Connect with us

Lajme

Valbon Limani: Në Gostivar zgjedhjet parlamentare do të fitohen nga ASH-ja

Published

on

 

Çdo propozim dhe vendim që do vinte nga partia ku unë jam anëtar, do ta respektoja. Kështu tha kryesuesi i Këshillit të Komunës së Gostivarit dhe Sekretari i Degës së ASH-së në Gostivar, Valbon Limani i pyetur nëse do të garonte për deputet në zgjedhjet e pranverës.

Ai këto komente i bëri sonte në emisionin “Politica” në Tv Globi, duke shtuar se nëse do i vinte një ofertë për të garuar për deputet, do ta mendonte.

“Nuk kam menduar në këtë drejtim asnjëherë, sërish do them se në ASH ka shumë djem e vajza që kanë kualitet, por nëse organet e partisë vendosin, ndoshta do ta kisha menduar, mirëpo jo me çdo kusht. Dua të thm se ambicie rreth asaj nuk kam personalisht, mirëpo prap e them se e gjithë ajo që do të vijë si propozim dhe si vendim i partisë, unë si anëtar i ASH do ta respektojë”, deklaroi Limani.

Limani tha se dega e ASH-së në Gostivar akoma nuk ka folur për emrat e mundshëm për deputetë, por thotë se ai që duhet ti hy kësaj gare patjetër është lideri i partisë dhe kryetari aktual i Gostivarit, Arben Taravari.

“Nuk kemi menduar rreth asaj mirëpo mendoj se duhet të jetë pasi është edhe lideri i partisë është kryetari i Komunës së Gostivarit Arben Taravari. Sa u takon emrave të tjerë kemi shumë të cilët veç se janë të përdëftuar dh mendoj se ne si Degë e ASH në Gostivar do të zgjedhim emrat më të mirë për të na përfaqësuar në Parlament”, theksoi Limani.

I pyetur nëse ai do të jetë kandidati i ASH-së për kryetar komune në Gostivar në zgjedhjet lokale të 2025-ës, u përgjigj:

“Mendoj se ka shumë kohë deri në zgjedhjet lokale të vitit 2025 dhe mendoj se ka shumë kohë për të parë se çka do ndodh në skenën politike. Gjithashtu, patjetër ta cek se në partinë tonë ka shumë individ, shumë djem e vajza të cilët kanë kualitet dhe të cilët me dinjitet mund të udhëheqin çdo institucion, në këtë rast edhe me Komunën e Gosivarit”.

Ndryshe nga ajo që nuk kishte përgjigje të drejtpërdrejta nëse dhe kush do garojë për deputetë nga ASH, Limani me bindje tha se edhe zgjedhjet e ardhshme parlamentare në Gostivar do të fitohen nga partia ku ai bën pjesë.

“Jam i bindur se ASH edhe kësaj here siç ka ndodhur në tre-katër ciklet e fundit zgjedhore, dhe mendoj që me punën që kemi bërë dhe me qasjen tonë ndaj qytetarëve, mendoj se e meritojmë dhe besoj se qytetarët dinë ta vlerësojnë këtë, dhe me këtë do të na japin besimin edhe në zgjedhjet e radhës”, deklaroi Limani.

Limani tha se ASH vendimin se si do të garojë në zgjehdje akoma nuk e ka sjellur dhe se një gjë e tillë do të ndodh periudhën e ardhshme nga ana e Kuvendit Qendror të partisë. Ai pret që ky organ të sjellë vendimin më të mirë me të cilin, siç theksoi, do të bëhej ndryshimi te shqiptarët.

Ndryshe, zgjedhjet e ardhshme parlamentare do të mbahen më 8 maj të vitit tjetër së bashku me rrethin e dytë të presidencialeve, kurse rrethi i parë me 24 prill.

Continue Reading

Lajme

Patricia Nugee me ekspozitën e saj “Kujtesa për Skënderbeun” mysafire në Tetovë

Published

on

By

Në qytetin e Tetovës ishte një mbrëmje mbreslënëse. Koleksionistja e njohur e librave të rrallë mbi Gjergj Kastrioti – Skënderbeu – znj. Patricia Nugee hapi ekspozitën e saj” Kujtesa për Skënderbeun”.

Zonja Nugee për herë të parë erdhi në Tetovë dhe solli një frymë ndryshe. Nugee tha se është mirënjohëse dhe shumë e lumtur që iu dha rasti ta ekspozoj koleksionin e librave për Skënderbeun në Tetovë.

Në këtë ekspozitë u ekspozuan 37 libra të botuar në mes të shekujve XVI dhe XVIII në Romë, Augsburg, Strasburg, Venedik, Frankfurt, Londër, Lisbonë dhe Madrid, Paris, Amsterdam, Brescia, Edinburg, Napoli, Stokholm dhe Danimarkë. Në fillim pati një video-mesazh nga Loris Castriota Skanderbegh (pasardhësi i Skënderbeut) ai shprehu mirënjohje për këtë punë të mrekullushme të Patricia Nugget.Fjalë rasti pati kryetari i Komunës së Tetovës z. Bilall Kasami poashtu edhe nikoqir i mbrëmjes ku tha:

”Ne do t’i kemi gjithnjë dyert e hapura dhe do të jemi në mbështetje të vazhdueshme të artit, kulturës dhe historisë kombëtare”. Zonja Belinda Dyrmishi- e ngarkuar me punë në Ambasadën e Shqipërisë në RMV tha se kjo është një punë e mrekullushme dhe fisnike. Neve si shqiptarë na bën krenarë.Profesor Arsim Sinani- ligjërues në Universitetin “Hasan Prishtina” është nga ata që sjell vetëm energji për qytetin, historinë.

