Connect with us

Politika

Izet Mexhiti nga Tetova: Ali Ahmeti të braktisën shokët e luftës sepse heshte kur u vra Hariun Aliu, për “Enciklopedinë”, për “Shkupi 2014”, për “Lagjen e Trimave”, “Monstra” e “Alfa”…

Published

on

Kryetari i Lëvizjes Demokratike, Izet Mexhiti sonte nga tubimi qendror i opozitës shqiptare në Tetovës ka dhënë disa porosi duke theksuar se ka kaluar koha e politikanëve të vjetër dhe se ka ardhur koha e një politikbërjes së re në Maqedoninë e Veriut.

Mexhiti sonte nga Tetova adresoi disa pyetje tek Ahmeti që sipas tij nuk i është përgjigjur asnjëherë gjatë karierës së tij politike.

Në vazhdim ju sjellim fjalimin e plotë të Mexhitit:

Të nderuara familje të dëshmorëve, invalidë të luftës, ushtarë të ushtrive çlirimtare,
Shumë e nderuar diaspore shqiptare, nismëtare e çdo projekti kombëtar,

Po ju sjell këtu të fala të përzemërta nga Çairi e i gjithë Shkupi, ku ma dhanë porosinë që tiu them: Në këtë betejë jemi bashkë, të gjithë, shqiptarët e Tetovës, Gostivarit, Kumanovës, Shkupit, Strugës, Ohrit, Kërçovës, Manastirit, Krushevës, Prespës, dhe sot me besim të plotë po ju them: DO TIA DALIM, NDRYSHIMI VEÇMË KA FILLUAR DHE NUK KA FORCË QË E NDAL!

Të nderuar të pranishëm,

Fushata, mes tjerash, është edhe mundësi për të reflektuar. Nga foltoret thuhet e premtohen shumë gjëra. Prandaj, sonte, nga kjo foltore, do ta pyes Ali Ahmetin: a e ke pyetur ndonjëherë veten se përse të braktisën nga partia njerëzit e tu më të mirë dhe bashkëpunëtorët më lojalë, duke të lënë të vetmuar me Artanin dhe idetë destruktive të tij?! A e ke pyetur ndonjëherë veten se çfarë ndodhi me BDI-në, atë BDI të cilën si ide kombëtare fisnikëruese, emancipuese dhe progresive e nise në vitin 2002, dhe të gjithë ne t’u bashkëngjitëm dhe të mbështetëm me gjithë forcën tonë? Natyrisht që jo, sepse je i rrethuar nga fotografitë e rrejshme që ti krijon Artani dhe bindjet që ti ndërton se gjithçka rreth teje është perfekte! E po ja disa përgjigje publike mu nga sheshi i Tetovës nga unë, njëri ndër ata që dikur ishte ndër bashkëpunëtort e tu më besnikë:

