Connect with us

Lajme

Izet Mexhiti: Regjimit po i vjen fundi!

Published

on

Kryetari i LD-së Izet Mexhiti në publikimin në fejsbuk shkruan se me afrimin e zgjedhjeve, regjimit po i vjen fundi.

Postimi i plotë:

Dita e zgjedhjeve po afron. Ndryshimi i madh politik e shoqëror është për çdo ditë e më afër. Për këtë arsye regjimi në ikje është në krizë të thellë. Nga dëshpërimi, eksponentët e pushtetit nuk po zgjedhin mënyrat për të ushtruar presion ndaj qytetarëve, e në veçanti ndaj nëpunësve të administratës shtetërore.

Kryeministri teknik të cilit i kanë mbetur edhe 72 ditë duke mos pasur peshë politike për të përmirësuar jetën e qytetarit ka marrë hov për të disciplinuar administratorët duke treguar versionin më të vrazhdë të vetvetes përpara syve të mbarë opinionit publik.

Pyesim publikisht: a është incidenti i djeshëm i Talat Xhaferit në Tetovë një standard i mirëfilltë europian? A keni parë ndonjë kryeministër të ndonjë shteti europian që të sillet me arrogancë të skajshme ndaj qytetarëve të vet, t’i poshtërojë në vendin e punës, para kolegëve e para kamerave, para familjeve, fëmijëve e të afermve të tyre?! A keni parë ndonjë kryeministër të ndonjë shteti europian i cili, në tentim për të mbuluar dështimet e qeverisjes së tij me pasaportat dhe letërnjoftimet, e fajëson nëpunësin e thjeshtë dhe i mban leksione publike për atë se si duhet ta bëjë punën?!

Pyesim publikisht ambasadorët atë Europian, Gjerman, Francez, Holandez, por edhe Ambasadoren e SHBA-ve, vallë mendojnë se një kryeministër i cili sillet në mënyrë nënçmuese ndaj nëpunësve të administratës është i denjë dhe meriton ta mbajë atë pozicion publik?!

Të nderuar, sjellja e djeshme e kryeministrit teknik Talat Xhaferi nuk përfaqëson asnjë vlerë europiane! Përkundrazi, kjo sjellje na kujton regjimet jodemokratike e përjashtuese siç kanë qenë Rusia e Stalinit, Shqipëria e Enver Hoxhës, Rumania e Çausheskut e sot ndoshta Koreja e Veriut!

Opozita e bashkuar nuk ka asnjë dyshim se prapa incidentit të djeshëm fshihet një mesazh edhe më i rrezikshëm që pushteti në ikje po përpiqet ta transmetojë: frikësimi i nëpunësit shtetëror dhe trysnia ndaj administratës shtetërore që përmes frikës të mbahet nën kontroll dhe në ditën e zgjedhjeve të votojë për diktaturën e fundit në territorin e Europës. Pushteti është në panik! Ata më nuk zgjedhin as mjetet as mënyrat për të ushtruar presion ndaj qytetarëve vetëm e vetëm për të ruajtur pozitat e tyre deri në fund.

Të nderuar qytetarë, zgjedhjet po afrohen. Vota e secilit prej jush për opozitën e bashkuar do të jetë mbështetje për ç’rrënjosjen e regjimit, për delegjitimimin final të diktatorëve me mandate teknike, për eleminimin e figurave me logjikë dhe sens diktatori nga institucionet demokratike, për çlirimin përfundimtar të shoqërisë tonë nga një kastë e delegjitimuar dhe bajate e politikanëve që kanë humbur çdo kontakt me realitetin.

NDRYSHIMI PO VJEN. BESONI, IA VLEN. https://www.facebook.com/share/p/eUUV7j3mQAu6zkoK/?mibextid=Nif5oz

Continue Reading

Lajme

Votimi i të burgosurve dhe të sëmurëve po zhvillohet pa probleme, bëjnë të ditur KSHZ

Published

on

By

Të drejtën e votës sot do të mund ta ushtrojnë 2569 votues në 31 vendvotime në PKV, ku janë regjistruar për të votuar dhe aplikimet e të cilëve janë pranuar nga Komisioni Shtetëror i Zgjedhjeve.

Sot në qendrat e votimit në 14 IEVP do të mund të ushtrojnë të drejtën e votës 2147 zgjedhës. Të gjitha qendrat e votimit në IEVP janë hapur në orën 7:00 të mëngjesit të sotëm dhe votimi atje do të vazhdojë deri në orën 19:00.

