Connect with us

Lajme

Lloga: Nga e hëna do të mundësohet marrja e certifikatave të lindjes – A do rikthehet përkatësia etnike?

Published

on

 

Ministri i Drejtësisë, Krenar Lloga, beson se qytetarët nga e hëna do të mund të nxjerrin certifikatat e lindjes nga regjistrat qendrorë, përcjell FLAKA.

Sipas tij, drejtorit të Drejtorisë për Librat Amëz i është thënë që të gjitha deklaratat t’u jepen qytetarëve sipas udhëzimeve të vjetra.

“Gjykata Kushtetuese duhet të thoshte në vendim deri në zgjidhjen e mosmarrëveshjes se cilat janë hapat e tyre, që të mos mbetet ky boshllëk në sistem. Drejtorit të Drejtorisë për Librat Amëz i është thënë që të gjitha deklaratat sipas udhëzimeve të vjetra t’u jepen qytetarëve. Nuk e di kush po e ndal punën, kanë kërkuar mendimin e Gjykatës Kushtetuese dhe autoriteteve të tjera. Besoj se nga e hëna do të mund të merret cerifikata e lindjes nga Librat amzë”, tha Lloga e sonte në intervistë për Tv Sitel.

Sipas tij, nuk ka asnjë konflikt mes Ministrisë së Drejtësisë dhe Gjykatës Kushtetuese.

“Gjykata Kushtetuese ka nxjerrë jashtë funksioni vendimin e Ministrisë. Ne e respektojmë atë vendim dhe Gjykata Kushtetuese ka mbështetjen tonë për të gjitha vendimet e mëvonshme. Ky nuk është një konflikt me Gjykatën Kushtetuese, por zhvillim i demokracisë. Kjo është e rrallë në rajon, komunikimi është në nivel dhe ne e pranuam dhe mirëpritëm iniciativën e tyre. Gjykata Kushtetuese miratoi një masë të përkohshme ditën që unë isha i pranishëm atje dhe kur ndamë me ju gazetat zyrtare se Gjykata Kushtetuese nuk ka hyrë në çështjen e aktit, por vetëm në pjesën formale dhe se nuk është respektuar afati kushtetues. Dhe pastaj thashë se ka pasur një gabim dhe se do ta tërheq udhëzimin, si dhe do të ketë një të ri, sipas Kushtetutës – shtatë ditë nga dita e nënshkrimit deri në ditën e publikimit”, shpjegoi Lloga.

Ai pohon se iniciativa e Ministrisë për shënimin e etnisë në certifikata nuk është antikushtetuese. Ai ka treguar edhe akte të cilat, siç tha ai, janë të bazuara në Ligjin për librat amzë të vitit 1995. Rubrika për etninë, vuri në dukje ai, është keqpërdorur, veçanërisht në punësimin.

“Në pjesën më të madhe, etnia abuzohet gjatë punësimit. Unë jam këtu për të mbrojtur fillimisht qytetarin maqedonas, sepse nëse nuk ka parti apo zyrtar të lartë, ai nuk mund të punësohet. Kjo rubrikë keqpërdoret që persona të caktuar të hyjnë në punë”, theksoi Lloga.

Ministri shpjegoi edhe pse ka pasur keqkuptime rreth nismës në opinion.

“E di pse kjo ngriti disa keqkuptime – sepse që në ditët e para të ashtuquajturat Shoqatat bullgare thanë se për 250 denarë do të mund të nxirrnin çfarëdo dokumenti që do të kërcënonte deri diku identitetin apo realitetin e përkatësisë etnike, por unë thashë se nëse ndonjë vend dëshiron të abuzojë me atë gjë, do të ndërpritet në të njëjtën ditë nga unë kjo gjë”, theksoi ministri.

Ai ka dorëzuar sot në Gjykatën Kushtetuese dhjetë Nisma në emër të Ministrisë së Drejtësisë dhe dhjetë në emrin e tij personal si qytetar për fillimin e procedurave për vlerësimin e kushtetutshmërisë së rregulloreve të publikuara në Gazetën Zyrtare në kundërshtim me nenin 52 të Kushtetutës. Gjykata Kushtetuese miratoi më parë një masë të përkohshme për të ndalur vendimin e ministrit të Drejtësisë Krenar Lloga për rubrikën kombësia në certifikatat e lindjes. FLAKA

Continue Reading

Lajme

Prestigjiozja franceze “Europe Elects”: Taravari fitues absolut i raundit të parë të zgjedhjeve presidenciale

Published

on

By

Organizata prestigjioze franceze e sondazheve të lidhura me zgjedhjet në vendet evropiane dhe më gjerë “Europe Elects” publikoi anketën e Qendrës për Kërkime Politike dhe Komunikim (CRPC) në bashkëpunim me Shoqatën për gazetari, informim, komunikim dhe shërbime të marketingut “Глас на вистината”e cila realizoj anketën e dytë në prag të zgjedhjeve Presidenciale 2024.

