Connect with us

Lajme

Lloga : Fillimi i projektit “Mbështetja e BE-së për sundimin e ligjit”

Published

on

Sundimi i ligjit është një nga parimet më të rëndësishme për lidhjen e shtetit tonë me shtetet në Bashkimin Evropian,ka deklaruar Ministri i Drejtësisë Krenar Lloga në një postim në profilin e tijë,shkruan Top24.

Lloga : Në këtë moment, vendi ynë ndodhet në një situatë ku duhet të ndërmarrë hapa vendimtare lidhur me ngritjen e nivelit të sundimit të ligjit dhe rritjen e besimit të qytetarëve në sistemin e gjyqësorit, luftimit të korrupsionit dhe krimit të organizuar dhe sigurimit të mbrojtjes më të madhe të të drejtave dhe lirive të njeriut.

Ligji i ri për Akademinë për gjyqtarë dhe prokurorë publikë, është miratuar dhe me të njëjtin sigurohet një mënyrë e re e përzgjedhjes dhe dhënies së provimit pranues dhe përfundimtar para komisionit profesional. Kemi bërë reformë me të cilën nga ky ligj pritet të sigurohen kritere të larta, sistem për revizion, transparence dhe publicitet, si dhe të krijohen kushte për përzgjedhje të gjyqtarëve dhe prokurorëve me integritet të lartë.

Si shtet jemi të përkushtuar në procesin për digjitalizimin e sektorit të gjyqësorit, e cila është reformë shumë e rëndësishme për të fituar një drejtësi më cilësore dhe më të shpejtë për të gjithë qytetarët. Në këtë drejtim, presim të kryhet mbindërtimi themelor edhe i sistemit për menaxhimin e lëndëve në prokuroritë me mbështetjen financiare të BE-së IPA III.

Objektivi numër 3 i këtij projekti: “Përmirësimi i parandalimit dhe luftës kundër korrupsionit”, parashikon zbatimin e disa aktiviteteve, gjetjen e zgjidhjeve për përmirësimin e sistemit të konfiskimit dhe kthimit të pronës, si dhe forcimin e bashkëpunimit ndërinstitucional me qëllim të monitorimit të situatës me korrupsionin, krijimin dhe zbatimin e politikave për avancimin e parandalimit dhe luftës kundër korrupsionit. Top24

Continue Reading

Lajme

Taravari uron kryetarin e ri të Partisë Demokratike Turke: “Mezi pres të punojmë bashkë për një shoqëri të barabartë”

Published

on

By

Kryetari i Aleancës për Shqiptarët, Arben Taravari, ka uruar sot zyrtarisht Zylfiqar Zejnullën, kryetarin e sapozgjedhur të Partisë Demokratike Turke, për marrjen e postit të tij të ri politik.

Në një status të shpërndarë në rrjetet sociale, Taravari vlerësoi rëndësinë e bashkëpunimit ndërmjet partive politike që përfaqësojnë komunitete të ndryshme në Maqedoninë e Veriut, duke theksuar se ky bashkëpunim është kyç për ndërtimin e një shoqërie më të drejtë dhe më gjithëpërfshirëse.

“Urova sot kryetarin e sapozgjedhur të Partisë Demokratike Turke, z. Zylfiqar Zejnulla, për postin e tij. Me pritshmëritë më të mira, mezi pres të punojmë bashkë drejt zgjidhjeve të përbashkëta për një shoqëri të barabartë e të drejtë”, shkroi Taravari.
Partia Demokratike Turke është njëra ndër partitë tradicionale të komunitetit turk në Maqedoninë e Veriut, ndërsa zgjedhja e kryetarit të ri shihet si një etapë e re në profilizimin dhe angazhimin politik të saj.

Continue Reading

Lajme

ASH: Mashtrim elektoral dhe dezinformim publik /Kontratat afatshkurtra nuk janë punësime

Published

on

By

Aleanca për Shqiptarët reagon me shqetësim ndaj deklaratave të bëra sot nga përfaqësues të grupimit politik FLEN, lidhur me të ashtuquajturat “punësime” të reja në Doganën e Maqedonisë së Veriut.

