Lajme

Edhe në sondazhin e ri të “FOKUS” Taravari shumë pranë Ahmetit

Published

2 years ago

October 8, 2023

Kryetari i ASH-së, Arben Taravari ka dëshmuar edhe një herë mbështetje të lartë te qytetarët.

E përjavshmja “Focus”, në edicionin e saj online, ka publikuar një anketë më të fundit të opinionit publik për disa tema aktuale, ku Arben Taravari ka dalë shumë më mirë se tre liderët aktual të të a.q. “Front opozitaar” te shqiptarë, gjegjësisht se Bilall Kasami i Lëvizjes Besa, Afrim Gashi i Alternativës dhe Izet Mexhiti i Lëvizjes Demokratike, por edhe shumë afër me liderin e BDI-së Ali Ahmetin.

Kjo anketë, parë në tërësi nuk flet vetëm për rejting të liderëve të subjkteve politike, por përcjell mesazh deri te opozita shqiptare se popullata nuk i dëshiron politikanët të cilët janë rreshtuar me opozitën maqedonase VMRO-DPMNE e cila me veprimet e veta bllokon rrugën evropine të vendit.

Për këtë dëshmi është se anketa tërheqë vëmendjen e qytetarëve dhe natyrisht edhe të opinionit ekspert, ku tregon se sipas perceptimit të qytetarëve në këtë moment, përçarjet e mëdha në VMRO-DPMNE e kanë dobësuar partinë dhe po e zvogëlojnë rejtingun e saj dhe të Hirstijan Mickoskit.

Ndryshe, pas anketës së IRI-së, ky është sondazhi i dytë tregon një vlerësim më të lartë të Arben Taravarit në raport me Kasamin, Gashin dhe Mexhitin, por edhe afrim në raport me liderin e BDI-së, Ali Ahmeti.

Në këtë anketë e cila e plotë do të del nesër, qytetarët janë pyetur për politikanin etyre më të preferuar, ku Arben Taravari renditet politikani i dytë më i preferuar te shqiptarët. Rejtingu i tij është 3.1 % apo rreth 1.5 % më pak se lideri i BDI-së. Kasami ka rejting 2.4 %, Gashi 1.3 % dhe Mexhti 1.4 %.

Rruga evropiane e vendit dhe ndryshimet kushtetuese si narrativ dhe kontribut i vazhdueshëm nga Taravari dhe subjekti që ai drejton, dëshmon se Aleanca për Shqiptarët është subjekt politik që preferojnë qytetarët dhe votuesi shqiptarë.

https://fokus.mk/anketa-na-fokus-sudirot-mitskoski-gruevski-go-namali-rejtingot-na-vmro-dpmne/

Lajme

Vdiq Papa Françeksu

Published

8 hours ago

April 21, 2025

I N

Vatikani njoftoi të hënën se ka vdekur Papa Françesku, raporton agjencia e lajmeve “Reuters”.

Ai ishte në moshën 88-vjeçare dhe kohëve të fundit kishte probleme shëndetësore.

Lajme

MPB: Ndalohen gjashtë persona, kapen me marihuanë

Published

8 hours ago

April 21, 2025

I N

MPB Maqedoni njofton se dje janë ndaluar pesë persona nga Shkupi dhe një nga Kumanova, të cilët dyshohen për tregti me lëndë narkotike.

“Me datë 20.21.04.2025 në lokacione të ndryshme në Shkup, nëpunës policorë nga SPB Shkup kanë privuar nga liria F.XH. (47), P.R (32), E.I. (39), A.I. (36) dhe I.XH. (40), të gjithë nga Shkupi dhe A.A. (50) nga Kumanova, pasi iu gjet dhe u sekuestrua marihuanë dhe një lëndë e bardhë kokrrizore”.

“Pas dokumentimit të plotë të rasteve, do të pasojnë parashtresat përkatëse”, thonë nga MPB.

Lajme

Jahoski, pronari i “Pucko Petrol” ofron 2 milionë euro garanci për të dalë nga paraburgimi

Published

8 hours ago

April 21, 2025

I N

Pronari i kompanisë “Pucko Petrol” Asmir Jahoski ofron 2 milionë euro garanci për lirim nga paraburgimi, pohojnë burime në sistemin gjyqësor të njohur me rastin, transmeton portali expres.mk

Sipas burimeve të portalit, të enjten, mbrojtja e Jahoskit, i cili është djali i deputetit të BDI-së, Ismail Jahoski, ka ofruar prona në vlerë prej 2 milionë eurosh në përpjekje që gjykata të lejojë që Asmiri të mbrohet nga burgu në rastin me vlerë mbi 160 milionë euro.

Vendimin zyrtarisht nesër do ta marrin tre gjyqtarë nga Gjykata Penale në Shkup, të cilët do të vlerësojnë nëse Jahoski, pasuria e të cilit llogaritet në dhjetëra milionë euro, duhet të lirohet në shtëpi.

Tre gjyqtarët duhet të ofrojnë një analizë të duhur ligjore nëse, pesë javë pasi Asmir Jahoski iu dha paraburgimi për shkak të rrezikut të arratisjes ose ndikimit të dëshmitarëve, ai tani mund të mbrohet nga liria.

Njëri nga 13 të dyshuarit për blerjen e lëndës djegëse toksike për TEC-in e Negotinës, Asmir Jahoski, djali i deputetit të BDI-së, Ismail Jahoski, nesër pritet të lirohet nga paraburgimi.

Burime në Prokurorinë Publike për Krim të Organizuar dhe në Gjykatën Penale të Shkupit pohojnë për expres.mk se për anëtarët e familjes së tij dhe BDI-së kjo është punë e kryer.

Operacioni për daljen nga paraburgimi Jahoski përmes avokatëve të tij e ka nisur katër ditë më parë të enjten e madhe kur në gjykatë është dorëzuar kërkesa për ndërprerje të paraburgimit dhe lirim.

Tani burimet pohojnë se pasi Abazi ka dhënë mendimin e tij se Jahoski duhet të lirohet, Gjykata Penale e Shkupit nesër do të vendosë për lirimin e djalit të deputetit të BDI-së nga burgu i Shutkës.