Connect with us

Lajme

Taravari: Kurti i mirëseardhur në të gjitha komunat dhe trojet shqiptare, përshëndes emërtimin e rrugës “Adem Demaçi”

Published

on

Taravari: Kurti i mirëseardhur në të gjitha komunat dhe trojet shqiptare/ Përshëndes emërtimin e rrugës “Adem Demaçi”

Kryetari i Aleancës për Shqiptarët dhe drejtues i Gostivarit, Arben Taravari, në një prononcim për gazetën LAJM, ka thënë se kallëzimet penale për kryetarët e Tetovës, Bilall Kasamin dhe atë të Çairit, Visar Ganiun, për pritjen e Albin Kurtit janë të panevojshme dhe vetëm faktorizojnë dy politikanët e gjobitur.

“Mendoj se nuk kishte nevojë aspak. Nuk e di nëse ishte e qëllimshme për t’i faktorizuar. Në këtë mënyrë vetëm faktorizohen politikisht. Unë mendoj se s’ka as vepër, as asgjë tjetër për t’i thurrur në stacionet policore dhe mendoj se është e tepruar”, tha Taravari për gazetën LAJM.

Taravari, ka komentuar për gazetën LAJM, vizitën e kryeministrit të Kosovës, Albin Kurti në Shkup dhe Tetovë. Ai ka thënë se, Kurti është i mirëserardhur në të gjitha komunat shqiptare të Maqedonisë së Veriut dhe jo vetëm.

“Është i mirëseardhur çdokund. Mendoj se z.Kurti dhe z.Rama janë të mirëseardhur në të gjitha trojet shqiptare. E kam thënë edhe para disa ditëve, është normale ai e zgjedh agjendën e vet, ai është kryeministër i Kosovës dhe kudo që të shkojë, do të pritet në mënyrë të ngjashem.

LAJM: A kishte nevojë për gjithë këtë debat që po zhvillohet për vizitën e Kurtit?

“Aspak! Mendoj se pak edhe partitë e opozitës (maqedonase dhe shqiptare) po i fryjnë kësaj pune, sikur duan të kenë vëmendje. Përndryshe, mendoj se një kryeministër i një shteti fqinj, siç është Albin Kurti, është i mirëseardhur gjithkund, në të gjitha komunat shqipatre, por besoj edhe në komunat tjera të RMV-së”, tha Tarvari për LAJM.

Taravari, ka përshëndetur emërtimin e rrugës “Adem Demaçi” në Çair. Ai tha se, edhe në Gostivar ka pas iniciativë për ndryshimin e emrave të rrugëve, por këto nisma kanë dështuar për shkak se nuk janë mbështetur nga këshilltarët e bashkësive jo shumicë.

“Emërtimin e rrugës Adem Demaçi e përshëndet dhe uroj që në sa më shumë komuna të kemi ndryshim të emrave të rrugëve. Edhe në Gostivar e kemi ngritur këtë iniciativë, por nuk i’a kemi dal për shkak të “Badenterit”. Uroj dhe shpresoj që në të ardhmen edhe në të ndryshojmë emrat e disa rrugëve nëpër qytetin e Gostivarit”, tha Taravari për gazetën LAJM.

https://fb.watch/mrypxvo7_9/?mibextid=5eVWNK

https://fb.watch/mryqyuvLFS/?mibextid=5eVWNK

Continue Reading

Lajme

VLEN emëron pesë profesorë universitar për zv/ministra

Published

on

By

Nga gjithsej 7 zv. ministra të cilët vijnë nga radhët e Koalicionit VLEN, pesë nga këta janë nga bota akademike, profesorë universitarë.

Flakron Bexheti, doktor shkence do të jetë zv/ministër i Bujqësisë, Kaltrina Zekolli, doktor shkence do të jetë zv/ministre e Transportit, Lulzim Aliu, doktor shkence do të jetë zv/ministër i Arsimit, Astrit Iseni, doktor shkence është caktuar të jetë zv/ministër në MPB, si dhe Safije Sadiki Shaini zv/ministre e Sportit, është doktorante dhe ligjëruese në universitet.
Sedat Sulejmani është emëruar zv/ministër i Kulturës, ndërsa Elfete Ismaili është emëruar zv/ministre e Mbrojtjes, të dy profesionistë të shquar.

