Connect with us

Lajme

Taravari e demanton lajmin e TV21: S’do jem kryeministri i parë shqiptar në Maqedoninë e Veriut!

Published

on

LAJM: z.Taravari a do jeni ju kryeministri i parë shqiptarë në Maqedoni, siç u raportua në disa mediat sot?

Taravari: Jo, sigurisht nuk do të jem. Unë u habita, ma dërguan disa miq dhe shokë këtë informatë. As që është diskutuar kjo temë në parti apo me ndonjë parti tjetër. Kështu që ne si ASH i vazhdojmë aktivitetet tona, i kemi planet tona dhe as që diskutohet për këtë temë.

LAJM: A ju ka ofruar Ali Ahmeti një gjë të tillë?

Taravari: Jo, aspak. Unë me Ali Ahmetin jam takuar 4 ditësh në komunën e Gostivarit. Kemi biseduar për tema të ndryshme, por për këtë temë aspak nuk kemi diskutuar.

LAJM: A do të kishit pranuar një pozitë të tillë nëse do t’ju kishte ofruar?

Taravari: Jo. As që e kam ndërmend ta diskutoj këtë temë. Bile mendoj se është temë që më shumë është thashetheme se ka të bëjë diçka me realitetin.

LAJM: Nëse s’keni biseduar për këto tema me Ahmetin dhe s’janë të vërtetë këto zëra, pse mendoni se dalin këto spekulime? A mund të kenë lidhje me qëndrimin tuaj se nuk do të garoni në zgjedhje bashkë me BDI-në?

Taravari: Ne moti e kemi thënë. Unë ka 4-5 muaj që e përsëris këtë. Kishte spekulime të ndryshme se Aleanca shkon me BDI-në, listat janë gati dhe ka 4-5 muaj që unë e përsëris që Aleanca do të del vetë dhe në mbledhjen e fundit të kryesisë kishim konstatim se Aleanca shkon vetë në zgjedhje dhe nuk shkon me BDI-në

Continue Reading

Lajme

VLEN shqyrton seriozisht mundësinë e listave të përbashkëta me VMRO-DPMNE – Eksperimenti i dytë

Published

on

By

Në skenën politike shqiptare në Maqedoninë e Veriut është hapur një debat i ri strategjik: koalicioni VLEN, pjesë e shumicës aktuale qeverisëse, po shqyrton mundësinë e daljes me lista të përbashkëta per këshilltarë me VMRO-DPMNE-në, partinë maqedonase që aktualisht është në pushtet.

Propozimi ka ardhur me zë të qartë nga Lëvizja BESA, e cila këtë model e konsideron si një eksperiment të dytë elektoral në marrëdhëniet ndëretnike, pas bashkëpunimit të kaluar që pati me LSDM-në. Si një nga promotorët e kësaj ideje përmendet edhe emri i Adnan Azizi, përfaqësues i BESA-s në kuadër të VLEN-it.

Burime nga brenda koalicionit bëjnë të ditur se kjo nismë ka hasur në rezistencë të pjesshme brenda vetë VLEN-it. Konkretisht, një pjesë e Lëvizjes Demokratike të Izet Mexhitit dhe një segment i Alternativës, i cili ndodhet nën ndikimin e Afrim Gashit, aktualisht kryetar i Kuvendit, janë skeptikë për një bashkëpunim të tillë me një parti që historikisht ka mbajtur qëndrime nacionaliste ndaj shqiptarëve.

Megjithatë, të tjera zëra brenda koalicionit po e shqyrtojnë me kujdes këtë propozim, duke mos e përjashtuar mundësinë që një bashkëpunim i tillë të jetë politikisht i leverdishëm në rrethana të caktuara.

Tema pritet të trajtohet më konkretisht në mbledhjen e ardhshme të kryesisë së VLEN, ku do të diskutohet nëse ky skenar do të mbështetet si strategji zgjedhore apo do të refuzohet për shkak të përplasjes me qëndrimet e mëparshme politike të partive shqiptare në pushtet.

