Connect with us

Lajme

Ministri Aliu në konferencën me temën “Gruaja dhe digjitalizimi – tejkalimi i barrierave, hapja e mundësive për avancimin e barazisë gjinore”

Published

on

“Jemi të përkushtuar fuqishëm për aplikimin e transformimit digjital si  mundësi për të përfshirë numër më të madh të grave në sipërmarrjet, për të krijuar shërbime dhe kushte , që gratë të kenë të njëjtat mundësi si meshkujt; Theks i veçantë do t’i kushtohet lidershipit si faktor kyç në këto transformime, në drejtim të përfaqësimit të plotë dhe të barabartë të grave në të gjitha nivelet dhe në të gjitha fushat.”

Këtë, ndër të tjera, e theksoi ministri i Shoqërisë Informatike dhe Administratës Azir Aliu, në fjalimin e sotëm të hapjes së konferencës me temë “Gratë dhe digjitalizimi – tejkalimi i barrierave, hapja e mundësive për avancimin e barazisë gjinore”, organizuar nga agjencitë e Kombeve të Bashkuara UN Women dhe Programi për Zhvillim të Kombeve të Bashkuara (UNDP).

Ministri Aliu tha se mbetet përkushtimi për administratë publike profesionale dhe efikase, e mbështetur me digjitalizimin intensiv, struktura optimale dhe procese dhe teknika innovative.

Prandaj, përgatitja e Strategjisë Nacionale e TIK-ut

2023-2027 është në fazën përfundimtare, synimi i së cilës, ndër të tjera është arritja e mesatares së vendeve të BE-së në drejtim të zhvillimit të një shoqërie dhe ekonomie digjitale.

“Mbështetje koherente institucionale e procesit të digjitalizimit pritet të sigurohet me formimin e Agjencisë Digjitale e planifikuar në kuadër të procesit të riorganizimit të organeve të administratës shtetërore. Agjencia digjitale do të jetë shtytësi kryesor i proceseve të shtetit drejt një shoqërie digjitale dhe drejt një administrate që do të mbajë sistemet kryesore, të cilat do të kontribuojnë për një mjedis të qëndrueshëm digjital”, theksoi ministri Aliu.

Sipas tij, bazuar në të dhënat e publikuara vjetore në Raportet nga Regjistri i të punësuarve në sektorin publik, është e rëndësishme të theksohet se gjinia femrore është më e përfaqësuara në të gjitha institucionet, ndërsa në përqindje raporti është rreth 56% femra dhe 44% meshkuj.

Lidhur me aktivitetet e MSHIA, Aliu theksoi Sistemin për menaxhim me mësim, përmes së cilës të punoësuarit në institucione mund të ndjekin  e-trajnime në çdo kohë, pastaj krijimi i dy moduleve të mësimit elektronik (atë bazë dhe të avancuar) që synojnë të forcojnë njohuritë e të punësuarve në administratë për çështjet në fushën e barazisë gjinore – në bashkëpunim me Ministrinë e Punës dhe Politikës Sociale me mbështetjen e UN Women, si dhe bashkëpunimin me Ministrinë e Arsimit dhe Shkencës në drejtim të nxitjes dhe mbështetjes së vajzave për t’u regjistruar në fakultetet e elektroteknikës dhe teknologjisë së informacionit.

Ministri poashtu falënderoi edhe Zyrën e UN Women, e cila kontribuoi në procesin e përgatitjes së tekstit të Strategjisë së RAP-it (2023-2030), duke propozuar aktivitete me qëllim të sigurimit të senzitivitetit gjinor të së njëjtës.

Continue Reading

Lajme

“Dënimet për pedofilët u ulën kur Besa, Alternativa dhe Mexhiti ishin në Qeveri”, kështu Lloga i demanton akuzat e opozitës

Published

on

Ministri i Drejtësisë, Krenar Lloga në Facebook ka demantuar akuzat e opozitës, ku thuhet se Kodi i ri Penal do t’i dënojë më pak personat që abuzojnë seksualisht me fëmijët nën moshën 14 vjeçare. Sipas Llogës, ligji në fjalë është propozuar në 2021 kur në Qeveri ka qenë Lëvizja Besa me Izet Mexhitin dhe ka vazhduar përsëri me Izet Mexhitin dhe me Alternativën përsëri në Qeveri 2022/2023 dhe është votuar në Kuvend në kohën kur ai nuk ka udhëheqë me Ministrinë e Drejtësisë, përcjell Nistori.

“Ligji në fjalë është propozuar në 2021 kur në Qeveri ka qenë Levizja Besa me Izet Mexhitin dhe ka vazhduar përsëri me Izet Mexhitin dhe me Alternativën përsëri në Qeveri 2022/2023 dhe është votuar në Kuvend në kohën kur unë nuk kam udhëheq me Ministrinë e Drejtësisë. Në lexim të parë arritëm të gjejm materialet se kanë votuar PËR: Izet Mexhiti, Kastriot Rexhepi, Fadil Zendeli, Hysni Ismaili etj. Me përgjegjsin me të lartë morale, penale dhe materiale demantoj pretendimet e juaja dhe se gjysëm e verteta nuk i bën nder askujt, përkundrazi dëmton të vërtetën”, shkruan Lloga.

