Portali Top24 ka siguaruar stenogramet e seancës parlamentare ku është votuar ligji për regjistrim me metodologjinë e kontestuar nga ana e gjykatës kushtetuese.

Të hënën do të lexoni me emër dhe mbiemër deputetët shqiptarë që kanë votuar këtë ligj duke mos përjashtuar askend ndërsa si dëshmi e kësaj seance tani portali Top24 disponon edhe stenogramin e kësaj seance parlamentare.

Gjithashtu gjatë ditës së nesërme do të lexoni edhe kush i siguroi votat për të kaluar këtë ligj, shkruan Top24

Aleanca për Shqiptarët ka reaguar ashpër ndaj paralajmërimit të ministrit për Transformim Digjital, Stefan Andonovski, për organizimin e një regjistrimi digjital të popullsisë në vitin 2026 – pesë vite përpara afatit të rregullt të përcaktuar për vitin 2031, përcjell SmartNews.mk

Në reagimin tyre ASH-ja e cilëson këtë iniciativë si një veprim të rrezikshëm, të njëanshëm dhe me prapavijë politike, që ka për synim deformimin e përqindjes reale të shqiptarëve në vend dhe rrëzimin e balancës ndëretnike të vendosur me Marrëveshjen e Ohrit.

Gjithashtu ASH e konsideron regjistrimin e paralajmëruar si një përpjekje për manipulim statistikor, të udhëhequr nga një qeveri që e cilëson “monoetnike dhe pa legjitimitet shqiptar”.

Aleanca për Shqiptarët paralajmëron se nuk do të qëndrojë duarkryq dhe se do të mobilizojë popullin, organizatat dhe forcat e vërteta demokratike kundër këtij procesi, duke i akuzuar përfaqësuesit shqiptarë të VLEN-it për heshtje dhe bashkëpunim me këtë projekt të rrezikshëm.

Reagimi i plotë:

“Aleanca për Shqiptarët shpreh shqetësim të thellë dhe kundërshtim të vendosur ndaj paralajmërimit të ministrit për Transformim Digjital, Stefan Andonovski, për realizimin e një regjistrimi digjital të popullsisë në vitin 2026 – pesë vite para afatit të rregullt që është caktuar për vitin 2031.

Ky paralajmërim, në kushtet aktuale politike, nuk është thjesht një veprim teknik, por një hap i rrezikshëm dhe i qëllimshëm, që vjen në funksion të deformimit të përqindjes reale të shqiptarëve dhe në kundërshtim flagrant me standardet ndërkombëtare statistikore dhe udhëzimet e Eurostat-it, të cilat përcaktojnë që regjistrimet e popullsisë duhet të realizohen në dekada të plota – përkatësisht në vitet që përfundojnë me “0” ose “1” (siç është 2030 apo 2031).

Kjo tentativë, e ndërmarrë nga një qeveri monoetnike pa legjitimitet politik shqiptar, është tendencioze, e papranueshme dhe provokuese, sidomos pas vendimit të Gjykatës Kushtetuese që hodhi poshtë ndarjen diskriminuese të popullsisë në “rezidentë” dhe “jo-rezidentë”, një ndarje që kishte vetëm një qëllim: uljen artificiale të përqindjes së shqiptarëve në Maqedoninë e Veriut.

Përpjekjet për regjistrim të parakohshëm janë sinjal i qartë i një plani të errët të VMRO-DPMNE-së për të riformatuar realitetin demografik dhe për të rrëzuar themelet e Marrëveshjes së Ohrit, mbi të cilën ndërtohet bashkëjetesa dhe balanca ndëretnike në vend.

Ne i paralajmërojmë publikisht VMRO-DPMNE-në dhe kryeministrin Mickoski se nuk do të lejojmë zbatimin e një regjistrimi të tillë të manipuluar dhe se do të përballen me shqiptarët – me popullin, me organizatat dhe me forcat e vërteta demokratike, jo me përfaqësuesit e VLEN-it që po e justifikojnë çdo hap të kësaj qeverie antishqiptare me kokën në thes. Shuplaka e parë politike do të vijë në muajin tetor, në zgjedhjet që do të dëshmojnë fundin e mashtrimit dhe rrëzimin e piramidës artificiale të VLEN-it. Atëherë do të nisë beteja e madhe për mbrojtjen e së vërtetës statistikore, të drejtës për përfaqësim dhe për të ardhmen euroatlantike të vendit.

Ne deklarojmë qartë dhe prerë se regjistrimi i popullsisë nuk do të ndodhë sipas vullnetit të Mickoskit, as sipas agjendave të ndikuara nga “Bota Serbe”.
Nuk do të lejojmë manipulim me identitetin, me numrat dhe me të ardhmen e shqiptarëve, dhe çddo përpjekje për regjistrim të parakohshëm është sulm ndaj paqes, bashkëjetesës dhe themeleve të shtetit. Ne i bëjmë thirrje qeverisë që të ndalë çdo hap të mëtejshëm drejt këtij projekti të rrezikshëm dhe të tërhiqet nga planet destabilizuese, që rrezikojnë kohezionin social dhe orientimin strategjik të vendit.

U bëjmë thirrje përfaqësuesve të VLEN-it që të reflektojnë sa nuk është vonë, të rikthehen te populli dhe të mos presin që t’u ndodh populli. Heshtja dhe servilizmi përballë padrejtësive nuk janë zgjidhje – janë bashkëfajësi historike. Aleanca për Shqiptarët do të jetë në krye të frontit qytetar, politik dhe institucional për të mbrojtur të drejtën e shqiptarëve për përfaqësim të drejtë, barazi dhe dinjitet në Maqedoninë e Veriut.

Ne nuk do të lejojmë një masakër demografike!
Shqiptarët nuk janë statistikë që manipulohet – janë themel i këtij shteti dhe aktorë vendimtarë të së ardhmes së tij!, përfundojnë nga Aleanca për Shqiptarët./SmartNews/

Konfederata Ndërkombëtare e Sindikatave (ITUC) në raportin vjetor “Indeksi për të Drejtat Globale” ka renditur Maqedoninë në vendin e katërt në botë për shkelje sistematike të të drejtave të punëtorëve, duke e pozicionuar në vendin e parafundit në këtë rangim negativ.

Raporti thekson se ndër kushtet më të këqija për punëtorët që nga fillimi i matjes së indeksit janë edhe praktikat e formimit të Sindikatave të Verdha nga ana e punëdhënësve, dhe Maqedonia përmendet si një shembull i qartë negativ në këtë drejtim.

Lidhja e Sindikatave të Maqedonisë (LSM) paralajmëron vazhdimisht për rreziqet e krijimit të sindikatave të tilla, të cilat me urdhër politik detyrojnë punëtorët t’u bashkohen, duke minuar Marrëveshjet Kolektive dhe duke ulur ndjeshëm të drejtat e tyre. Sindikatat e Verdha, në vend që të mbrojnë punëtorët, shërbejnë interesave të shefave dhe nuk kontribuojnë në përmirësimin e kushteve të punës apo rritjen e pagave.

Shembulli i fundit është edhe ulja artificiale e pragut për përcaktimin e përfaqësueshmërisë nga 10% në 5%, që i hap rrugë përforcimit të ndikimit të sindikatave të verdha.

LSM, si anëtare e plotfuqishme e ITUC, konfirmon angazhimin e saj të palëkundur për mbrojtjen dhe avancimin e të drejtave të punëtorëve në Maqedoni, duke bërë thirrje për vetëdijesim dhe unitet në luftën kundër këtyre praktikave shkatërruese. Flaka Media