Mbrojtja e kryetarit të Komunës së Strugës, Ramiz merko sot në Gjykatën themelore në Strugë duhet të japë fjalë përmbyllëse për katër lëndët e bashkuara të cilat zhvillohen kundër tij për emërim të pçaligjshëm të drejtorëve në shkollat fillore “Goce Dellçev” në Podgorcë (dy lëndë), “Murat Llabinishti” në Llabunishtë dhe “Ashim Agushi” në Ladorishtë.

Gjykatësi Jordan Jovanov, në seancën e kaluar informoi se duke pasur parasysh atë se bëhet fjalë për katër lëndë të bashkuara në një, mbrojtja ka kërkuar kohë shtesë për t’i përgatitur fjalët përmbyllëse.

Në seancën e kaluar përfundoi procedura dëshmuese. Në dështminë para Gjykatës, merko tha se nuk ka bërë asgjë të gabuar lidhur me emërimin e drejtorëve në shkolla fillore, përkatësisht se ai vetëm ka nënshkruar atë që e kanë përgatitur shërbimet. Por, theksoi se nëse e ka shkelur ligjin do t’i ishin marrë ingerencat nga Ministria e Arsimit dhe Shkencës, duke nënvizuar se kjo nuk ka ndodhur.

Ai pohonte se ish-ministri i Arsimit dhe Shkencës, Jeton Shakiri ka qenë i njoftuar me gjendjen dhe i ka dhënë sqarime se ekzistojnë kushte ligjore për t’u emëruar u.d. drejtor një person i cili nuk vjen nga radhët e të punësuarve në institucion nëse në konkurs, asnjëri nga shkolla nuk ka parashtruar kandidaturë për drejtor dhe se për atë ka ekzistuar qëndrim i vendosur nga Ministria për Shoqëri Informatike dhe Administratë.

Thjeksoi se disa herë Shakiri i ka propozuar njerëzit të cilët janë emëruar në funksion, duke përkujtuar se edhe drejtorët kanë thënë se nuk kanë pasur takim me kryetarin e Komunës, por ishin emëruar nga ministri.

Sipas tij, si ka qenë e mundur të akuzohet për gjoja vepra të kryera penale pa u akuzuar ministri i Arsimit në kushte kur kompetencat u janë caktuar në nen të njejtë të ligjit. Duke shtuar se në fillim të vitit shkollor 2024/25 kur ministrja e Arsimit dhe Shkencës, Vesna Janevska i ka marrë ingerencat për shkollat fillore në Drasllajcë dhe Podgorcë ishin emëruar u.d. drejtorë, të cilët nuk i përmbushin kushtet.

Theksoi edhe se të gjithë drejtorët e vendosur në mënyrë të ndershme, të përgjegjshme dhe ndërgjegjshme e kan ë kryer funksionin dhe se nga dëshmia e inspektorëve më së shumti që ka kryer kryetari i komunës – ka qenë kundërvajtje, dhe jo vepër penale.

Kundër Merkos po zhvillohet edhe një lëndë e ndarë për shkollën “Vëllezërit Milladinovi” në Strugë.

Kundër Merkos në rrjedhë janë procese gjyqësore edhe për akuza të tjera për punë të pandërgjegjshme në shërbim, ndërsa Gjykata e Strugës dje solli aktvendim lirues për furnizimin e automjetit luksoz “Audi” në vlerë prej 67.000 eruove. Ai ndodhet edhe më “listën e zezë” të Shteteve të Bashkuara të Amerikës (SHBA), për shkak të përzierjes në korrupsion.