Ndër të tjera, ai shton se ngritja e këtyre temave nga amatorë partiakë në studio televizive pa marrë qëndrime të ekspertëve të fushës jo vetëm se e dëmton kauzën dhe luftën kundër pedofilisë, por i sjellë huti dhe pasiguri opinionit të gjërë.

Continue Reading

Lajme

Reagon sërish Taravari: Qeveria e Serbisë duhet të dënohet për sjelljet kriminale

Published

on

Kryetari i Aleancës për Shqiptarët (ASH), Arben Taravari, me një postim në rrjetin social Facebook ka reaguar për të dytën herë për ngjarjet e ndodhura ditën e djeshme në Veri të Kosovës, ku një grup i armatosur serb i mori jetën efektivit Afrim Bunjaku dhe la të plagosur një tjetër polic.

Taravari shprehet se Kosova nuk mund të jetë një Ukrainë e dytë, sepse një Ukrainë e dytë përkthehet në Luftën e Tretë Botërore. Ai kërkon të ndërrohen negociatorët mes Kosovës dhe Serbisë, të cilët, shton ai, do të mbanin një qëndrim të drejtë që nënkupton ndëshkim të qeverisë serbe për të gjitha sjelljet kriminale që ka bërë deri tani!

“Serbia vazhdon përpjekjet e saj për të ndezur luftën në Kosovë dhe më gjerë. Evropa diplomatike vazhdon dhe i zvogëlon këto sulme ushtarake në “banda” dhe raste të izoluara. Kosova nuk mund të jetë një Ukrainë e dytë, sepse një Ukrainë e dytë përkthehet në Luftën e Tretë Botërore. Që kjo mos të ndodhë duhet ndaluar urgjentisht Serbia në strategjinë e saj pushtuese dhe kriminale! Mjaft më me takime diplomatike që janë benzinë që po shton zjarrin. Ka ardhur koha të ndërrohen negociatorët dhe të mbahet qëndrim i drejtë ndaj të të dy palëve! Qëndrim i drejtë domethënë dënim, ndalim dhe ndëshkim i qeverisë serbe për të gjitha sjelljet kriminale që ka bërë deri tani! Është i domosdoshëm ndalimi i Serbisë në veprimet e saj. Çdo vonesë mund t’i kushtojë botës shumë më shumë”, shkruan i pari i ASH-së.

Ndërkohë ditën e djeshme, pak orë pas ngjarjes, Taravari dënoi me ashpërsi sulmin e kryer ndaj policisë së shtetit të Kosovës nga i cili mbeti i vrarë një efektiv policie dhe një tjetër mbet i plagosur.

“Tani që shkruaj këto rreshta aty ende vazhdojnë të shtënat nga persona të maskuar dhe gjuajtës profesionistë. Ky është një rast alarmant, dramatik dhe kërkoj reagim urgjent nga faktori ndërkombëtar! Duhet Vepruar Tani!”, shprehej Taravari.

Ngjarja e rëndë që riktheu ethet e luftës në Kosovë ndodhi rreth orës 3 të mëngjesit të së dielës në fshatin Banjska të Zveçanit, ku policia e Kosovës u sulmua nga një grup i armatosur prej 30 personash, të veshur me uniforma ushtarake dhe të armatosur me armë të rënda.

Një operacion i Forcave Speciale të Kosovës për kapjen e autorëve e pasoi ngjarjen e rëndë, nga ku në total 3 serbë mbetën të vrarë gjatë shkëmbimit të zjarrit dhe 6 janë arrestuar.
https://www.facebook.com/1265185232/posts/pfbid0QFkcAYwXDAUaSc8ZoxqXW16StAoUKpP1DMgtjmNRFje347Ue9PUHSoyFdutUFS2Wl/?mibextid=cr9u03

Continue Reading

Lajme

Taravari: Dënoj me ashpërsi sulmin e kryer ndaj policisë së shtetit të Kosovës

Published

on

Lideri i Aleancës për Shqiptarët, Arben Taravari e ka dënuar me ashpërsi sulmin e kryer ndaj policisë së shtetit të Kosovës nga i cili ka mbetur i vrarë një policë.

“Dënoj me ashpërsi sulmin e kryer ndaj policisë së shtetit të Kosovës nga i cili ka mbetur i vrarë një oficer policie dhe një tjetër ka mbetur i plagosur. Tani që shkruaj këto rreshta aty ende vazhdojnë të shtënat nga persona të maskuar dhe gjuajtës profesionistë.
Ky është një rast alarmant, dramatik dhe kërkoj reagim urgjent nga faktori ndërkombëtar!
Duhet Vepruar Tani!”, ka shkruar Taravari.

Continue Reading

TOP Lajme