Connect with us

Lajme

Takimi i delegacionit parlamentar me Borel/Snopçe: Vendimet për Ballkanin Perëndimor të bazohen në fakte historike e jo në probabilitet

Published

on

Ditën e djeshme në parlamentin e RMV-së u zhvillia takim i një delegacioni parlamentar dhe përfaqsuesin special të BE-së,z.Zhozef Borell.Ne këtë takim  përfaqsuesi i Aleancës për Shqiptarët ishte deputeti Halil Snopçe.Snopçe pas takimit pati një komunikim me publikun nëpërmjet rrjetit social Facebook ku thekson mesazhe te rendesishme te cilat i ka adresuar në këtë takim.Më poshtë ju sjellim statusin e plotë

“Bashkë me Kryetarin e Parlamentit, z. Xhaferi, si përfaqësues i Aleancës për Shqiptarët pritëm përfaqësuesin special, z. Zhozef Borel.

Në takim pata rastin që edhe njëherë të potencoj faktin se Aleanca për Shqiptarët është partia që ka kredibilitetin më të lartë moral të flet për procesin eurointegrues, sepse është partia e vetme e cila edhe pse ka qenë në opozitë, pa asnjë kushtëzim, jo vetëm se i ka përkrahur, por ka qenë edhe vendimtare për shumë vendime në këtë proces. Përsërita edhe njëherë se ne ishim partia vendimtare që me dy deputetët e saj e rrëzuam regjimin e Gruevskit. Ishim vendimtarë në përkrahje të Marrëveshjes së Prespës për ndryshimin e emrit që ishte kusht për anëtarësimin në NATO. Së fundi, ishim partia vendimtare në miratimin e Propozimit Francez, që hap rrugën për nisjen e negociatave për anëtarësimin në EU. Tash në këtë vit vendimtar për procesin integrues, kur janë të patjetërsueshme ndryshimet kushtetuese, sollëm edhe një vendim shumë të rëndësishëm, e ai ishte vendimi për të qenë pjesë e Qeverisë që të bëjmë hapin  përfundimtar për nisjen e negociatave. Nëse nuk bëhen ndryshimet kushtetuese, mund të humbim këtë mundësi të artë dhe se kur do të ketë ofertë tjetër është vështirë të parashikohet. Pra, nëse na ikë edhe kjo mundësi, atëherë rrezikojmë të ardhmen evropiane të shtetit.

Poashtu, në takim citova deklaratën e z. Borel para ambasadorëve të BE-së, kur ai tha se Evropa përballet me pasojat e shkëputjes së burimeve të mirëqenies nga burimet e sigurisë si pasojë e agresionit rus në Ukrainë. Z. Borel atëherë tha se mirëqenia e Evropës ka qenë e bazuar në çmimin e lirë të energjisë nga Rusia dhe nga tregu i lirë kinez. Kjo supozohej të ishte e leverdishme dhe e qëndrueshme për Evropën, por ja që pas agresionit u dëshmua që nuk qenka ashtu. Pra, ky parashikim i Evropës paska qenë i gabuar. Theksova se parashikimet, posaçërisht për shtetet e Ballkanit Perëndimor duhet të bazohen në analiza të qarta. Duhet të bazohen në faktet historike. Pra, në asnjë mënyrë nuk duhet të sillen vendime duke u bazuar në probabilitet. Politika nuk duhet të jetë probabilitet. Në të kundërtën do të ishte risk.”-Thekson Snopçe në statusin e tij në rrjetin social Facebook

https://www.facebook.com/100041636515714/posts/pfbid0Z1N1BAedRti3P7auYaBeH1AQJdUKfnWhzTCv9BEXebDasiUPb7GZLk8ExgZvhVC2l/?mibextid=cr9u03

Continue Reading

Lajme

“Dënimet për pedofilët u ulën kur Besa, Alternativa dhe Mexhiti ishin në Qeveri”, kështu Lloga i demanton akuzat e opozitës

Published

on

Ministri i Drejtësisë, Krenar Lloga në Facebook ka demantuar akuzat e opozitës, ku thuhet se Kodi i ri Penal do t’i dënojë më pak personat që abuzojnë seksualisht me fëmijët nën moshën 14 vjeçare. Sipas Llogës, ligji në fjalë është propozuar në 2021 kur në Qeveri ka qenë Lëvizja Besa me Izet Mexhitin dhe ka vazhduar përsëri me Izet Mexhitin dhe me Alternativën përsëri në Qeveri 2022/2023 dhe është votuar në Kuvend në kohën kur ai nuk ka udhëheqë me Ministrinë e Drejtësisë, përcjell Nistori.

“Ligji në fjalë është propozuar në 2021 kur në Qeveri ka qenë Levizja Besa me Izet Mexhitin dhe ka vazhduar përsëri me Izet Mexhitin dhe me Alternativën përsëri në Qeveri 2022/2023 dhe është votuar në Kuvend në kohën kur unë nuk kam udhëheq me Ministrinë e Drejtësisë. Në lexim të parë arritëm të gjejm materialet se kanë votuar PËR: Izet Mexhiti, Kastriot Rexhepi, Fadil Zendeli, Hysni Ismaili etj. Me përgjegjsin me të lartë morale, penale dhe materiale demantoj pretendimet e juaja dhe se gjysëm e verteta nuk i bën nder askujt, përkundrazi dëmton të vërtetën”, shkruan Lloga.

