Kryetari i Alternativës, Afrim Gashi nga Zhelina tha se mungesa e mirëqenies ekonomike është shkak për migrimin masiv që nuk e la pa prekur edhe komunën e Zhelinës.

Gashi tha se mungesa e zhvillimit ekonomik nuk është spontane, as e vetvetishme, por është e nxitur, dhe e sponsorizuar nga dikush.

“Ne jemi të varfër sepse disa politikanë kanë dashur të jenë të pasur. Ne nuk kemi punë sepse politikanët kanë dashur që nipat e tyre të jenë milioner. Tek ne ikin njerëzit në gurbet duke i lënë familjet e pikëlluara sepse disa politikanë kanë dashur të jenë pronarë të qendrave tregtare të kazinove edhe bastoreve. Prandaj duke e ditur se fajtori i varfërisë sonë ka emër, këto zgjedhje janë mundësi që ai emër të ndëshkohet, ndërsa kjo bëhet më së miri duke e rrethuar numrin gjashtë të këto zgjedhje”, tha Gashi, duke shtuar se patriotizmi në këto zgjedhje është oferta ekonomike.

Gashi mes tjerash tha se ne gjendemi para një udhëkryqi që do ta përcaktojë të ardhmen tonë.
“Në këto zgjedhje si kur më parë dhe si kur më shumë ja VLEN të votohet sepse ka ofertë dhe sepse kur më parë fitorja nuk ka qenë më reale se sot”, tha Gashi.

Lideri i Lëvizjes BESA, Bilall Kasami, në tubimin në Zhelinë, ka thënë se me ardhjen e VLEN në Qeveri, komunat do të kenë mbështetje më të madhe për zhvillim si dhe autonimi të plotë të tyre.

“Ne në këto zgjedhje kemi dalë që të ofrojmë zhvillim ekonomik, të rrisim mirëqënien e qytetarëve që komunat tona ti bëjmë më të zhvilluara. Ne kemi dalë që në këto zgjedhje të ofrojmë një decentralizim të mirëfilltë dhe një autonomi të plotë për komunat tona, sepse ne treguam me Tetovën, me Zhelinën, me Gostivarin me Çairin e gjith andej, që kemi udhëheqës që dinë tu shërbejnë banorëve dhe qytetarëve të tyre”, ka deklaruar kryetari i Lëvizjes BESA, Bilall Kasami.

Ai ka theksuar se VLEN e kërkon besimin e qytetarëve që të mund të ketë më shumë decentralizim, më shumë autonomi lokale, që pushteti tu rikthehet qytetarëve, e që rinisë ti kthehet shpresa.

Kandidati për president nga radhët e koalicionit VLEN, Arben Taravari sonte në tubimin qëndror në Zhelinë premtoi se do t’i ulin kontributet për të punësuarit si dhe do t’i përkrahin ndërrmarjet e mesme.

“Ne do t’i ulim kontributet për të punësuarit, do t’i përkrahim ndërrmarrjet e mesme kurse për fermerët do të rrisimi subvencionet. Çiftet e reja do të marrin kredi më 0 % kamatë për blerjen e banesave. Qytetarë të nderuar, jeta e dinjitetshme kombëtare kthehet vetëm me VLEN. Për të rritur dinjitetin kombëtar nevojitet stabilitet e qendrueshmëri”, deklaroi Taravari.

Taravari më tej shtoi se koalicioni VLEN ka program edhe për në arenën ndërkombëtare.

Edhe në arenën ndërkombëtare kemi plane 8 pikëshe 9 pikëshe, shumë pikëshe por ama për zhvillim për integrim në Evropë. Për pëmirësimin e sistemit shëndetësor, arsimor dhe për mirëqenie ekonomike” shtoi Taravari.