Connect with us

Lajme

Taravari: Duhet ta mendojmë votuesin tonë i cili është opozitar dhe na dhanë votën për ta sjellur ndryshimin te shqiptarët

Published

on

Ne duhet ta mendojmë votuesin tonë i cili është opozitar dhe na dhanë votën për ta sjellur ndryshimin te blloku politik shqiptar. Prandaj mendoj se duhet të mendohemi dhe të sjellim vendim se si më tej pa mos e anashkaluar as qendrimin në Qeveri ose daljen vetë në zgjedhje.

Kështua tha sonte kryetari i ASH-së, Arben Taravari në emisionin “24 Hapur” në televizionin 24.

“Nuk është logjie për shembull nëse Aleanca për Shqiptarët shkon me partitë opozitare ose vetë në zgjedhje, të jetë pjesë e Qeverisë. Ajo është jo e logjikshme. Nëse shkohet në opsion tjetër, gjegjësisht me BDI-në, atëherë është normale të vazhdohet. Megjithatë, unë mendoj se do të duhet debat menjëherë pas Vitit të Ri dhe në Kuvendin qendror ti shqyrtojmë të gjitha opionet. Tanimë, ne të gjithë përgatitetmi për zgjedhje edhe pse fushata nuk ka nisur, por jo zyrtarisht të gjithë jemi në fushatë. Ka kombinatorika dhe bisedime të ndryshme për koalicionim në zgjedhje. Ne kemi qendim të Kryesisë qendrore se shkojmë vetë në zgjedhje dhe përgatitemi në terren”, deklaroi kryetari i ASH-së, Taravari.

Ai tha se ASH ka bisedime intensive si me opozitën shqiptare, ashtu edhe me BDi-në.

“Nuk dua të fsheh se ne kemi bisedime intensive edhe me partitë opozitare politike shqiptare, por edhe me BDI-në për kombinime eventuale të cilat do të mund të ishin të mira për ata dhe për ne. Megjithatë, them sërisht se mobilizimi i anëtarësisë është të shkojmë vetë në zgjedhje dhe të shohim se cili vendim do merret”, shtoi Taravari.

I pari i ASH-së shtoi se si parti kanë dalë në skenën politike për ta bërë ndryshimin te shqiptarër por kujdesen që vendi ta vazhdojë edhe rrugën evropiane.

“Në fund të ditës të gjitha partitë politike do dalin në zgjedhje për të bërë rezultat të caktuar. Kjo do jetë në bazë të ndonjë platforme dhe pos platformës do të flitet edhe për kombinimin më të mirë të mundshëm. ASH është themeluar si parti politike për ta sjellur ndryshimin te shqiptarët dhe para 9 viteve dolëm si fraksion nga një parti e caktuar politike PDSH dhe quheshim LR – PDSH. Pastaj fituam dy komuna dhe kemi 8 deputetë por gjithësesi se më intereson edhe rruga evropiane e shtetit, por edhe e mira e përgjithshme për qytetarët dhe për partinë tonë”, theksoi më tej kreu i ASH-së.

Ai tha se nuk ka pse të fsheh se është takuar si me kreun e BDI-së Ali Ahmetin, poashtu edhe me kreun e LD Izet Mexhiti dhe të LB Bilall Kasami.

Continue Reading

Lajme

Patricia Nugee me ekspozitën e saj “Kujtesa për Skënderbeun” mysafire në Tetovë

Published

on

By

Në qytetin e Tetovës ishte një mbrëmje mbreslënëse. Koleksionistja e njohur e librave të rrallë mbi Gjergj Kastrioti – Skënderbeu – znj. Patricia Nugee hapi ekspozitën e saj” Kujtesa për Skënderbeun”.

Zonja Nugee për herë të parë erdhi në Tetovë dhe solli një frymë ndryshe. Nugee tha se është mirënjohëse dhe shumë e lumtur që iu dha rasti ta ekspozoj koleksionin e librave për Skënderbeun në Tetovë.

Në këtë ekspozitë u ekspozuan 37 libra të botuar në mes të shekujve XVI dhe XVIII në Romë, Augsburg, Strasburg, Venedik, Frankfurt, Londër, Lisbonë dhe Madrid, Paris, Amsterdam, Brescia, Edinburg, Napoli, Stokholm dhe Danimarkë. Në fillim pati një video-mesazh nga Loris Castriota Skanderbegh (pasardhësi i Skënderbeut) ai shprehu mirënjohje për këtë punë të mrekullushme të Patricia Nugget.Fjalë rasti pati kryetari i Komunës së Tetovës z. Bilall Kasami poashtu edhe nikoqir i mbrëmjes ku tha:

”Ne do t’i kemi gjithnjë dyert e hapura dhe do të jemi në mbështetje të vazhdueshme të artit, kulturës dhe historisë kombëtare”. Zonja Belinda Dyrmishi- e ngarkuar me punë në Ambasadën e Shqipërisë në RMV tha se kjo është një punë e mrekullushme dhe fisnike. Neve si shqiptarë na bën krenarë.Profesor Arsim Sinani- ligjërues në Universitetin “Hasan Prishtina” është nga ata që sjell vetëm energji për qytetin, historinë.