Ndër të tjera, ai shton se ngritja e këtyre temave nga amatorë partiakë në studio televizive pa marrë qëndrime të ekspertëve të fushës jo vetëm se e dëmton kauzën dhe luftën kundër pedofilisë, por i sjellë huti dhe pasiguri opinionit të gjërë.

Continue Reading

Lajme

Reagon sërish Taravari: Qeveria e Serbisë duhet të dënohet për sjelljet kriminale

Published

on

Kryetari i Aleancës për Shqiptarët (ASH), Arben Taravari, me një postim në rrjetin social Facebook ka reaguar për të dytën herë për ngjarjet e ndodhura ditën e djeshme në Veri të Kosovës, ku një grup i armatosur serb i mori jetën efektivit Afrim Bunjaku dhe la të plagosur një tjetër polic.

Taravari shprehet se Kosova nuk mund të jetë një Ukrainë e dytë, sepse një Ukrainë e dytë përkthehet në Luftën e Tretë Botërore. Ai kërkon të ndërrohen negociatorët mes Kosovës dhe Serbisë, të cilët, shton ai, do të mbanin një qëndrim të drejtë që nënkupton ndëshkim të qeverisë serbe për të gjitha sjelljet kriminale që ka bërë deri tani!

“Serbia vazhdon përpjekjet e saj për të ndezur luftën në Kosovë dhe më gjerë. Evropa diplomatike vazhdon dhe i zvogëlon këto sulme ushtarake në “banda” dhe raste të izoluara. Kosova nuk mund të jetë një Ukrainë e dytë, sepse një Ukrainë e dytë përkthehet në Luftën e Tretë Botërore. Që kjo mos të ndodhë duhet ndaluar urgjentisht Serbia në strategjinë e saj pushtuese dhe kriminale! Mjaft më me takime diplomatike që janë benzinë që po shton zjarrin. Ka ardhur koha të ndërrohen negociatorët dhe të mbahet qëndrim i drejtë ndaj të të dy palëve! Qëndrim i drejtë domethënë dënim, ndalim dhe ndëshkim i qeverisë serbe për të gjitha sjelljet kriminale që ka bërë deri tani! Është i domosdoshëm ndalimi i Serbisë në veprimet e saj. Çdo vonesë mund t’i kushtojë botës shumë më shumë”, shkruan i pari i ASH-së.

Ndërkohë ditën e djeshme, pak orë pas ngjarjes, Taravari dënoi me ashpërsi sulmin e kryer ndaj policisë së shtetit të Kosovës nga i cili mbeti i vrarë një efektiv policie dhe një tjetër mbet i plagosur.

“Tani që shkruaj këto rreshta aty ende vazhdojnë të shtënat nga persona të maskuar dhe gjuajtës profesionistë. Ky është një rast alarmant, dramatik dhe kërkoj reagim urgjent nga faktori ndërkombëtar! Duhet Vepruar Tani!”, shprehej Taravari.

Ngjarja e rëndë që riktheu ethet e luftës në Kosovë ndodhi rreth orës 3 të mëngjesit të së dielës në fshatin Banjska të Zveçanit, ku policia e Kosovës u sulmua nga një grup i armatosur prej 30 personash, të veshur me uniforma ushtarake dhe të armatosur me armë të rënda.

Një operacion i Forcave Speciale të Kosovës për kapjen e autorëve e pasoi ngjarjen e rëndë, nga ku në total 3 serbë mbetën të vrarë gjatë shkëmbimit të zjarrit dhe 6 janë arrestuar.
https://www.facebook.com/1265185232/posts/pfbid0QFkcAYwXDAUaSc8ZoxqXW16StAoUKpP1DMgtjmNRFje347Ue9PUHSoyFdutUFS2Wl/?mibextid=cr9u03

Continue Reading

Lajme

Taravari: Dënoj me ashpërsi sulmin e kryer ndaj policisë së shtetit të Kosovës

Published

on

Lideri i Aleancës për Shqiptarët, Arben Taravari e ka dënuar me ashpërsi sulmin e kryer ndaj policisë së shtetit të Kosovës nga i cili ka mbetur i vrarë një policë.

“Dënoj me ashpërsi sulmin e kryer ndaj policisë së shtetit të Kosovës nga i cili ka mbetur i vrarë një oficer policie dhe një tjetër ka mbetur i plagosur. Tani që shkruaj këto rreshta aty ende vazhdojnë të shtënat nga persona të maskuar dhe gjuajtës profesionistë.
Ky është një rast alarmant, dramatik dhe kërkoj reagim urgjent nga faktori ndërkombëtar!
Duhet Vepruar Tani!”, ka shkruar Taravari.

Continue Reading

TOP Lajme