Profesor Arsim Sinani pati një fjalim domethënës siç vetëm ai mund të shprehet e falënderoi zonjën Nugee për gjithë punën e saj poashtu kërkoi nga instuticionet qendrore më shumë mundësi për projektet e tilla sepse tani kanë mundësi ta bëjnë këtë.Elma Sherifi përgjegjëse e Njësisë së Kulturës në Komunën e Tetovës poashtu edhe kuratore e ekspozitës tha: “Ishte nder të jem kuratore e kësaj ekspozite dhe të shoh se si heroji i gjithë shqiptarëve njihet dhe vlerësohet nga popujt tjerë, por edhe më kënaqësi është që këtë ekspozitë ta sjellim para këtij publiku të mrekullushëm”.

Elma Sherifi ndau me publikun historinë e zonjës Nugee kur ajo për herë të parë kishte dëgjuar për Skënderbeun“Emrin e Skëndërbeut e gjeta derisa isha duke punuar në një librari antike në Londër kur një lexues kërkoi një libër për të. As që kisha dëgjuar për Skënderbeun. Kërkova ndihmën e shefit tim, Trifo Max, i cili u angazhua të më gjente librin e parë për Skënderbeun. Kështu filloi njohja ime me këtë figurë, për të cilën hulumtova në vazhdimësi të gjej libra që janë shkruar për jetën e tij. Në antikuariat nëpër botë, ka tridhjetë vjet që unë kam blerë libra të vjetër, të lirë, të shtrenjtë dhe shumë të shtrenjtë për Skënderbeun. Tash në koleksionin tim i kam 37 libra të vjetër për Skënderbeun.’’

Donika Bakiu kuratore e ekspozitës dhe moderatore e mbrëmjes tha:” Ekspozita me këtë koleksion të librave për Gjergjin tonë, heroin tonë,është një frymëzim i përhershëm për të gjithë ne për figurën e Skënderbeut dhe poashtu, një nderim që i bën qytetit të Tetovës zonja Patricia Nugee, ajo për herë të parë erdhi në Tetovë dhe solli energji pozitive.” Në këtë mbrëmje kishte shumë të pranishëm sepse ishte një natë e rrallë dhe e veçantë.

Continue Reading

Lajme

Diellza Uzeiri nga Tetova zë vendin e parë në garat ndërkombëtare të piajnistëve të rinj

Published

on

By

Në garat ndërkombëtare të pijanisteve të rinj që janë mbajtur në qytetin e Vranjes në Serbi, Deillza Uzeiri nga Tetova ka zënë vendin e parë.

Garat janë zhvilluar në një konkurrencë të fortë me shumë garues nga disa shtete në shkollën e muzikës “Stevan Mokranjac”, ku Uzeiri është vlerësuar me 98 pikë me çka edhe është renditur e para në këto gara.

Ndryshe, Deillza ndejk mësimiet për muzikë, gjegjësisht piano në shkollën e muzikës “Todor Skallovski” në qytetin e Tetovës në klasën e Anastasia Vollçevska Obadikj.

Continue Reading

Gosip

Xhulian Shabani me klipin e Luiz Ejllit fiton vendin e parë nga publiku!

Published

on

By

Në faqen zyrtare të “Netëve të klipit shqiptar” në edicionin e 21-t , vendi i parë çmimi i publikut i ka takuar videoklipit “Amanet” me protagonist Luiz Ejli.

Ndërkohë që klipi “Amanet “ishte klipi më i votuar online nga publiku , në skenë për të marrë çmimin u ngjit Xhulian Shabani, producent i këtij klipi.

Shabani me këtë rast falenderoi të gjithë ata që e kanë përkrahur me votat e tyre, në veçanti përshëndeti “Ejllat”, fansat e zjarrt të Luizit, si dhe vetë Luiz Ejllin artistin që i dha motiv të shpreh kreativitetin e tij në këtë videoklip.

Ishte punë e gjerë nga një ekip profesionist i Synopsis Ads, ku shfrytëzoi rastin t’i përshëndes të gjithë sepse besoni në atë temperatur të lartë që është prodhuar klipi ishte shumë i vështirë realizimi i klipit, u shpreh Xhuliani.

Më tej Shabani falenderoi edhe Elvis Pupën dhe Santiana Malokun që ishin aktorë, si dhe gjithë bashkëpuntorët e Synopsys ads që kontribuan të realizohet me sukses ky klip.

Në fund fare Xhulian Shabani tha se këtë klip dhe këtë sukses i’a përkushton babait të tij tashmë të ndjerë , që beson se e shikon prej lartë dhe krenohet me Xhuliani/ Fol.mk

Continue Reading

TOP Lajme