Continue Reading

Lajme

FRASH në trajnim për fushatat zgjedhore – Viola Ramadani: Po ndërtojmë kapacitete për Tetorin 2025

Published

on

By

Kryetarja e Forumit Rinor të Aleancës për Shqiptarët dhe njëherazi Shefe e Shtabit Qendror të FRASH-it, Viola Ramadani, ka marrë pjesë në punëtorinë dyditore të organizuar nga Misioni i OSBE-së në Maqedoninë e Veriut, e cila kishte për fokus ndërtimin e kapaciteteve për të folur në publik dhe planifikimin e fushatave elektorale, informon PressOnline.al

Në një postim në rrjetet sociale, Ramadani ka ndarë momente nga pjesëmarrja në këtë aktivitet që u zhvillua më 7 dhe 8 korrik në Mavrovë, duke e cilësuar si një përvojë të vlefshme në kuadër të përgatitjeve për zgjedhjet lokale të tetorit 2025.

“Punëtoria ishte një hap i rëndësishëm për ndërtimin e aftësive që do të na ndihmojnë të komunikojmë më mirë me qytetarët dhe të planifikojmë me efikasitet fushatat”, ka shkruar Ramadani.

Ajo ka falënderuar OSBE-në për angazhimin e vazhdueshëm në fuqizimin e grave dhe rritjen e përfaqësimit të tyre në proceset e vendimmarrjes, si dhe për mundësinë për të bashkëpunuar me gra të përkushtuara nga e gjithë Maqedonia e Veriut.

Ky aktivitet është pjesë e mbështetjes së gjerë të OSBE-së ndaj përfshirjes së grave në politikë, me theks të veçantë te brezat e rinj dhe roli i tyre në ndërtimin e demokracisë së qëndrueshme.

Continue Reading

Lajme

ASH: VLEN reklamohet, VMRO-DPMNE punëson – Ky është realiteti i hidhur i vazalëve politikë: 133 me 5

Published

on

By

Në vend që të mbrojnë interesat e shqiptarëve, përfaqësuesit e VLEN-it po luajnë rolin e spektatorit të privilegjuar në një qeveri që sistematikisht i përjashton shqiptarët nga institucionet shtetërore.

Vetëm gjatë javës së parë të korrikut, në katër institucione qendrore janë realizuar gjithsej 133 punësime të reja, prej të cilave vetëm 5 u takojnë shqiptarëve, kryesisht në pozita të ulëta dhe asnjë në nivel udhëheqës. Konkretisht: 26 punësime në Ministrinë e Mbrojtjes (1 shqiptar), 10 në Ministrinë e Bujqësisë (0 shqiptarë), 50 në Ministrinë e Sportit (4 shqiptarë, pa asnjë në funksion drejtues), dhe 32 në Regjistrin Qendror (0 shqiptarë). Këto shifra nuk lënë vend për interpretime – ato dëshmojnë një diskriminim të qëllimshëm dhe të institucionalizuar.

Ky nuk është përjashtim i rastësishëm, por politikë e planifikuar për ekskluzion etnik, e heshtur dhe e toleruar nga partnerët shqiptarë të qeverisë.

VLEN, në vend që të mbrojë përfaqësimin e shqiptarëve, është zhytur në fushatë vetëpromovuese, ndërsa vendimmarrja reale dhe resurset publike kalojnë përmes filtrit të VMRO-DPMNE-së. Ata që dje predikonin “moral të lartë opozitar”, sot janë shndërruar në vazalë funksionalë të pushtetit, duke heshtur përballë padrejtësive të rënda.

Aleanca për Shqiptarët dënon këtë praktikë diskriminuese dhe kërkon përgjegjësi politike të menjëhershme për këtë pabarazi të papranueshme në përfaqësim dhe punësim. Institucionet publike nuk janë çiflig politik – ato duhet të pasqyrojnë strukturën reale të popullsisë dhe të funksionojnë mbi parimin e barazisë dhe përfaqësimit të drejtë.

Nëse shqiptarët përjashtohen sot nga konkurrimet, nesër përjashtohen nga vetë shteti.

Aleanca për Shqiptarët

Continue Reading

TOP Lajme