Connect with us

Lajme

Taravari: Mund të jetë legjitime të flitet për një Kushtetutë të re që do t’i mundësojë vendit të ecë përpara

Published

on

 

Për partinë tonë Aleanca për Shqiptarët ishte një vendim i vështirë që të hynte në koalicion qeveritar së bashku me BDI-në. Për fat të mirë ministrat tanë arritën sukses, por ne nuk arritëm sukses me qëllimin kryesor për të cilin kemi hyrë në Qeveri, që është fillimi i negociatave me BE-në. Nuk është se nuk ka asnjë shans që ndryshimet kushtetuese të kalojnë para zgjedhjeve, por probabiliteti është i ulët, thotë kreu i Aleancës për Shqiptarët, Arben Taravari, në emisionin “Otvoreno” në Tv 24.

“Nuk e shohim vetëm fajin tonë dështimin e miratimit të ndryshimeve kushtetuese dhe mosfillimin e negociatave me BE-në, për këtë jemi të gjithë fajtorë. Kur ne tashmë kemi votuar të ashtuquajturat Propozimi francez, duhet të kishim vazhduar në atë drejtim. Mua e gjithë kjo situatë më kujton vitin 2008 kur për arsye të ngjashme nuk hymë në NATO, por ndodhi 11 vjet më vonë në kushte më të vështira”, thotë Taravari.

Ai thotë se përveç këtu, vitin e ardhshëm ndoshta do të ketë zgjedhje në Bullgari ku do të dominojë e djathta antimaqedonase, do të ketë edhe zgjedhje në BE ku, duke gjykuar nga zgjedhjet e fundit në vendet evropiane, ekziston mundësia që e djathta do të fitojë. Do të ketë zgjedhje edhe në SHBA, thotë Taravari, dhe të gjitha ato zhvillime do ta largojnë fokusin nga ne dhe do ta bëjnë të pamundur ndikimin e vendeve të fuqishme në proceset politike në Maqedoni, sepse siç thotë Taravari, ne nuk mund ta mbajmë vendin me veten.

“Shpresoj se nuk do të përfundojmë në një situatë ku gjysmë milioni njerëz të tjerë do të largohen nga vendi. Problem tjetër është mundësia e rritjes së radikalizmit nacional, i cili tashmë shihet në bllokun maqedonas, kështu që mund të pritet në bllokun shqiptar”, thotë Taravari.

Taravari thotë se këto janë tendenca të rrezikshme që do të çojnë në hapjen e çështjeve të reja si decentralizimi dhe gjithçka që sjell.

“Ndoshta është legjitime të flitet për një Kushtetutë të re që do t’i mundësojë vendit të ecë përpara”, thotë Taravari.

Continue Reading

Lajme

Patricia Nugee me ekspozitën e saj “Kujtesa për Skënderbeun” mysafire në Tetovë

Published

on

By

Në qytetin e Tetovës ishte një mbrëmje mbreslënëse. Koleksionistja e njohur e librave të rrallë mbi Gjergj Kastrioti – Skënderbeu – znj. Patricia Nugee hapi ekspozitën e saj” Kujtesa për Skënderbeun”.

Zonja Nugee për herë të parë erdhi në Tetovë dhe solli një frymë ndryshe. Nugee tha se është mirënjohëse dhe shumë e lumtur që iu dha rasti ta ekspozoj koleksionin e librave për Skënderbeun në Tetovë.

Në këtë ekspozitë u ekspozuan 37 libra të botuar në mes të shekujve XVI dhe XVIII në Romë, Augsburg, Strasburg, Venedik, Frankfurt, Londër, Lisbonë dhe Madrid, Paris, Amsterdam, Brescia, Edinburg, Napoli, Stokholm dhe Danimarkë. Në fillim pati një video-mesazh nga Loris Castriota Skanderbegh (pasardhësi i Skënderbeut) ai shprehu mirënjohje për këtë punë të mrekullushme të Patricia Nugget.Fjalë rasti pati kryetari i Komunës së Tetovës z. Bilall Kasami poashtu edhe nikoqir i mbrëmjes ku tha:

”Ne do t’i kemi gjithnjë dyert e hapura dhe do të jemi në mbështetje të vazhdueshme të artit, kulturës dhe historisë kombëtare”. Zonja Belinda Dyrmishi- e ngarkuar me punë në Ambasadën e Shqipërisë në RMV tha se kjo është një punë e mrekullushme dhe fisnike. Neve si shqiptarë na bën krenarë.Profesor Arsim Sinani- ligjërues në Universitetin “Hasan Prishtina” është nga ata që sjell vetëm energji për qytetin, historinë.

