Pas Kupës pionerët e rinjë të Shkëndijës kanë siguruar edhe titullin e kampionit, duke konfirmuar dominimin në kategorinë e tyre.

Shkëndija U16 shpallet kampione e Maqedonisë së Veriut në gjeneratën U16 në Super Ligën vendit një xhiro para përfundimit të sezonit. Kuqezinjtë e rinjë sot në kuadër të xhiros së 21-të shënuan fitore 5:1 përballë Kull-Zdravje, duke siguruar edhe matematikisht titullin e kampionit. Takimi i zhvilluar në Tetovë nisi furishëm nga djemtë e drejtuar nga trajneri, Taxhedin Kasami, kur pas 9-të minutave lojë rezultati ishte 3:0 (shënuan Erand Ziba 5‘, Edis Bajrami 7‘, Albion Jashari 9‘). Në fund të pjesës së parë Gerti Arifi (40’) shënoi për 4:0, ndërsa në fillim të pjesës së dytë (46’) në skenë doli Hisar Ali që me çoi rezultatin në 5:0, para se Gazmend Lamallari të realizojë për ekipin mysafir (54‘) për rezultat përfundimtar 5:1.

Me këtë fitore Shkëndija U16 shkon në kuotën e 44 pikëve, 5 më shumë se Makedonija Gj.P. e vendit të dytë, duke krijuar diferencë të paarritshme kur ka mbetur edhe një xhiro deri në fund të sezonit.

Shkëndija U16 ka efekt prej 14 fitoreve, 2 barazimeve dhe 5 humbjeve në 21 xhiro të luajtura, ndërsa kemi sulmin më të mirë në ligë me 54 realizime, derisa janë pranuar 25 gola. Albion Muslii me 14 gola të shënuar është golashënuesi më i mirë i ekipit, ndërsa ndiqet nga Albion Jashari dhe Isa Caneski me nga 9 realizime.

Skuadra e drejtuar nga Taxhedin Kasami sezonin e mbyll të mërkurën (31.05.2023) kur në Kumanovë përballë Milanos do të pranojnë edhe trofeun për titullin e kampionit. Kujtojmë se kjo gjeneratë e Shkëndijës triumfoi edhe në garën e Kupës, kur mundi në finale me rezultat 3:2 Bregallnicën e Shtipit.

Kryetari i Aleancës për Shqiptarët, Arben Taravari ka deklaruar se partia e tij si pjesë e Qeverisë angazhohet që 20% të hiqet nga Kushtetuta. Sipas tij, propozimi aktual i Qeverisë nuk përfshin heqjen e përcaktimit 20%, por siç thotë ai “do të bëjmë çmos që ajo të hiqet nga Kushtetua”.

“Qeveria ka të drejtë në çdo kohë ta ndryshon dhe të sjell tjetër propozim në Kuvend”, ka deklaruar Taravari.

Sipas informacioneve , propozimi i Qeverisë aktualisht ndodhet në Sekretariatin për legjislacion, ndërsa si version përfundimtar pritet të publikohet javën që vjen. /Alsat.mk

Zëvendës drejtori i Drejtorisë së të Ardhurave Publike, Tahir Bexheti mori pjesë në Samitin e Guvernatorëve të Bankave Kombëtare, Ministrave të Financave dhe Drejtorëve të Administratave Tatimore nga rajoni, i cili u mbajt më 29 dhe 30 maj 2023 në Beçiqi, Malit të Zi, Tema “Stabiliteti financiar dhe monetar i rajonit në kohë të pasigurta të krizës së zgjatur gjeopolitike dhe ekonomike”, përcjell SmartNews.
Në panelin e titulluar ” Reforma dhe modernizimi i organeve tatimore – qëllimi, shtrirja dhe kufijtë “, zëvendës drejtori tha se në administratën tatimore të Maqedonisë po punohet në rritjen e intensitetit të digjitalizimit të proceseve të punës, përcaktimin e prioriteteve që duhet të kontribuojnë për zbulimin e shpejtë të ekonomisë gri, aktiviteteve nxitëse për forrmalizimin e saj, ndërgjegjësimin për ekonominë gri dhe moralin tatimor, shërbime efikase të inspektimit dhe masat ndëshkuese, si dhe përmirësimin e normave ligjore.
Bexheti theksoi se ” Digjitalizimi global ” ka imponuar nevojën për zhvillim të përshpejtuartë shërbimeve digjitale që duhet të jenë të thjeshta dhe do të lehtësojnë aksesin në shërbimet tatimore dhe të administratës publike në përgjithësi”. Nëpërmjet platformave dhe mjeteve digjitale është shumë më e lehtë ngritja e vetëdijes së tatimpaguesve për domosdoshmërinë dhe detyrimin e pagesës në kohë të detyrimeve, rritjen e besimit dhe rrjedhimisht respektimin vullnetar të rregulloreve tatimore”.
Përfaqësuesit e administratave tatimore nga rajoni ranë dakord së bashku se bashkëpunimi rajonal më intensiv do të kontribuojë në një shkëmbim proaktiv të informacionit dhe përvojave, si dhe në një luftë të përbashkët më produktive kundër mashtrimit dhe evazionit fiskal.

Në Samitin e Ministrave të Financave, Guvernatorëve të Bankave Popullore dhe Drejtorëve të Administratave Tatimore, morën pjesë ekspertë të shumtë nga Serbia, Mali i Zi, Shqipëria, BeH, Kroacia, Kosova dhe Sllovenia, si dhe përfaqësues nga Banka Evropiane e Investimeve (EIB), FMN, Bankat komerciale, kompanitë e sigurimeve dhe kompanitë më të mëdha në rajon.
Samiti mbahet për të dhjetin vit radhazi dhe organizohet nga Shoqata e Ekonomistëve të Serbisë me të përjavshmen e Beogradit NIN si partner kryesor mediatik.
Ndryshe vlen të theksohet se për herë të parë në një samit merr pjesë një zv. Drejtor shqiptarë./SmartNews/