Profesor Arsim Sinani pati një fjalim domethënës siç vetëm ai mund të shprehet e falënderoi zonjën Nugee për gjithë punën e saj poashtu kërkoi nga instuticionet qendrore më shumë mundësi për projektet e tilla sepse tani kanë mundësi ta bëjnë këtë.Elma Sherifi përgjegjëse e Njësisë së Kulturës në Komunën e Tetovës poashtu edhe kuratore e ekspozitës tha: “Ishte nder të jem kuratore e kësaj ekspozite dhe të shoh se si heroji i gjithë shqiptarëve njihet dhe vlerësohet nga popujt tjerë, por edhe më kënaqësi është që këtë ekspozitë ta sjellim para këtij publiku të mrekullushëm”.

Elma Sherifi ndau me publikun historinë e zonjës Nugee kur ajo për herë të parë kishte dëgjuar për Skënderbeun“Emrin e Skëndërbeut e gjeta derisa isha duke punuar në një librari antike në Londër kur një lexues kërkoi një libër për të. As që kisha dëgjuar për Skënderbeun. Kërkova ndihmën e shefit tim, Trifo Max, i cili u angazhua të më gjente librin e parë për Skënderbeun. Kështu filloi njohja ime me këtë figurë, për të cilën hulumtova në vazhdimësi të gjej libra që janë shkruar për jetën e tij. Në antikuariat nëpër botë, ka tridhjetë vjet që unë kam blerë libra të vjetër, të lirë, të shtrenjtë dhe shumë të shtrenjtë për Skënderbeun. Tash në koleksionin tim i kam 37 libra të vjetër për Skënderbeun.’’

Donika Bakiu kuratore e ekspozitës dhe moderatore e mbrëmjes tha:” Ekspozita me këtë koleksion të librave për Gjergjin tonë, heroin tonë,është një frymëzim i përhershëm për të gjithë ne për figurën e Skënderbeut dhe poashtu, një nderim që i bën qytetit të Tetovës zonja Patricia Nugee, ajo për herë të parë erdhi në Tetovë dhe solli energji pozitive.” Në këtë mbrëmje kishte shumë të pranishëm sepse ishte një natë e rrallë dhe e veçantë.

Continue Reading

Lajme

Diellza Uzeiri nga Tetova zë vendin e parë në garat ndërkombëtare të piajnistëve të rinj

Published

on

By

Në garat ndërkombëtare të pijanisteve të rinj që janë mbajtur në qytetin e Vranjes në Serbi, Deillza Uzeiri nga Tetova ka zënë vendin e parë.

Garat janë zhvilluar në një konkurrencë të fortë me shumë garues nga disa shtete në shkollën e muzikës “Stevan Mokranjac”, ku Uzeiri është vlerësuar me 98 pikë me çka edhe është renditur e para në këto gara.

Ndryshe, Deillza ndejk mësimiet për muzikë, gjegjësisht piano në shkollën e muzikës “Todor Skallovski” në qytetin e Tetovës në klasën e Anastasia Vollçevska Obadikj.

Continue Reading

Gosip

Xhulian Shabani me klipin e Luiz Ejllit fiton vendin e parë nga publiku!

Published

on

By

Në faqen zyrtare të “Netëve të klipit shqiptar” në edicionin e 21-t , vendi i parë çmimi i publikut i ka takuar videoklipit “Amanet” me protagonist Luiz Ejli.

Ndërkohë që klipi “Amanet “ishte klipi më i votuar online nga publiku , në skenë për të marrë çmimin u ngjit Xhulian Shabani, producent i këtij klipi.

Shabani me këtë rast falenderoi të gjithë ata që e kanë përkrahur me votat e tyre, në veçanti përshëndeti “Ejllat”, fansat e zjarrt të Luizit, si dhe vetë Luiz Ejllin artistin që i dha motiv të shpreh kreativitetin e tij në këtë videoklip.

Ishte punë e gjerë nga një ekip profesionist i Synopsis Ads, ku shfrytëzoi rastin t’i përshëndes të gjithë sepse besoni në atë temperatur të lartë që është prodhuar klipi ishte shumë i vështirë realizimi i klipit, u shpreh Xhuliani.

Më tej Shabani falenderoi edhe Elvis Pupën dhe Santiana Malokun që ishin aktorë, si dhe gjithë bashkëpuntorët e Synopsys ads që kontribuan të realizohet me sukses ky klip.

Në fund fare Xhulian Shabani tha se këtë klip dhe këtë sukses i’a përkushton babait të tij tashmë të ndjerë , që beson se e shikon prej lartë dhe krenohet me Xhuliani/ Fol.mk

Continue Reading

TOP Lajme