Dëshirojmë të informojmë opinionin publik se nuk bëhet fjalë për punësime të rregullta, por për kontrata mbi vepër me afat të kufizuar, të vlefshme vetëm deri më 31 dhjetor 2025. Këto janë angazhime të përkohshme, pa status të qëndrueshëm punësimi dhe pa të drejta që rrjedhin nga marrëdhënia e rregullt e punës.

Nga tri konkurse të shpallura, janë angazhuar 99 maqedonas dhe vetëm 21 shqiptarë, çka dëshmon për një pabarazi të theksuar në përfaqësim dhe për një qasje të padrejtë ndaj qytetarëve shqiptarë në administratën shtetërore.

Ajo që është më shqetësuese është instrumentalizimi i këtyre kontratave për qëllime propagandistike, nëpërmjet publikimit të fotografive dhe pretendimeve për barazi, ndërkohë që në realitet nuk ka asnjë përparim të qëndrueshëm apo strukturor në përfshirjen e shqiptarëve në institucionet shtetërore.

Aleanca për Shqiptarët e konsideron këtë një mashtrim klasik parazgjedhor, që synon të manipulojë qytetarët shqiptarë përmes metodave të njohura të sistemeve të mëparshme. Shqiptarët nuk mund dhe nuk duhet të trajtohen si mjet dekorativ i fushatave politike, por si qytetarë me të drejta të barabarta dhe dinjitet të garantuar institucionalisht.

Punësimi i drejtë dhe i qëndrueshëm është e drejtë themelore, jo privilegj elektoral. Për këtë arsye, kërkojmë që çdo angazhim institucional të jetë transparent, i barabartë dhe i bazuar në kritere profesionale dhe jo në kalkulime politike apo fotografi për konsum publik.

Aleanca për Shqiptarët do të vazhdojë të qëndrojë në krah të qytetarëve dhe të kërkojë llogaridhënie për çdo formë të abuzimit institucional dhe manipulimit me ndjenjat e qytetarëve.

Aleanca për Shqiptarët

Continue Reading

Lajme

Me porosi të Mickoskit, Izet Mexhiti manipulon anketat për të promovuar Arben Fetain si lider të VLEN

Published

on

By

Burime të sigurta nga kabineti qeveritar zbulojnë se Izet Mexhiti, një nga figurat kyçe të koalicionit VLEN, po ndërmerr veprime të koordinuara për manipulimin e opinionit publik përmes sondazheve të fabrikuara. Sipas këtyre burimeve, Mexhiti vepron në sinkron me kryeministrin Hristijan Mickoski, me qëllim të ngritjes artificiale të pëlqyeshmërisë së Arben Fetait dhe paraqitjes së tij si lider de facto i VLEN-it.

Manovra, e cila përfshin publikimin e sondazheve të porositura që nxjerrin Fetain si politikani më i vlerësuar shqiptare, shihet si përpjekje për të imponuar një figurë të preferuar nga strukturat maqedonase në krye të bllokut shqiptar në pushtet. Kjo lëvizje, sipas vlerësimeve brenda qeverisë, është pjesë e një skenari më të gjerë për ta kontrolluar diskursin politik shqiptar dhe për ta dobësuar qëndrimin kritik brenda vetë VLEN-it.

“Nuk është hera e parë që strukturat pranë VMRO-DPMNE-së përpiqen të ndërhyjnë në riorganizimin e politikës shqiptare, por kjo që po ndodh tani është e pashembullt,” tha një zyrtar i lartë qeveritar në kushte anonimiteti.

Sipas tij, rritja e papritur dhe joorganike e perceptimit pozitiv ndaj Fetait nuk përputhet as me realitetin elektoral dhe as me terrenin politik në zonat shqiptare.

Po ashtu, thuhet se Mexhiti po përdor ndikimin e tij në disa media pranë VLEN-it për të përforcuar narrativën se VLEN tashmë ka një lider të ri, duke hequr qafe Bilall Kasamin,
ndonëse as strukturat e brendshme dhe as përbërja politike e koalicionit nuk e pranon një gjë të tillë, sidomos pas paraqitjeve skandaloze të Fetait në media, duke lënë lapsuse të pajustifikueshme.

Continue Reading

TOP Lajme