Connect with us

Lajme

Taravari: Është e shëndetshme që BDI të shkojë në opozitë, kemi raporte korrekte me LSDM-në dhe VMRO-në

Published

on

Kryetari i Aleancës për Shqiptarët, Arben Taravari, tha se partia ende nuk ka vendosur se si do të shkojë në zgjedhje dhe se të gjitha opsionet janë të mundshme. Sipas tij, zgjedhjet duhet të mbahen në fund të marsit ose në fillim të prillit të vitit të ardhshëm së bashku me zgjedhjet presidenciale.

“Në organet partiake do t’i analizojmë të gjitha rrethanat në mënyrën më të mirë për partinë tonë”, ka thënë Taravari në një intervistë për Sitel.

I pyetur nëse është në lojë pjesëmarrja e përbashkët me koalicionin aktual qeveritar, ai tha se nuk përjashton asgjë. Megjithatë, ai beson se më së miri do të ishte që ASH të shkojë e vetme në zgjedhje.

– Ne bëjmë anketa çdo muaj dhe i marrim ato të LSDM-së dhe VMRO-DPMNE-së. Dhe ne po ecim relativisht mirë. Mendoj se opsioni i parë, sipas meje, por vendimi nuk varet vetëm nga unë, më së miri do të ishte të shkojmë të vetëm, por nuk i përjashtoj të gjitha opsionet e mundshme për kombinime”, ka thënë Taravari.

Aleanca për Shqiptarët, siç thotë ai, ka raporte korrekte me të gjitha partitë politike.

“Nuk e përjashtoj bashkëpunimin me asnjë parti politike, sidomos në bllokun maqedonas. Kemi raporte të mira me LSDM-në dhe VMRO-DPMNE-në, ka thënë Taravari.

Për funksionimin me BDI në koalicionin qeveritar thotë se kjo është një “e keqe e imponuar”.

“Patjetër të funksionojmë dhe tash disi funksionojmë në këtë periudhë deri në zgjedhjet e ardhshme bashkë me BDI-në dhe LSDM-në. Mirëpo, patjetër të them se kur ne theni se BDI-ja ka metastazuar dhe është infiltruar nëpër të gjitha institucionet në Maqedoni dhe është problem serioz për shtetin, atëherë kjo disi u margjinalizua sikur askush nuk na merrte seriozisht. Dhe tani kur dëgjoj emisione debative nëpër të gjitha televizionet, analistë të caktuar po e përsërisin këtë”, ka thënë Taravari.

Continue Reading

Lajme

Ilire Dauti kapet në mashtrim të rëndë, Snopçe ia kujton se votoi rendin e ditës për Branitellat (Video)

Published

on

By

Koordinatori i grupit parlamentar dhe deputeti i koalicionit VLEN, Halil Snopçe gjatë debatit në komisionin për çështje të zgjedhjeve dhe emërimeve në Kuvendin e Maqedonisë së Veriut ia ka kujtuar me fakte deputetes Ilire Dauti nga grupacioni i Ziadin Selës pjesë e koalicionit opozitar Fronti Evropian votimin e rendit të ditës në seancën e 143 të kuvendit për Ligjin për Branitellat e cila mashton opinionin me listingun fallco.

Snopçe thekson se depuetja Ilire Dauti mashtron, Snopçe ia kujton me fakte se në seancën e 143 ka votuar rendin e ditës për Ligjin për Branitellat, është e njejta seancë ku u votua shkarkimi i ish-ministrave Azir Aliu dhe Fatmir Mexhiti, ku deputetja Ilire Dauti ishte palë me BDI-në dhe kundër Aleancës për Shqiptarët.

VIDEO

Continue Reading

Lajme

Grubi, Bajrami, Rustemi dhe Bekteshi zyrtarët e parë të BDI-së që pritet të dalin para organeve të drejtësisë?!

Published

on

By

Artan Grubi, ish zv.kryeministër i parë, Përparim Bajrami, ish drejtor i Lotarisë së Maqedonisë së Veriut i cili ka qenë nën kontrollë të plotë të këtij të parit, jo zyratisht pritet të ju inicohet procedurë penale dhe të arrestohen për keqpërdorime të shumta që kanë bërë me Lotarinë.

Përpos këtyre dy ish funksionatëve, nga radhët e BDI-së pritet organet e hetuesisë të inicojnë procedurë edhe ndaj ish drejtorit në Ndërmarrjen Publike Rrugët Shtetërore Ejup Rustemi, si dhe ndaj ish ministritë të Ekonomisë, Kreshnik Bekteshi. Për të parinë tashmë Qeveria e re ka grumbulluar një sërë faktesh për keqpërdorime me fondet publike dhe keqpërdorim të tenderëve. Bekteshi dyshohet për dhënie të koncensionve të dyshimta për njerëzit dhe kompanitë e afërta me BDI-në.

Se BDI ka nevojë për mbrojtës të mirë juridik, sot i paralajmëroi edhe kryetari i ASH-së dhe Ministri i Shëndetësisë, Arben Taravari si pjesë e koalicionit VLEN në Qeveri.

“BDI-ja kishte një reagim ku qau hallin pse në Ministri të Shëndetësisë është eleminuar pozita e Drejtorit Ekonomik. Një pozitë krejt e panevojshme me të cilën BDI-ja kishte “qerasur” njerëzit e saj. Pra, BDI-ja qortoi Qeverinë që kursen paratë e qytetarëve dhe po këput lidhjet korruptive të ndërtuara nga BDI-ja. Kjo parti ka nevojë për dy gjëra:
1. Një ekip të mirë avokatësh që të mbrojë veten nga akuzat që po i përgatit,; 2. ⁠të kuptojë se të paktën tani që është në Opozitë, duhet të ndryshojë mentalitetin e saj korruptiv”, shkruan Taravari në një status në rrjetet sociale.

Continue Reading

Lajme

VLEN emëron pesë profesorë universitar për zv/ministra

Published

on

By

Nga gjithsej 7 zv. ministra të cilët vijnë nga radhët e Koalicionit VLEN, pesë nga këta janë nga bota akademike, profesorë universitarë.

Flakron Bexheti, doktor shkence do të jetë zv/ministër i Bujqësisë, Kaltrina Zekolli, doktor shkence do të jetë zv/ministre e Transportit, Lulzim Aliu, doktor shkence do të jetë zv/ministër i Arsimit, Astrit Iseni, doktor shkence është caktuar të jetë zv/ministër në MPB, si dhe Safije Sadiki Shaini zv/ministre e Sportit, është doktorante dhe ligjëruese në universitet.
Sedat Sulejmani është emëruar zv/ministër i Kulturës, ndërsa Elfete Ismaili është emëruar zv/ministre e Mbrojtjes, të dy profesionistë të shquar.

Flakron Bexheti është ligjërues në Universitetin “Nënë Tereza”, njëjtë Kaltrina Zekolli dhe Safije Sadiki Shaini. Astrit Iseni është ligjërues në Universitetin e Tetovës “Fadil Sulejmani” dhe Lulzim Aliu i cili ligjëron në Universitetin “Kirili dhe Metodi”.

Continue Reading

TOP Lajme