Kryetari i komunës së Vrapçishtit njëherit kandidat edhe për një mandat nga radhët e ASH-Taravari nga takimi i sotëm në haojen e shtabit në fshatin Negotinë ka theksuar se nga Vrapçishti sonte fillon fitorja e madhe e ASH-së ndërsa argatëve të Adnan Azizit ju bëj të fala se Tetori është afër, shkruan Top24

Aleanca për Shqiptarët dega Vrapçisht, sonte konsolidoi Shtabin e saj për zgjedhjet lokale të vitit 2025. Shef i shtabit u zgjodh Bejtulla Kamberi, i cili do ta udhëheq këtë strukturë gjatë procesit zgjedhor.

Në takim ishin të pranishëm kryetari i Aleancës për Shqiptarët, Arben Taravari, deputeti Halil Snopçe, kryetari i Komunës së Gostivarit, Valbon Limani, kryetari aktual dhe kandidati për zgjedhjet e tetorit në Vrapçisht, Isen Shabani, si dhe funksionarë të kryesisë qendrore dhe lokale.

Gjatë takimit me aktivin e ASH-së u theksua rëndësia e fitores së radhës në Komunën e Vrapçishtit një fitore që pritet të vazhdojë të sjellë zhvillim, mirëqenie dhe përfaqësim të denjë për qytetarët e kësaj komune.

Përmes një komunikate Aleanca për Shqiptarët e udhëhequr nga Arben Taravari ka ngritur disa pyetje ndaj Zëvendëskryeministrit të parë Izet Mexhiti i cili të premten që lam pas mbajti konference për shtyp në selinë partiake dhe jo në ambientet zyrtare të Qeverisë.

Nga ASH theksojn se VLEN-i në pushtet por Mexhiti flet nga selia partiake pyesin se është Mosbesim apo margjinalizim?

“Të premten, publiku ishte dëshmitar i një konference për shtyp të z. Izet Mexhiti, e cila, në vend që të mbahej në ambientet zyrtare të Qeverisë, u organizua në selinë partiake të koalicionit VLEN. Kjo ngre disa pyetje të rëndësishme që kërkojnë përgjigje të qarta:
• Pse z. Mexhiti e mbajti konferencën për shtyp në selinë partiake dhe jo në ambientet zyrtare të Qeverisë?
A ka ndonjë ndalesë të pashkruar nga kryeministri Mickoski që zyrtarët e VLEN-it të mos paraqiten nga pres-qendra zyrtare e Qeverisë?
• Në çfarë cilësie foli z. Mexhiti?
A foli si zëvendëskryeministër i Qeverisë së Maqedonisë së Veriut apo si përfaqësues i VLEN-it?
• A ishin informatat e prezantuara zyrtare, apo materiale partiake?
Publiku ka të drejtë të dijë nëse informatat e ndara në atë konferencë ishin të konfirmuara nga institucionet përkatëse, apo thjesht deklarata propagandistike me qëllim përfitimesh politike.

Për më tepër, është për t’u habitur që edhe pas hyrjes në Qeveri, VLEN vazhdon të sillet si opozitë, duke shmangur përgjegjësinë institucionale dhe duke përdorur retorikë që i takon partive jashtë pushtetit. Ose ndoshta realiteti është se VLEN-i nuk ka ndikim real brenda Qeverisë, dhe roli i tyre mbetet formal, pa fuqi vendimmarrëse.

Në interes të transparencës dhe përgjegjësisë ndaj qytetarëve, ftojmë z. Mexhiti dhe përfaqësuesit e VLEN-it të sqarojnë qartë pozicionin e tyre: a janë pjesë e Qeverisë, apo zëdhënës të një partie në opozitë?”, nënvizojnë nga Aleanca për Shqiptarët.