Politika

VLEN: Bujar Osmani ka dështuar në krye të MPJ-së dhe do të largohet me turp

Published

2 weeks ago

April 22, 2024

Admin01

Partitë opozitare shqiptare në një kumtesë për media thonë se kandidati për president Bujar Osmani, njëherit edhe ministër i jashtë, “do të largohet me turp pasi udhëheqja diplomacisë së vendit nga ana e tij, do të mbahet mend për dështime”.

Nga VLEN thonë se Osmani vizitën e parë si ministër i Jashtëm e realizoi në Beograd, e jo në Tiranë.

“Për vite me radhë gënjeu qytetarët në emër të integrimeve evropiane kur në fakt e dinte mirë se nuk do të arrijë t’i sigurojë numrat e nevojshëm për ndryshimet kushtetuese. Dështoi t’i hapë negociatat për anëtarësim në BE si ministër i jashtëm, ndërsa vazhdon pa pikë turpi të kërkojë vota për president për ta bllokuar sërish rrugën e Maqedonisë së Veriut drejt BE-së”.

“Vizitën e parë si ministër për punë të jashtme e realizoi në Beograd, jo në Tiranë apo Prishtinë e as në Uashington apo Bruksel. Kjo është simbolikë që tregon për rëndësinë që ai u dha raporteve me shtetet tona me të cilat na bashkon kombi ynë i përbashkët, na bashkon shqiptaria”.

“Nuk pati asnjë vizitë bilaterale në Prishtinë, po atje ishtevetëm si kryesues i OSBE-së apo në kuadër të ndonjë vizite partiake. Si ministër i jashtëm, mbi të gjitha si shqiptar, në një situatë normale do duhej të ishte zë shtesë në arenën ndërkombëtare për avokimin e çështjeve të shteteve shqiptare. Përjashtues ndaj delegacioneve shqiptare në organizimet në arenën ndërkombëtare. Sillej në mënyrë zyrtare sikur mos të ishte shqiptar e sikur mos të njihte delegacionet që përfaqësonin Kosovën. Inatet partiake nuk harronte t’i shfaqte edhe duke shfrytëzuar petkun e pozicionit në arenën ndërkombëtare, ku u bë ministri i vetëm i NATO-s që shtrëngoi duart me Lavrovin”.

“Nuk e dënoi sulmin terrorist serb në Banjskë të Kosovës edhe përkundër dëshmive për përfshirje direkte të shtetit serb. Atë e dënuan i gjithë spektri ndërkombëtar. E Bujar Osmani as nën petkun e ministrit e as të një shqiptari nuk e bëri këtë gjë. Plani i tij 9 pikësh për zgjidhjen e krizës në Veriun e Mitrovicës në Kosovë, ishte krejtësisht në favor të Serbisë e të kriminelëve të saj dhe në kundërshtim të plotë me situatën në terren”.

“Nuk u tërhoq nga Ballkani i Hapur, si projekt i Vuçiçit, i përkrahur nga Lavrovi dhe që përjashton Kosovën. Argumentet i dinin, por verbërisht vepruan vetëm që të jenë kundër Kosovës. E tash në fushatë me shumë hipokrizi deklarojnë se do të dalin nga Ballkan i Hapur, që është frazë fushate gjithsesi. Nuk dilet nga Open Ballkan me iniciatorët për hyrjen në të”.

“Iu refuzuan tre propozime për ambasadorë nga miqtë strategjik të vendit : Fërçkovski nga SHBA, Arifi nga SHBA dhe BE, si dhe Dimovski nga Franca, që të gjithë non grata për shkak të lidhjeve serbe dhe ruse. E politizoi skajshmërisht diplomacinë e vendit dhe e mbushi përplot me politikanë të dështuar dhe zyrtarë të pushtetit dhe pa përvojë diplomatike, që sollën skandale dhe dështime të njëpasnjëshme”.

“La shumë pozita ambasadorësh vakante në vendet kryesore partnere në momentet më kritike për vendin.Kur Maqedonia e Veriut u bë anëtare e plotë e NATO-s, shteti as nuk kishte ambasadorë në misionin e NATO asnë Uashington dhe u desh që protokollin e anëtarësimit t’a dorëzojë një ushtrues detyre”.

“Programin për përkrahje të shoqatave nga diaspora e bëri program etno nacionalist maqedon nga i cili nuk përfitoi asnjë shoqatë shqiptare nga diaspora por përfituan thuajse vetëm shoqatat maqedone në Shqipëri, Serbi e Kosovë. Nisi projektin M-Karta për persona eminentë nga diaspora nga i cili përfituan kryesisht mërgimtarët maqedonas ndërkohë që 70% e diasporës tonë janë shqiptarë. Nuk e hapi kufirin në Llojan as nuk e bëri kontrollin e përbashkët kufitar në Bllacë, sado që u premtuan shumë herë dhe u paralajmëruan me pompozitet”, thonë nga VLEN.

Politika

Deshtak në Likovë e heshtak në Tetovë

Published

9 hours ago

May 4, 2024

Admin01

Shkruan Nejazi Emini, stomatolog

Dështak në Likovë, heshtak në Tetovë (kryesin e Bdi-së)

Jetoj në komunën e Likovës ku kryetar komune është Erkan Arifi që është një matrapaz politik. Ambienti dhe atmosfera në këtë komunë është i mbushur me pasivitet, lulëzon deponia e mbeturinave me erën e keqe dhe tymin që lirohet nga djeg’ja e mbeturinave e popullatës së kësaj ane ju zihet fryma dhe ju shkatrrohet shëndeti. Në komunën e Likovës lulëzon papunsia, monotonia, nga e cila të kap mjerimi, dëshprimi dhe trishtimi.

