Me dashamirësi i kërkojmë organeve kompetente mos ta shembin këtë shkollë! Ajo është ndërtuar nga prindërit për fëmijët e tyre,” thekson Taravari.

Në fund të reagimit të tij, Taravari ngre një pyetje të drejtpërdrejtë që po përhapet me shpejtësi edhe në opinion publik:
“Kush është më e drejtë? Një kazino me leje apo një shkollë pa leje?”

Continue Reading

Lajme

Taravari: Deputetët janë zëri i popullit, dhe kur shumica e tyre janë lënë jashtë qeverisë, përfaqësimi bie në krizë legjitimiteti

Published

on

By

Kryetari i Aleancës për Shqiptarët, Arben Taravari, ka ngritur shqetësime serioze mbi legjitimitetin e qeverisë aktuale në Maqedoninë e Veriut, duke theksuar se mungesa e përfaqësimit të plotë të shqiptarëve në ekzekutiv përbën një deformim të vullnetit qytetar në një shtet multietnik.

Në një intervistë për median kosovare Nacionale, Taravari deklaroi se përbërja aktuale e qeverisë nuk reflekton përbërjen reale të Kuvendit dhe as të shoqërisë, duke vënë në pah se pjesa dërrmuese e deputetëve shqiptarë ndodhen në opozitë.

“Në një vend ku shqiptarët janë shtetformues, nuk mund të kemi një qeveri që funksionon pa përfshirjen e drejtë të përfaqësuesve të tyre. Deputetët janë zëri i popullit, dhe kur shumica e tyre janë lënë jashtë qeverisë, përfaqësimi bie në krizë legjitimiteti,” u shpreh Taravari.

Ai theksoi se modeli aktual qeverisës rrezikon të thellojë ndasitë etnike dhe politike në vend, duke i lënë shqiptarët në margjinat e proceseve vendimmarrëse, pavarësisht kontributit të tyre të vazhdueshëm në jetën institucionale të shtetit.

Continue Reading

TOP Lajme