Vazhdimi i procesit të pajtimit mes një pjese të maqedonasve dhe një pjese të shqiptarëve në Maqedoni, dënimi i përbashkët i brohoritjeve “UÇK-UÇK” dhe “Shqipërisë së Madhe”, është konstatuar në takimin e sotëm mes ushtruesit të detyrës së drejtorit të QMK-së Sojançe Angellov dhe zëvendësdrejtori Ekrem Zendeli me kryetarin e Bashkësisë Fetare Islame, Reisul Ulema H. Hfz. Shaqir ef. Fetai, në Shkup, shkruante Shillomagazin.mk, para tre vitesh, gjegjësisht me 02.02.2021.

Aangellov, në atë takim kishte shprehur kënaqësinë e tij për komunikimin e vendosur të drejtpërdrejtë dhe mirëkuptimin e madh të përbashkët dhe përpjekjet për një të ardhme produktive dhe paqësore të shtetit, e cila ndërlidhet me udhëheqjen e përgjithshme shtetërore, duke theksuar disa gjëra të rëndësishme për të cilat, siç u pajtuan të tre bashkëbiseduesit, janë në interes të të gjithë qytetarëve dhe aktivitete të tilla nuk duhet të ndalen.

“Vazhdimi i procesit të pajtimit mes një pjese të maqedonasve dhe një pjese të shqiptarëve në Maqedoni. Zhdukja e dhunës ndëretnike tek të rinjtë, që në jetën e përditshme në rrugë të mos bien pas thirrjeve ndëretnike të urrejtjes, të cilat janë të këqija për të gjithë qytetarët në vend. Dënimi i përbashkët i radikalizmit dhe nacionalizmit, siç është thirrja e fundit e “UÇK-UÇK” dhe “Shqipërisë së Madhe” në çdo tubim, protestë apo ngjarje, pasi çorienton drejtpërdrejt vëmendjen nga qëllimi i ngjarjes, protesta dhe ushqen urrejtje etnike, dhe natyrisht puna e vazhdueshme në vlerësimin e rreziqeve të sigurisë, të cilat janë gjithashtu pjesë e punës së QMK-së, në bashkëpunim me të gjitha palët relevante në shoqëri dhe në sistemin e menaxhimit të krizave”, kishte deklaruar Angellov.

Nga ata tjetër, Reisi, ishte shprehur në atë takim i kënaqur për bashkëpunimin e mirë që kanë pasur me të gjithë përfaqësuesit zyrtarë të shtetit, tani edhe me Qendrën e Menaxhimit të Krizave. Ai theksoi se çdo radikalizëm është i dëmshëm si për besimin ashtu edhe për shtetin dhe se është e nevojshme që me përpjekje të përbashkëta të përpiqemi për paqen dhe bashkëjetesën, e veçanërisht të zbatojmë aktivitete në drejtim të mosdhënies së legjitimitet grupeve radikale. Ai theksoi se: “Njeriu i mirë është njeri i mirë, pavarësisht nga feja dhe kombi i tij”.

Në vijim linku nga takimi:

Стојанче Ангелов и реисот Шаќир Фетаи го осудија скандирањето „УЧК, УЧК“

Përfaqësuesi i autorizuar i koalicionit “VLEN”, mbrëmë ka paraqitur padi në Gjykatën Administrative kundër vendimit të Komisionit Shtetëror të Zgjedhjeve, i cili e ka refuzuar kundërshtimin e tyre për anulimin e votimit në një vendvotim në Likovë.

Gjykata Administrative njoftoi se është formuar lëndë pas padisë së kandidatit për president Arben Taravari dhe seanca publike do të mbahet pasdite.

Sipas Kodit Zgjedhor, padia shqyrtohet brenda 48 orëve nga dorëzimi. Vendimi i Gjykatës Administrative është përfundimtar.

Komisioni Shtetëror Zgjedhor njoftoi se rezultatet përfundimtare zyrtare të raundit të parë të zgjedhjeve presidenciale do të shpallen menjëherë ose më së voni brenda 24 orëve pas përfundimit të gjithë procedurës.

Përmes një postimi në facebook ka reaguar përfaqësuesi i Lëvizjes Vetëvendosje Arbër Zaimi lidhur me ngjarjet politike në Maqedoninë e Veriut.
Nëmes tjerash ai shprehet kështu:

“Partitë etnike maqedone kurrë nuk e kanë mbajtur pushtetin më gjatë se dy mandate. I vetmi përjashtim Gruevski, i cili mandatin e tretë e la në gjysmë prej protestave.

Te shqiptarët, partia BDI ka pesë mandate në pushtet, dhe po kërkon me çdo kusht të gjashtin.

Mjafton të shkosh nga lagjet e fshatrave e qyteteve shqiptare deri te ato të maqedonëve, për të parë se cilës prej dy bashkësive të mëdha etnike po u shërben më mirë dhe ku ka investuar më shumë para qeveria.”