Connect with us

Lajme

Ku do të përfundojnë 3 milion eurot e Zudi Kokës që i lidhi me kontrata të paligjshme në emër të MEPSO-s?!

Published

on

Emisioni i fundit KOD pa asnjë dyshim konfirmon se drejtorit të përgjithshëm aktual të SH.A. “Mepso” do t’ia kishte zili edhe një partner i tij i koalicionit, që është kampion për korrupsion – Bashkimi Demokratik për Integrim.

Nga informacioni që është publikuar, rezulton se vendimi i Bordit Drejtues të SH.A. “Mepso” për rritjen e çmimit të marrëveshjes e cila është firmosur në vitin 2019, ndërsa ka afat të realizimit deri në maj të vitit 2023, është antiligjor, skajshmërisht i dëmshëm dhe i nxitur thjesht nga qëllime fitimprurëse, ndërsa e dëmton drejtëpërdrejt buxhetin e kompanisë, ia rrit borxhin shtetit për tre milionë euro shtesë, para këto të cilat duhet t’i kthejnë qytetarët të cilët nuk janë aspak fajtorë për këtë.

Për një projekt, për të cilin 95 për qind të pajisjeve janë dorëzuar dhe paguar, të merret vendim për rritjen e çmimit për tre milionë euro shtesë për punët ndërtimore, të cilat duhet të zhvillohen duke filluar nga viti 2024 e tutje, ndërsa vit bazik për rritje të çmimit ta marrësh vitin 2020, kur çmimet kanë qenë maksimalisht të larta, kështu ky drejtor pa asnjë konkurrencë mund ta fitojë çmimin Nobel për zbulim të shekullit. Vetë fakti që për vit bazik qëllimisht është zgjedhur viti 2020, kur çmimet kanë qenë më të larta, ndërsa jo viti 2019, kur është firmosur kontrata, me cilin vit rritja e çmimit do të ishte pothuajse dyfish më e vogël, konsiderojmë se është bazë e mjaftueshme për Prokurorinë Publike të hapë hetim për këtë rast, sepse viti 2020 është zgjedhur qëllimisht si bazë për të shkaktuar rritje më të madhe të çmimit, pa e pasur parasysh aspak që ky vendim mund të shkaktojë keqpërdorim të detyrës zyrtare.

Nga vendim i pabazë, ky vendim bëhet qesharak, kur si arsye të rritjes së çmimit në vitin 2024 paraqitet pandemia “Kovid 19” kur të gjithë ne jemi të vetëdijshëm që pandemia ka kohë që ka kaluar. Drejtori i Përgjithsëm i Mepso-s duhet të shpjegojë se si e ka ndryshuar konkluzionin e Bordit Drejtues të muajit shkurt 2023, me të cilin firmës së njëjtë duhej t’i ofrohej rritje drastike më e ulët e çmimit me shkallëzim sipas çmimit në bursë, gjë që duhej ta mbrojë Mepso-n në një periudhë kur çmimet e materialeve në bursat botërore shënonin rënie të madhe? Cili ka qenë oficeri për lidhje i cili e ka dakorduar marrëveshjen dhe në xhepat e kujt duhet të përfundojnë këto para? Pse e kanë humbur një vit të tërë duke mos ndërmarrë asgjë, në kohën kur çmimet në bursë shënonin rënie? Pse nuk e kanë shfrytëtuar këtë për ritederim të projektit për të fituar çmim edhe më të lirë se ai në vitin 2019?

Se në këtë rast ka korrupsion, kjo është shumë e qartë, ndërsa se a do të veprojë Prokuroria dhe Komisioni për Antikorrupsion, kjo mbetet të shihet.

Sidoqoftë, 8 maji është shumë afër, kur fillimisht ata do të shkojnë në opozitë, bashkë me mentorin e tyre – BDI-në, ndërsa pastaj do të përballen edhe me drejtësinë.

Continue Reading

Lajme

Taravari uron kryetarin e ri të Partisë Demokratike Turke: “Mezi pres të punojmë bashkë për një shoqëri të barabartë”

Published

on

By

Kryetari i Aleancës për Shqiptarët, Arben Taravari, ka uruar sot zyrtarisht Zylfiqar Zejnullën, kryetarin e sapozgjedhur të Partisë Demokratike Turke, për marrjen e postit të tij të ri politik.

Në një status të shpërndarë në rrjetet sociale, Taravari vlerësoi rëndësinë e bashkëpunimit ndërmjet partive politike që përfaqësojnë komunitete të ndryshme në Maqedoninë e Veriut, duke theksuar se ky bashkëpunim është kyç për ndërtimin e një shoqërie më të drejtë dhe më gjithëpërfshirëse.

