Connect with us

Lajme

Mickoski i bie pishman, tërheq përkrahjen për ndryshimet kushtetuese, mendon vetëm për zgjedhje të parakohshme!

Published

on

Kryetari i opozitares maqedonase VMRO-DPMNE, Hristijan Mickoski ka vendosur dyshime edhe në deklaratën e kancelarit gjerman Olaf Scholz për garancën që i dha Maqedonisë së Veriut se nuk ka sfida të tjera përveç ndryshimeve kushtetuese.

Mickoski në Kanal 5 theksoi se fjalë të tilla të mira dhe hijeshi të tilla kemi parë për më shumë se dy dekada që kur rruga jonë drejt BE-së filloi me nënshkrimin e Marrëveshjes së Stabilizim Asociimit, ose më shumë se tre dekada që kur u bëmë shtet i pavarur, por gjithmonë nga ne kërkojnë lëshime.

Mickoski tha se për t’u bindur qytetarët e Maqedonisë në ato fjalë të bukura nga BE-ja, në takimin e ardhshëm të Këshillit Evropian le të dalin në një përfundim të ri në të cilin do të nisen nga draft-versioni punues i kornizës negociuese. , sepse ende nuk është paraqitur, pjesa ku është marrëveshja dypalëshe me Sofjen.

Ai tha se katër javë i dhanë mundësi qeverisë të zgjedhë një nga propozimet e tij por shtoi se nga sot kjo nuk vlen, zgjidhja janë vetëm zgjedhjet.

“Dy opsionet që i ofrova në mbledhjen e lidershipit ishin në tavolinë deri në këtë moment, deri në këtë emision ende nuk kam dëgjuar përgjigje nga Kovaçevski se cilin nga dy opsionet e pranon, qoftë të parin (Ndryshimet kushtetuese) me efekt të vonuar, pra të shohim, ose e dyta – zgjedhje të parakohshme parlamentare. Nga sot është vetëm një opsion në tavolinë, e ai janë zgjedhjet e parakohshme parlamentare”, tha Mickoski në Kanal 5.

Për negociatat me BE-në, Mickoski tha se sipas tij vendi nuk po negocion, madje jemi shumë larg negociatave.

Continue Reading

Lajme

Ilire Dauti kapet në mashtrim të rëndë, Snopçe ia kujton se votoi rendin e ditës për Branitellat (Video)

Published

on

By

Koordinatori i grupit parlamentar dhe deputeti i koalicionit VLEN, Halil Snopçe gjatë debatit në komisionin për çështje të zgjedhjeve dhe emërimeve në Kuvendin e Maqedonisë së Veriut ia ka kujtuar me fakte deputetes Ilire Dauti nga grupacioni i Ziadin Selës pjesë e koalicionit opozitar Fronti Evropian votimin e rendit të ditës në seancën e 143 të kuvendit për Ligjin për Branitellat e cila mashton opinionin me listingun fallco.

Snopçe thekson se depuetja Ilire Dauti mashtron, Snopçe ia kujton me fakte se në seancën e 143 ka votuar rendin e ditës për Ligjin për Branitellat, është e njejta seancë ku u votua shkarkimi i ish-ministrave Azir Aliu dhe Fatmir Mexhiti, ku deputetja Ilire Dauti ishte palë me BDI-në dhe kundër Aleancës për Shqiptarët.

VIDEO

Continue Reading

Lajme

Grubi, Bajrami, Rustemi dhe Bekteshi zyrtarët e parë të BDI-së që pritet të dalin para organeve të drejtësisë?!

Published

on

By

Artan Grubi, ish zv.kryeministër i parë, Përparim Bajrami, ish drejtor i Lotarisë së Maqedonisë së Veriut i cili ka qenë nën kontrollë të plotë të këtij të parit, jo zyratisht pritet të ju inicohet procedurë penale dhe të arrestohen për keqpërdorime të shumta që kanë bërë me Lotarinë.

Përpos këtyre dy ish funksionatëve, nga radhët e BDI-së pritet organet e hetuesisë të inicojnë procedurë edhe ndaj ish drejtorit në Ndërmarrjen Publike Rrugët Shtetërore Ejup Rustemi, si dhe ndaj ish ministritë të Ekonomisë, Kreshnik Bekteshi. Për të parinë tashmë Qeveria e re ka grumbulluar një sërë faktesh për keqpërdorime me fondet publike dhe keqpërdorim të tenderëve. Bekteshi dyshohet për dhënie të koncensionve të dyshimta për njerëzit dhe kompanitë e afërta me BDI-në.

Se BDI ka nevojë për mbrojtës të mirë juridik, sot i paralajmëroi edhe kryetari i ASH-së dhe Ministri i Shëndetësisë, Arben Taravari si pjesë e koalicionit VLEN në Qeveri.

“BDI-ja kishte një reagim ku qau hallin pse në Ministri të Shëndetësisë është eleminuar pozita e Drejtorit Ekonomik. Një pozitë krejt e panevojshme me të cilën BDI-ja kishte “qerasur” njerëzit e saj. Pra, BDI-ja qortoi Qeverinë që kursen paratë e qytetarëve dhe po këput lidhjet korruptive të ndërtuara nga BDI-ja. Kjo parti ka nevojë për dy gjëra:
1. Një ekip të mirë avokatësh që të mbrojë veten nga akuzat që po i përgatit,; 2. ⁠të kuptojë se të paktën tani që është në Opozitë, duhet të ndryshojë mentalitetin e saj korruptiv”, shkruan Taravari në një status në rrjetet sociale.

Continue Reading

Lajme

VLEN emëron pesë profesorë universitar për zv/ministra

Published

on

By

Nga gjithsej 7 zv. ministra të cilët vijnë nga radhët e Koalicionit VLEN, pesë nga këta janë nga bota akademike, profesorë universitarë.

Flakron Bexheti, doktor shkence do të jetë zv/ministër i Bujqësisë, Kaltrina Zekolli, doktor shkence do të jetë zv/ministre e Transportit, Lulzim Aliu, doktor shkence do të jetë zv/ministër i Arsimit, Astrit Iseni, doktor shkence është caktuar të jetë zv/ministër në MPB, si dhe Safije Sadiki Shaini zv/ministre e Sportit, është doktorante dhe ligjëruese në universitet.
Sedat Sulejmani është emëruar zv/ministër i Kulturës, ndërsa Elfete Ismaili është emëruar zv/ministre e Mbrojtjes, të dy profesionistë të shquar.

Flakron Bexheti është ligjërues në Universitetin “Nënë Tereza”, njëjtë Kaltrina Zekolli dhe Safije Sadiki Shaini. Astrit Iseni është ligjërues në Universitetin e Tetovës “Fadil Sulejmani” dhe Lulzim Aliu i cili ligjëron në Universitetin “Kirili dhe Metodi”.

Continue Reading

TOP Lajme