Rinisë në komunën e Likovës kryetari Erkan Arifi ia ka mbyt shpresën, perspektivën, nuk ka bër asnjë investim të vetëm edhe pse nuk kan mungu investitorët, ku do të punsohej rinia.
EPO ÇKA ËSHTË PUNU NË KËTË KOMUNË?

Në komunë jan shtru disa rrug me bekatonka e këto i ka bërë kryetari i mëparshëm e jo ky i tashmi Erkan Arifi.
Mbytja e shpresës, perspektivës i orientoj rinin drejt në dhe të huaj në mërgim. (Rinia prindërit mërgimtar në komunizëm dhe tash rinia në pluralizëm prap mërgimtar).
E kush mund të bëj këto të liga rinisë?
Këto i bën një kryetar si Erkan Arifi që ka mbet jetim pa parime, sepse këti i ka vdek parimi i ndershmërisë dhe ndërgjegjshmërisë. Nëse një i Ri apo e Re e ngre zërin ndaj pasivitetit dhe kërkon të veprohet dhe ndryshohet diçka, atëher Erkani u thot çka po ju duhet ky veprim dhe ndryshim? Kshyrne punën tuaj e mos i mshoni murit me kokë.

Erkan Arifi ti je DËSHTAK në komunë dhe HESHTAK në seli.

Erkan tu ka rrit mendja shumë dhe njerëzit e komunës tënde po i konsideron të pa ditur dhe po u shet mend që si ke as për veti.

Mos harro se je një njeri pa dituri e njeriu i pa dituri nuk gjen veten te dinjiteti, njerzillëku, te aftësia profesionale, por te postet me të cilat e mbush zbrazëtin tënde të pa vlerë. Erkan ti sot je i veshur me pushtet dhe në këtë pushtet e gjen mjetin për të shpëtuar nga vogëlsia jote. Me këtë pushtet ti po krenohesh se je i fuqishëm dhe se mundesh me bë çka të duash, e bash këtu po e ngatrron vehten dhe po e paraqet haptas budallallëkun tand. Ti këtë pushtet e përdor për të plotsu zbrazëtin dhe pa aftësin tënde. O Erkan o hipokrit, ( kuptimi i fjalës hipokrit: që shtiret sikur është njeri i mirë, i vyrtytshëm e i dashur, me qëllim që të gënjej të tjerët, që mban qëndrim me dy ftyra, që nuk është i çiltër, dhe nuk zbulon ftyrën e vërtet, shtiracak, që nuk i shpreh haptas ndjenjat, bindjet ose qëllimet e veta, që bëhet për të mbuluar qëndrimin e qëllimin e vërtetë dhe për të mashtruar të tjerët).

Erkan ti të keqen e ke pronë (mall) dhe kjo të lumturon, të shkrin e të kënaq. ( nuk po i permendi simptomat e tjera të së keqes). Kurse e mira të mundon, të shqetëson.
ERKAN O HORR të dëshiroj shërim sa më të shpejt nga sëmundja e lakmisë, mendjemadhësis, zilisë, urrejtjes dhe urrejtjes së njerëzve të mirë. ( që të shpëtosh ti dhe komuna e Likovës).

Politika

Kasami: Ali Ahmetin e ka kap sindromi i Menduh Thaçit, nokautin do ja japin votuesit më 8 maj

Published

10 hours ago

May 4, 2024

Admin01

Ali Ahmetin e ka kapur sindromi i Menduh Thacit i cili vetëm kërcënon dhe në terma kërcënues e ofendues frikëson popullin shqiptar, tha Bilall Kasami kryetar i Lëvizjes BESA i pyetur për deklaratën e Ali Ahmetit se do ta nokautojë në zgjedhjet e ardhshme.

“Ali Ahmetin e ka kapur sindromi i Menduh Thacit i cili vetëm kërcënon dhe në terma kërcënues e ofendues frikëson popullin shqiptar, mirëpo më 8 maj do ta marr përgjigjen dhe do përfundimisht do të merr nokaut teknik nga votuesit shqiptar të cilët i ka përbuzur dhe i ka varfëruar e shpërngulur tash e 20 vite”, tha Kasami.

Këto komente kreu i Lëvizjes BESA, njëherit dhe bartës i listës në zonën gjashtë zgjedhore e koalicionit VLEN, Bilall Kasami i bëri në intervistën dhënë për Euronews Albania.

Politika

Vandalizohen posterat e VLEN-it në Saraj

Published

12 hours ago

May 4, 2024

Admin01

Në disa lokacione në komunë e Sarajit janë vandalizuar posterat e Bekim Salit, kandidatit të VLEN-it për zgjedhjet parlamentare.

“Autorët e kësaj vepre të shëmtuar ende janë të panjohur për autoritetet. Kujtojmë se kjo nuk është hera e parë gjatë kësaj fushate posterët dhe billbordet e VLEN-it të vandalizohen. Më herët u djeg edhe billbordi i kandidatit të VLEN-it, për president të shtetit Arben Taravari. Edhe pse ka kaluar një kohë e gjatë nga ajo vepër, ende nuk dihen autorët dhe rasti nuk është zbardhur” thuhet në reagimin e VLEN-it.