Për situatën në komunat e Veriut të Kosovës, e cila ka eskaluar sot në protesta të dhunshme të Sërbëve të cilët kanë sulmuar policinê e Kosovës dhe KFOR-in ka reaguar edhe kryetari i Aleancës për Shaiptarët Arben Taravari.Ai duke dënuar dhunën, ka dhënë mbështetje tê plotë institucioneve të Kosovës për të shtrirë sovranitetin e tyre në tërë territorin e Kosovës.Gjithashtu ai ka bërë thirje për vazhdimin e dialogut në mes Kosovës dhe Sërbisë.Më poshtë ju sjellim reagimin e plotë të Taravarit:

“Veprimet e Kosovës për të mbajtur Sovranitetin në Veri janë sa normale aq edhe legjitime! Dhuna e protestuesve sërb ndaj policisë së  Kosovës dhe ushtarëve të KFOR-it është e Patolerueshme!

Kemi ndjekur me shqetësim situatën e krijuar në Veri të Kosovës. Zyrtarët serb braktisën dhe bojkotuan insitucionet e Kosovës në 4 Komuna të saj. Krejt normalisht dhe sidomos sipas ligjit, në krye të këtyre insitucioneve u vendosën 4 drejtues shqiptarë. Për ironi të fatit serbët i kanë pritur këto zgjedhje me protesta të dhunshme.

E dënojmë ashpër dhunën e përdorur nga protestuesit sërb  ndaj policëve shqiptarë dhe ushtarëvë të KFOR-it, të cilët po kryejnë misionin e tyre në bazë të autorizimeve dhe kompetencave te tyre.

Mbështesim pa asnjë mëdyshje Qeverinë e Kosovës dhe Kryeministrin Albin Kurti.  Kjo qeveri është krejt e drejtë në veprimet e saj për të ushtruar sovranitetin e saj në Veri të Kosovës si detyrim kushtetues. Duke ndjetur në koordinim me partnerët tanë ndërkombëtar duke përkrahur dhe mbështetur çdo marrëveshje mes Kosovës dhe Sërbisë të inicuar nga BE dhe SHBA, për normalizimin e marrëdhënieve mes dy vendeve.

Inkurajojmë Kosovën dhe Serbinë që të rifillojnë dialogun politik, duke kontribuar për normalizimin e situatës së plotë në Veri të Kosovës e cila fatkeqësisht ka tendenca eskalimi. Eshtë i patjetërsueshëm fillimi i zbatimit të Marrëveshjes së Ohrit, i inicuar nga Kreu i diplomacisë evropiane, Joseph Borrell dhe me mbështetje të SHBA-ve, me të cilën palët janë dakorduar që ti implementojnë të gjitha pikat e propozimit evropian.” shkruan Taravari

https://www.facebook.com/1265185232/posts/pfbid02VUk46inUqDm862CKp2Hroy7QjNrDPkfCPj2KtJyigLSL5LorYesPuRAz9n4okv4ul/?mibextid=cr9u03