Të pyetur: Për cilin kandidat do të votojnë në zgjedhjet presidenciale, qytetarët janë përgjigjur me sa vijon:

Për kandidaten e VMRO DPMNE Gordana Siljanovska Davkova do të votonin 20,4% e të anketuarve, ndërsa për konkurrentin e saj kryesor, presidentin aktual Stevo Pendarovski nga LSDM-ja, 16,8% e të anketuarve do të jepnin votën e tyre.

Në bllokun politik shqiptar, Arben Taravari nga koalicioni “VLEN”, sipas sondazhit është para Bujar Osmanit nga Fronti Evropian i udhëhequr nga BDI.

Kështu që, për Taravarin do të votonin 7.9% e qytetarëve të anketuar, ndërsa për Osmanin 6.9% e të anketuarve.

Për Maksim Dimitrievskin nga ZNAM do të votonin 2,7% e të anketuarve, ndërsa për Biljana Vankovskën nga Levica 2,6% . Për kandidatin Stevço Jakimovski nga GROM do të votonin 1,2% e të anketuarve. Poashtu, 18.2% e qytetarëve nuk mbështesin asnjërin prej kandidatëve , ndërsa 23.2% nuk kanë dhënë asnjë përgjigje.

Anketa është realizuar përmes telefonit në periudhën prej 8 deri më 13 prill të këtij viti me 1210 të anketuar, të përzgjedhur sipas një metode të rastësishme.

Hulumtimi është realizuar në nivel të gjithë territorit të Republikës së Maqedonisë së Veriut , duke u kujdesur për kriteret si: përbërja etnike, numri i votuesve, dhe shpërndarja gjeografike.

Margjina e gabimit +/- 3,0%. Rezultatet e anketës së realizuar, së bashkë me analizën e të dhënave e gjeni në grafikën e mëposhtme dhe e njëjta është e disponueshme në platformën online të Qendrës për Kërkime Politike dhe Komunikim.

Continue Reading

Lajme

SKANDAL: Kryetari i Komisionit Komunal Bogovinë prezent në tubim të BDI-së

Published

on

By

Kryetari i komisionit komunal të Bogovinës, Elez Sinani nga Kamjani është parë në tubimin e BDI-së në Bogovinë.

Edhe pse pozita e tij sipas ligjit ndalohet pjesëmarrja në çfarëdollojë tubimi partiak

Ndrërkaq, prezenca e tijë në tubim partiak le dyshime mbi zhvillimin demokratik të procesit zgjedhor dhe zgjedhjeve të dyfishta që pritet të mbahen më 24 Prill dhe 8 Maj.

Sipas kësaj fotografie KSHZ-ja si organ i procesit zgjedhor duhet të reagoj dhe të garantojë zgjedhje të drejta dhe demokratike.

Continue Reading

Lajme

Bllokimi i autobusëve me shqiptarë nga Kosova në Serbi, Taravari: Si duket Ministri jonë i jashtëm e ka vështirë të flas keq kundër Beogradit

Published

on

By

Kandidati i VLEN-it, Arben Taravari ka reaguar pas informacioneve se dhjetra autobusë me shqiptarë nga Kosova janë bllokuar në Serbi.

Taravari shkruan se kjo është një shkelje e të drejtave njerëzore si dhe një arsye shtesë për të dalë nga Ballkani i Hapur.

“Lajmet e sotme tregojnë se dhjetëra autobusë me shqiptarë nga Kosova, janë bllokuar në Serbi. Si hakmarrje ndaj avancimit të Kosovës në Këshill të Evropës.
Ky mentalitet është i papranueshëm, dhe ky bllokim është shkelje e të drejtave njerëzore. Kjo është një arsye më shumë për të dalë nga Ballkani i Hapur.
Maqedonia e Veriut, si shtet i NATO-s dhe si shtet me popullsi të madhe shqiptare, duhet të bëjë thirrje për lirimin e autobusëve me udhëtarë dhe për garantimin e të drejtave njerëzore. Por si duket, ministri i jashtëm e ka vështirë të flasë keq për Beogradin”, ka shkruar Arben Taravari.

Continue Reading

TOP Lajme