Kandidatja për deputete nga radhët e VLEN Mimoza Musa, ka potencuar që hyrja e VLEN në Qeveri do të jetë në bazë të kushteve, si ndryshimet kushtetuese dhe heqja e 20%, deri sa ka kujtuar ndaj Frontit Evropian që ato janë ata të cilët negociojnë me VMRO-në që të ketë Qeveri mes tyre pa asnjë kusht, duke dërguar Menduh Thaçin si emisar tek VMRO.

“Në kampin maqedonas veç se fituesi dihet, mandatari vendos se me kë do të bëjë qeverinë e re. Asnjë dalje publike e liderëve tonë nuk ka deklaratë që do ketë qeverisje pa kushte. Ne kemi dy kushte, atë të votimit të ndryshimeve kushtetuese dhe heqjes së 20%. Deri tani Mickovski dhe Gordana mund të mbajnë vetëm retorikën e tyre, ata janë ata që na ftojnë në formimin e Qeverisë, andaj ne për këtë formim të Qeverisë kemi kushte qarta”

Në replikë ndaj Fatmire Isakut nga Fronti Evropian, Mimoza Musa, ka kujtuar deklaratën e kryetarit të VMRO-së Hristijan Mickovski i cili theksoi që BDI dërgon emisar që të negocioj hyrjen në Qeveri pa kushte, deri sa emisar ka qenë vetë z. Menduh Thaçi që e ka pranuar këtë publikisht: “Ju jeni ata të cilët dërgoni emisar tek Hristijan Mickovski, i cili deklaroi vetë që nuk keni asnjë kusht për hyrje në Qeveri. Emisari i cili shkon dhe negocion tek VMRO është Menduh Thaçi, lideri i juaj, i cili vetë e pranoi publikisht.”

Shkruan: Arben Fetai, shef i kabinetit të kryetarit të ASH-së Arben Taravari

Në një nga emisionet debative ku isha pjesëmarrës këto ditë, përfaqësuesi i BDI-së më tha “do ta lutojmë ndikimin rus në institucione”, duke harruar se vetë ata janë shteti për 22 vite me radhë dhe se këtë ndikim ata vetë e kanë instaluar.

Andaj edhe sllogani i tyre “Jo Rusisë, po Europës” nuk ka asnjë kuptim sepse kurrë nuk e patën guximin të sqarojnë se kush është Rusia në Shkup, që i bie se po e luftojnë vetëm vetën e tyre.

Motoja e fushatës së tyre ishte “Një Kryeministër për të gjithë”. Kjo moto nuk u sqarua dhe u abortua menjëherë, duke lënë të nënkuptohet se ata kanë hequr dorë kërkesa e tyre kryesore ende pa filluar fushata. Ata e kanë pranuar Mickoskin si Kryeministër dhe janë dorëzuar pa kushte ende pa u mbajtur zgjedhjet.

Program nuk kanë të publikuar askundi. Flasin në mënyrë paushalle për një marrëveshje kornizë ekonomike, ndërkohë që ajo politike po i mbush 23 vjjet dhe nuk është as afër zbatimit të plotë.

Pra, BDI me patericat, po garon pa ide, pa koncept dhe pa program. Horrat e dikurshëm u bashkuan me atë që e akuzonin për vrasje, krim e korrupsion vetëm e vetëm për të shpëtuar lëkurën e tyre. Ata nuk kanë asgjë për të ofruar por duan vetëm të plaçkisin dhe t’i ikin drejtësisë.

Vota për ta është votë e djegur. Ata bashkë me Levicën janë opozita e re.

Mimoza Musa kandidate për deputetët nga radhët e VLEN, sot në emisionin Debativ On Time, ka theksuar që pikë kryesore e programit të VLEN, Planit 2030 janë ndryshimet kushtetuese, duke vazhduar në decitralizimin ekonomik, kthimin e të rinjve në vend dhe investimet në arsim dhe shëndetësi.

“Dua se të potencoj që VLEN është koalicion i pastër shqiptar, kemi bërë së bashkuPlanin 2030,ku janë përfshirë të gjitha pikat e rëndësishme për të gjithë qytetarët e Maqedonisë e Veriut. Një pikë kryesore është Kushtetuta, duke u angazhuar në ndryshimet kushtetuese si dhe heqjen e 20% do të jenë prioritetet tona kyçe në qeverisjen e ardhshme. Pikë tjetër e rëndësishme është decintralizimi financiar, ku do të mundësojmë komunave autonomi të plotë financiare. Kjo do të ndikoj në investime më të mëdha lokale, sidomos tek komunat me shumicë shqiptare. Plaga jonë më e madhe është ikja e të rinjve, nuk na ikin vetëm të rinjtë, por na ikën truri, kur them truri them se po ikin rreth 4-5mijë motra medicinale, arkitekt, profesionistë të ndryshëm. Pikëspari do të bëjmë depolitizimin e institucioneve, dhe nëpërmjet vendeve të reja të punës, granteve të ndryshme do të bëjmë kthimin e trurit dhe rritjen ekonomike të punësimit. Për sektorin e arsimit dhe shëndetësisë kemi paraparë investime në infrastrukturë. Në sektorin e arsimit, duhet të ketë reforma në arsim, në kurrikulat arsimore do të vendosim lëndën e moralit dhe të etikës. Do të mundësojmë ndërtimin e çerdheve publike dhe shkollave fillore. Në sektorin e shëndetësisë kemi nevojë për infrastrukturë, kemi paraparë Ambulanca lokale në të cilën do të punojnë 24 orë, ndërsa si prioritet në Komunën e Tetovës, do ndërtojmë klinikë të përsosur shëndetësore, ku me anë të specializantëve do të mundësojmë që qytetarët nga rajoni të shërohen këtu dhe të mos shkojnë deri në Shkup.”