“Urova sot kryetarin e sapozgjedhur të Partisë Demokratike Turke, z. Zylfiqar Zejnulla, për postin e tij. Me pritshmëritë më të mira, mezi pres të punojmë bashkë drejt zgjidhjeve të përbashkëta për një shoqëri të barabartë e të drejtë”, shkroi Taravari.
Partia Demokratike Turke është njëra ndër partitë tradicionale të komunitetit turk në Maqedoninë e Veriut, ndërsa zgjedhja e kryetarit të ri shihet si një etapë e re në profilizimin dhe angazhimin politik të saj.

Continue Reading

Lajme

ASH: Mashtrim elektoral dhe dezinformim publik /Kontratat afatshkurtra nuk janë punësime

Published

on

By

Aleanca për Shqiptarët reagon me shqetësim ndaj deklaratave të bëra sot nga përfaqësues të grupimit politik FLEN, lidhur me të ashtuquajturat “punësime” të reja në Doganën e Maqedonisë së Veriut.

Dëshirojmë të informojmë opinionin publik se nuk bëhet fjalë për punësime të rregullta, por për kontrata mbi vepër me afat të kufizuar, të vlefshme vetëm deri më 31 dhjetor 2025. Këto janë angazhime të përkohshme, pa status të qëndrueshëm punësimi dhe pa të drejta që rrjedhin nga marrëdhënia e rregullt e punës.

Nga tri konkurse të shpallura, janë angazhuar 99 maqedonas dhe vetëm 21 shqiptarë, çka dëshmon për një pabarazi të theksuar në përfaqësim dhe për një qasje të padrejtë ndaj qytetarëve shqiptarë në administratën shtetërore.

Ajo që është më shqetësuese është instrumentalizimi i këtyre kontratave për qëllime propagandistike, nëpërmjet publikimit të fotografive dhe pretendimeve për barazi, ndërkohë që në realitet nuk ka asnjë përparim të qëndrueshëm apo strukturor në përfshirjen e shqiptarëve në institucionet shtetërore.

Aleanca për Shqiptarët e konsideron këtë një mashtrim klasik parazgjedhor, që synon të manipulojë qytetarët shqiptarë përmes metodave të njohura të sistemeve të mëparshme. Shqiptarët nuk mund dhe nuk duhet të trajtohen si mjet dekorativ i fushatave politike, por si qytetarë me të drejta të barabarta dhe dinjitet të garantuar institucionalisht.

Punësimi i drejtë dhe i qëndrueshëm është e drejtë themelore, jo privilegj elektoral. Për këtë arsye, kërkojmë që çdo angazhim institucional të jetë transparent, i barabartë dhe i bazuar në kritere profesionale dhe jo në kalkulime politike apo fotografi për konsum publik.

Aleanca për Shqiptarët do të vazhdojë të qëndrojë në krah të qytetarëve dhe të kërkojë llogaridhënie për çdo formë të abuzimit institucional dhe manipulimit me ndjenjat e qytetarëve.

Aleanca për Shqiptarët

Continue Reading

Lajme

Me porosi të Mickoskit, Izet Mexhiti manipulon anketat për të promovuar Arben Fetain si lider të VLEN

Published

on

By

Burime të sigurta nga kabineti qeveritar zbulojnë se Izet Mexhiti, një nga figurat kyçe të koalicionit VLEN, po ndërmerr veprime të koordinuara për manipulimin e opinionit publik përmes sondazheve të fabrikuara. Sipas këtyre burimeve, Mexhiti vepron në sinkron me kryeministrin Hristijan Mickoski, me qëllim të ngritjes artificiale të pëlqyeshmërisë së Arben Fetait dhe paraqitjes së tij si lider de facto i VLEN-it.

Manovra, e cila përfshin publikimin e sondazheve të porositura që nxjerrin Fetain si politikani më i vlerësuar shqiptare, shihet si përpjekje për të imponuar një figurë të preferuar nga strukturat maqedonase në krye të bllokut shqiptar në pushtet. Kjo lëvizje, sipas vlerësimeve brenda qeverisë, është pjesë e një skenari më të gjerë për ta kontrolluar diskursin politik shqiptar dhe për ta dobësuar qëndrimin kritik brenda vetë VLEN-it.

“Nuk është hera e parë që strukturat pranë VMRO-DPMNE-së përpiqen të ndërhyjnë në riorganizimin e politikës shqiptare, por kjo që po ndodh tani është e pashembullt,” tha një zyrtar i lartë qeveritar në kushte anonimiteti.

Sipas tij, rritja e papritur dhe joorganike e perceptimit pozitiv ndaj Fetait nuk përputhet as me realitetin elektoral dhe as me terrenin politik në zonat shqiptare.

Po ashtu, thuhet se Mexhiti po përdor ndikimin e tij në disa media pranë VLEN-it për të përforcuar narrativën se VLEN tashmë ka një lider të ri, duke hequr qafe Bilall Kasamin,
ndonëse as strukturat e brendshme dhe as përbërja politike e koalicionit nuk e pranon një gjë të tillë, sidomos pas paraqitjeve skandaloze të Fetait në media, duke lënë lapsuse të pajustifikueshme.

Continue Reading

TOP Lajme