Flakron Bexheti është ligjërues në Universitetin “Nënë Tereza”, njëjtë Kaltrina Zekolli dhe Safije Sadiki Shaini. Astrit Iseni është ligjërues në Universitetin e Tetovës “Fadil Sulejmani” dhe Lulzim Aliu i cili ligjëron në Universitetin “Kirili dhe Metodi”.

Continue Reading

Lajme

Fetai: BDI ka shkelur çdo parim të Marrëveshjes së Ohrit!

Published

on

By

Zv.kryeministri për qeverisje të mirë, Arben Fetai, ka komentuar paralajmërimet se kryetari i BDI-së Ali Ahmeti ka angazhuar një ekip ndërkombëtar, i cili është duke punuar në disa ide të propozuara për të pamundësuar mosrespektimin e vullnetit të votuesve në të ardhmen dhe shkeljen e frymës së Marrëveshjes së Ohrit.

Në një prononcim për gazetën LAJM, këto paralajmërime të BDI-së, Fetai i quajti manovra për marketing politik.

Ai kujtoi se në të kalurën Ahmeti kishte paralajmëruar se do të angazhonte edhe ekipe të CIA-s dhe FBI-së për zbardhjen e rasteve të montuara.

“Ne jemi mësuar me lojëra të tilla, deklarata pompoze nga ana e BDI-së. I mbani mend rastet e montuara politike, ku sa herë kanë thënë që do e thërrasin FBI-në, CIA-n… Por, në fakt këto janë vetëm manovra marketingu të dëshpëruara sepse mendoj se BDI-ja ende nuk është mësuar me faktin që është në opozitë dhe do t’i duhet pak kohë të ambientohen në rolin e saj të ri. Sa i përket faktorit ndërkombëtar, e kemi dëgjuar deklaratën e ambasadores amerikane në vend, zonjës Ageler, por edhe ambasadorët tjera, të cilët e thonë shumë qartë atë që e themi ne, se për të formuar qeveri nuk ka ligj që e parasheh se BDI duhet të jetë doemos në Qeveri. Ne kemi legjitimitet të fortë, 107 mijë vota të pasta shqiptare të cilat na japin legjitimitetin e plotë për të bërë punën tonë dhe për të zbatuar programin e koalicionit VLEN dhe programin qeveritar, në mënyrë që të sjellim një ndryshim të prekshëm për secilin qyetarë të këtij vendi dhe veçanërisht shqiptarët të cilët kanë kërkuar ndryshim për dy dekada me radhë. Ata thirren në Marrëveshjen e Ohrit dhe luftën e vitit 2001 ndërkohë që kanë shkulur çdo parim nga përpjekja e tyre për të viteve të pasluftës”, tha Fetai për gazetën LAJM.

Continue Reading

Lajme

Fetai numëron vendimet nga mbledhja e djeshme e Qeverisë: 100 miljon euro për komunat shqiptare, rritje e pensioneve, mbyllja e kazinove online, shënimi i Marrëveshjes së Ohrit

Published

on

By

Në një intervistë sot, zv/kryeministri për Qeverisje të mirë dhe Transparencë Arben Fetai ka numëruar vendimet e djeshme të mara në mbledhjen e Qeverisë që janë në favor të shqiptarëve. Nga rebalansi i buxhetit gati 100 milion euro investime për projekte infrastrukturore do të ndahen për komunat shqiptare, rritja e pensioneve me 5000 denare, interpretimi autentik i ligjit për kazinote, qe do të mbyll menjëhere lazinot online dhe zvogëlojë numrin e kazinove fizike për 50-70% dhe të tjera
Në seancën e djeshme të qeverisë së Maqedonisë së Veriut, u morën vendime qenësore për zhvillimin e mëtejshëm të politikave të VLEN.
Në këtë seancë:

Janë emëruar 10 drejtorë të rinj nga Koalicioni VLEN; individë të përkushtuar të cilët do të sjellin energji dhe ide inovative në institucionet përkatëse.

Qeveria e RMV angazhoi Ministrinë e Financave të bëjë interpretimin autentik të Ligjit për lojërat e fatit; Intepretimi autentik mundëson largimin e kumarit nga shtëpitë tona, me mbylljen e menjëhershme të on-line kazinove dhe zvogëlimin e kazinove dhe bastoreve nga 50-70%.

Në cilësinë e zv.kryeministrit të parë, Izet Mexhiti u zgjodh koordinator i organizimit të ngjarjeve për shënimin e Marrëveshjes Kornizë të Ohrit.

Continue Reading

TOP Lajme