Deri në këtë moment votimi po vijon pa problem. Gjatë ditës së sotme dy votues, të cilët identifikohen si të zhvendosur brenda vendit, do të mund të ushtrojnë të drejtën e votës në të vetmen qendër për personat e zhvendosur brenda vendit.

Këshillat zgjedhorë në Republikën e Maqedonisë së Veriut gjatë ditës së sotme do të bëjnë votimin e personave të sëmurë ose të paaftë, të cilët kanë dorëzuar njoftime me dokumentacion përkatës deri te komisionet komunale zgjedhore. Të drejtën e votës në banesat e tyre do ta ushtrojnë 6935 qytetarë të regjistruar si të sëmurë apo të pafuqishëm.

Sot, 534 zgjedhës, të vendosur në 20 qendra të kujdesit jashtëfamiljar, do të kenë mundësinë të ushtrojnë të drejtën e votës në qendrën ku ndodhen. Ekziston një interes i theksuar për vëzhgimin e këtyre zgjedhjeve nga organizata dhe media vendase, të huaja dhe ndërkombëtare. Komisioni Shtetëror i Zgjedhjeve deri më tani ka akredituar për vëzhgim 342 vëzhgues vendas, 517 vëzhgues të huaj dhe ndërkombëtarë, 51 përkthyes dhe 32 gazetarë të huaj. Faqja e KSHZ-së, www.sec.mk, si dhe faqet e rrjeteve sociale “Facebook”, X, “Instagram”, si dhe kanali YouTube janë në dispozicion të të gjithë qytetarëve, ku do të mund të gjeni informacion në kohë dhe të saktë në lidhje me zgjedhjet.

Në listën zgjedhore me të drejtë vote në këto zgjedhje janë regjistruar gjithsej 1.814.317 zgjedhës.

Continue Reading

Lajme

Demolohet shtabi i VLEN në Lagjen e Trimave në Kumanovë

Published

on

By

Gjatë mbrëmjes së kaluar nga persona të panjohur është demoluar shtabi i VLEN në Lagjen e Trimave në Kumanovë.

Rasti i demolimit të shtabit është lajmëruar në SPB Kumanovë. Përndryshe nuk është hera e parë që demolohen shtabet partiake në lagjet shqiptare në Maqedoninë e Veriut.

Continue Reading

Lajme

Veteranët e UÇK-së porosi Artan Grubit: Nuk lejojmë shkeljen e flamurit kombëtar!

Published

on

By

Veteranët e UÇK-së kanë reaguar ndaj Artan Grubit i cili nga sheshi i Shkupit këtkoi që të ulet flamuri kombëtar.

Ata e shohin këtë veprim si një shkelje të gjakut të dëshmorëve dhe sakrificave të tyre për liri.

Në reagimin e tyre, ata theksojnë se flamuri kombëtar është mbrojtur me gjakun e dëshmorëve dhe se nuk mund të lejohet që të kalojë pa reagim një gjest i tillë.

Në këtë reagim, ata shprehin zemërimin dhe turpin e tyre ndaj këtij veprimi, duke theksuar rëndësinë dhe nderin që duhet t’i kushtohet flamurit kombëtar dhe emblemës së UÇK-së.

“TË NDERUAR VETERANË INVALID DHE FAMILJE TË DËSHMORËVE KY FLAMUR ËSHTË LARË ME GJAKË DHE ËSHTË MBROJTUR ME GJAKUN E DËSHMORËVE. NUK TOLEROJMË QË NJË RRUGAÇ TË JAPE URDHËRA PËR TË ULUR FLAMURIN KOMBËTAR NË LIRI, AI FLAMUR ËSHTË MBROJTUR ME JETËN E SHUM DËSHMORËVE NGA VITI 1998 DERI NË 2001. Nuk mundemi të qëndrojm indiferentë ndaj këti rrugaçi se ai rrugaçi që në vitin 2001 ishte me palën Maqedone dhe ishte i mbuluar me flamurin e ty që ka në zemër. TURP TURP TURP TË KENI. NJËHER BROHORET UÇK UÇK DHE PAS NJË ORE URDHËRON ULNI FLAMURAT ULNI FLAMURAT………TURP TURP TURP!!!???? RROFT FLAMURI KOMBËTAR RROFT EMBLEMA U.Ç.K së”, thuhet në reagimin e ish ushtarëve të UÇK-së, theksojn Veteranët e UÇK-së.

Continue Reading

TOP Lajme