Arben Tarqavari, mysafir në 360 shkallë ka ngritur shqetësimin që sipas tij BDI ka ndikim te Kushtetuesja e cila po shkakton tensione ndëretnike. Pra, gjithë kjo katrahurë e krijuar ditëve të fundit sipas Taravarit është këngë që dirigjohet nga orkestra e partisë opozitare shqiptare, BDI.

“Gjykata Kushtetuese për 100 ditë ka shkaktuar tensione ndëretnike me Balancuesin dhe ligjin për gjuhët. Dhe këtu BDI ndikim të qartë. Për shembull, Sali Murat i Frontit Evropian që është deputet tani, ka qenë kryetar i Gjykatës Kushtetuese dhe ky person nuk ka as parti, dhe nuk është as anëtarë në ndonjë parti, por ka qenë drejtpërdrejt i propozuar nga Ahmeti për deputet. Dhe ishte çudi pse pikërisht tani këto çështje i nxorën nga sirtarët. Duhet të jesh mendjelehtë të mendosh se Gjykata Kushtetuese pikërisht tani i nxjerr këto çështje në rend dite. Dhe etnikisht u ndanë edhe gjykatësit kushtetues, dhe disa publikisht thonë se nuk është në rregull që të mbivotohemi për këto çështje senzitive të shtetit”, tha Taravari.

Pra, çdo tension i mundshëm dihet nga e ka prejardhjen, sepse gjendja stabile nuk u shkon përshtati partive opozitare, e aq më pak atyre që për një kohë të gjatë kanë qeverisur me vendin. Por, pushteti nëse nuk fitohet me instrumentin e demokracisë, zgjedhjeve, nuk duhet të provohet asesi të përfitohet përmes tensioneve sepse as nuk munden e as nuk është metodë e duhur që qytetarët të jenë eksperimente për përfitime të ulëta partiake.

Nga Aleanca për Shqiptarët, krahu i Arben Tarvarit, thonë se Ziadin Sela është në panik pasi ka pas kthimit në rigjykim të lëndës mbi atë se kujt i takon partia, respektivisht ASH-ja, Ziadin Sela përmes avokatëve të tij, nuk është paraqiur në seancë e cila është dashur të mbahet të premten e kësaj jave. Nga ASH-Taravari thonë se ASH-Sela po shkon drejt shkrirjes në BDI.

“Sela në panik, urdhëroi avokatët e tij të mos paraqiten në seancë gjyqësore. Përmes një letre dërguar nga avokatët, pa shumë arsyetime, kanë theksuar se nuk mund të marrin pjesë në seancë dhe e njejta është shtyrë për me datë 11.11.2024, apo vetëm një ditë pas Kongesit të caktuar të partisë nga kryetari Arben Taravari. Me këtë veprim Ziadin Sela dhe grupit të tij i vogël që do dëshmojnë edhe një herë se po shkojnë drejtë shkrirjes në BDI, por deri në pafundësi nuk do të mund të ikin nga përballja me drejtësinë. Aleanca për Shqiptarët është më shumë se interesi i një grupacioni të vogël, prandaj ajo do mbrohet nga ata që ju takon, Arben Taravari së bashku me anëtarësinë e vërtetë. Ata që duanë shkatërrimin e saj, do t’u bëhet gjyqi nga populli, i cili edhe ashtu është larguar nga ata. Me ikjen nga ballafaqimi me drejtësinë, Sela edhe një herë dëshmon atë që ka theksuar disa herë kryetari legjitim i ASH-së, Arben Taravari se ata luten partia mos ju takoj atyre dhe ti bashkëngjiten BDI-së te e cila e kërkojnë shpëtimin nga përgjegjësia, duke harruar se në bankat e drejtësisë shpejtë do të ulen të gjithë pa përjashtim”, thuhet në reagimin e ASH-Taravari.

Zëvendësministri i Bujqësisë, Flakron Bexheti, mori pjesë në manifestimin tradicional “Dita e Patates së Vices”, një ngjarje që promovon një prej produkteve më të njohura dhe tradicionale të fshatit Vicë të Tetovës. Patatja e Vices është një produkt i njohur jo vetëm në rajon, por edhe përtej, duke qenë një simbol i traditës bujqësore të zonës së Malësisë së Sharrit në Tetovë.

Gjatë fjalimit të tij, Bexheti premtoi investime kapitale në bujqësi për Malësinë e Tetovës, me synimin për të forcuar ekonominë rurale dhe për të rritur kapacitetet prodhuese të fshatarëve të zonës. Ai theksoi se një nga prioritetet e tij do të jetë ribrendimi i produkteve tradicionale bujqësore të zonës, si patatja dhe produktet e tjera karakteristike, për t’i sjellë ato në tregje më të gjera dhe për të rritur konkurrencën e tyre në tregje të ndryshme.

“Ne do të investojmë në teknologji moderne dhe në ndihmën për bujqit e Malësisë së Tetovës, për të siguruar që produktet e tyre të kenë vlerë të shtuar dhe të jenë të konkurrueshme në treg. Produktet tradicionale si patatja e Vices kanë një potencial të madh dhe me mbështetje të duhur, ato do të shndërrohen në një burim të rëndësishëm për zhvillimin ekonomik të zonës,” tha Bexheti.

Ai gjithashtu theksoi rëndësinë e përfshirjes së rinisë në sektorin bujqësor, duke premtuar mbështetje për të rinjtë që duan të investojnë dhe të punojnë në këtë fushë, duke krijuar mundësi për zhvillim të qëndrueshëm ekonomik në zonat rurale.