Profesor Arsim Sinani pati një fjalim domethënës siç vetëm ai mund të shprehet e falënderoi zonjën Nugee për gjithë punën e saj poashtu kërkoi nga instuticionet qendrore më shumë mundësi për projektet e tilla sepse tani kanë mundësi ta bëjnë këtë.Elma Sherifi përgjegjëse e Njësisë së Kulturës në Komunën e Tetovës poashtu edhe kuratore e ekspozitës tha: “Ishte nder të jem kuratore e kësaj ekspozite dhe të shoh se si heroji i gjithë shqiptarëve njihet dhe vlerësohet nga popujt tjerë, por edhe më kënaqësi është që këtë ekspozitë ta sjellim para këtij publiku të mrekullushëm”.

Elma Sherifi ndau me publikun historinë e zonjës Nugee kur ajo për herë të parë kishte dëgjuar për Skënderbeun“Emrin e Skëndërbeut e gjeta derisa isha duke punuar në një librari antike në Londër kur një lexues kërkoi një libër për të. As që kisha dëgjuar për Skënderbeun. Kërkova ndihmën e shefit tim, Trifo Max, i cili u angazhua të më gjente librin e parë për Skënderbeun. Kështu filloi njohja ime me këtë figurë, për të cilën hulumtova në vazhdimësi të gjej libra që janë shkruar për jetën e tij. Në antikuariat nëpër botë, ka tridhjetë vjet që unë kam blerë libra të vjetër, të lirë, të shtrenjtë dhe shumë të shtrenjtë për Skënderbeun. Tash në koleksionin tim i kam 37 libra të vjetër për Skënderbeun.’’

Donika Bakiu kuratore e ekspozitës dhe moderatore e mbrëmjes tha:” Ekspozita me këtë koleksion të librave për Gjergjin tonë, heroin tonë,është një frymëzim i përhershëm për të gjithë ne për figurën e Skënderbeut dhe poashtu, një nderim që i bën qytetit të Tetovës zonja Patricia Nugee, ajo për herë të parë erdhi në Tetovë dhe solli energji pozitive.” Në këtë mbrëmje kishte shumë të pranishëm sepse ishte një natë e rrallë dhe e veçantë.

Continue Reading

Lajme

Diellza Uzeiri nga Tetova zë vendin e parë në garat ndërkombëtare të piajnistëve të rinj

Published

on

By

Në garat ndërkombëtare të pijanisteve të rinj që janë mbajtur në qytetin e Vranjes në Serbi, Deillza Uzeiri nga Tetova ka zënë vendin e parë.

Garat janë zhvilluar në një konkurrencë të fortë me shumë garues nga disa shtete në shkollën e muzikës “Stevan Mokranjac”, ku Uzeiri është vlerësuar me 98 pikë me çka edhe është renditur e para në këto gara.

Ndryshe, Deillza ndejk mësimiet për muzikë, gjegjësisht piano në shkollën e muzikës “Todor Skallovski” në qytetin e Tetovës në klasën e Anastasia Vollçevska Obadikj.

Continue Reading

Gosip

Xhulian Shabani me klipin e Luiz Ejllit fiton vendin e parë nga publiku!

Published

on

By

Në faqen zyrtare të “Netëve të klipit shqiptar” në edicionin e 21-t , vendi i parë çmimi i publikut i ka takuar videoklipit “Amanet” me protagonist Luiz Ejli.

Ndërkohë që klipi “Amanet “ishte klipi më i votuar online nga publiku , në skenë për të marrë çmimin u ngjit Xhulian Shabani, producent i këtij klipi.

Shabani me këtë rast falenderoi të gjithë ata që e kanë përkrahur me votat e tyre, në veçanti përshëndeti “Ejllat”, fansat e zjarrt të Luizit, si dhe vetë Luiz Ejllin artistin që i dha motiv të shpreh kreativitetin e tij në këtë videoklip.

Ishte punë e gjerë nga një ekip profesionist i Synopsis Ads, ku shfrytëzoi rastin t’i përshëndes të gjithë sepse besoni në atë temperatur të lartë që është prodhuar klipi ishte shumë i vështirë realizimi i klipit, u shpreh Xhuliani.

Më tej Shabani falenderoi edhe Elvis Pupën dhe Santiana Malokun që ishin aktorë, si dhe gjithë bashkëpuntorët e Synopsys ads që kontribuan të realizohet me sukses ky klip.

Në fund fare Xhulian Shabani tha se këtë klip dhe këtë sukses i’a përkushton babait të tij tashmë të ndjerë , që beson se e shikon prej lartë dhe krenohet me Xhuliani/ Fol.mk

Continue Reading

TOP Lajme