Shokët nisën të të braktisin Ali Ahmeti, kur ia dorëzove lojën Nikolla Gruevskit dhe nga ndikimi i tij, me kalimin e kohës u bëre i njejtë si ai – refuzove mendimin ndryshe, përjashtove ata që nuk lejonin shkeljen e parimeve për pushtet, eliminove ata që të thoshin se gjërat nuk janë duke shkuar në drejtim të duhur;
Bashkëpunëtorët nisën të të braktisin kur e bëre lëshimin e parë dhe i tregove Gruevskit se mund të shkelë mbi dinjitetin tënd – ia dorëzove në tavolinë bashkimin e Kërçovës, ndërsa bashkëpunëtorët e tu që kishin luftuar për arritjen e këtij bashkimi i le në lloç;
Bashkëpunëtorët, i nderuar Ali Ahmeti, vazhduan të të braktisin kur nuk lëshove zë për Enciklopedinë e Akademisë së arteve që fyente popullin që përfaqësoje ti në qeveri– pra, shqiptarët, dhe ashtu në heshtje vazhdove qeverisjen me Gruevskin sepse qëllimi jot ishte pushteti, jo dinjiteti i shqiptarëve;
Bashkëpunëtorët të braktisën kur u vra Harun Aliu e ti, si lider i partisë në qeveri, nuk pate përgjigje se çfarë ndodhi, kush e vrau, përse e vrau!
Bashkëpunëtorët të braktisën edhe kur ti personalisht i bindje se “Shkupi 2014” nuk është projekt monoetnik dhe as fyes për shqiptarët e Shkupit dhe të Maqedonisë dhe se nuk ka asgjë problematike në ortodoksimin dhe sllavizimin e identitetit të Shkupit;
Bashkëpunëtorët, Ali Ahmeti, të braktisën sepse, duke qenë në pushtet dhe në qeveri, lejove të vriten djemtë shqiptarë në Lagjen e Trimave në Kumanovë, lejove të montohet rasti “Monstra” e “Alfa”, lejove të mbushen burgjet me shqiptarë të pafajshëm dhe si përfaqësues i tyre në institucione KURRË nuk pate asnjë përgjigje konkrete përse u burgosën dhe u dënuan ata;
Bashkëpunëtorët të braktisën edhe kur me bindje u flisje se luani i VMRO-së ka qenë simbol i familjeve shqiptare vetëm sepse ti personalisht ishte marrë vesh me Nikolla Gruevskin që ta votosh stemën e shtetit për ruajtje të pushtetit!
Këto ngjarje pra, i nderuar Ali Ahmeti, janë vetëm disa shembuj se si duket qeverisja jote me VMRO-në e Nikolla Gruevskit, politikanin për të cilin akoma publikisht thurr lavde dhe deklaron se ka qenë udhëheqës i mirë e i zoti! Sa i heshtur, servil, inferior dhe i padëgjuar ke qenë ndaj Nikollës, Mijallkovit, dhe shokëve të tyre flasin këto ngjarje që t’i rikujtova sot. Prandaj këto ditë, kur të dëgjoj si kërcënohesh e shet trimëri nëpër foltore, nuk brengosem fare sepse e di se këto i bën vetëm që të mbledhësh vota e votat të duhen që të rehatohesh përsëri në pushtet. Kjo pra, është fotografia e qeverisjes së Ali Ahmetit me Nikolla Gruevskin. Kështu duket kur qeveris BDI-ja me VMRO-në e Nikolla Gruevskit. Prandaj, mos u mashtroni nga fjalët!

Kjo është qeverisja e të kaluarës. Ndërsa ne sot jemi këtu që të premtojmë ndërtimin e qeverisjes së të ardhmes, qeverisjes së dinjitetshme, parimore, konceptuale. Qeverisjes e cila nuk të vret natën e të madhëron ditën. Qeverisjes e cila nuk të shet natën e të mbron ditën. Sot po vendosim themelet e frymës së re për secilin të ri e të re që dëshiron të jetojë në Maqedoninë me të drejta të plota e të barabarta të cilat i garantojnë institucionet dhe nuk i dikton partia!

Politikanët e vjetër i takojnë të shkuarës. Maqedonia sot po hap dyert për politikanët e rinj. Për të ardhmen që VLEN.

Continue Reading

Lajme

Ilire Dauti kapet në mashtrim të rëndë, Snopçe ia kujton se votoi rendin e ditës për Branitellat (Video)

Published

on

By

Koordinatori i grupit parlamentar dhe deputeti i koalicionit VLEN, Halil Snopçe gjatë debatit në komisionin për çështje të zgjedhjeve dhe emërimeve në Kuvendin e Maqedonisë së Veriut ia ka kujtuar me fakte deputetes Ilire Dauti nga grupacioni i Ziadin Selës pjesë e koalicionit opozitar Fronti Evropian votimin e rendit të ditës në seancën e 143 të kuvendit për Ligjin për Branitellat e cila mashton opinionin me listingun fallco.

Snopçe thekson se depuetja Ilire Dauti mashtron, Snopçe ia kujton me fakte se në seancën e 143 ka votuar rendin e ditës për Ligjin për Branitellat, është e njejta seancë ku u votua shkarkimi i ish-ministrave Azir Aliu dhe Fatmir Mexhiti, ku deputetja Ilire Dauti ishte palë me BDI-në dhe kundër Aleancës për Shqiptarët.

VIDEO

Continue Reading

Lajme

Grubi, Bajrami, Rustemi dhe Bekteshi zyrtarët e parë të BDI-së që pritet të dalin para organeve të drejtësisë?!

Published

on

By

Artan Grubi, ish zv.kryeministër i parë, Përparim Bajrami, ish drejtor i Lotarisë së Maqedonisë së Veriut i cili ka qenë nën kontrollë të plotë të këtij të parit, jo zyratisht pritet të ju inicohet procedurë penale dhe të arrestohen për keqpërdorime të shumta që kanë bërë me Lotarinë.

Përpos këtyre dy ish funksionatëve, nga radhët e BDI-së pritet organet e hetuesisë të inicojnë procedurë edhe ndaj ish drejtorit në Ndërmarrjen Publike Rrugët Shtetërore Ejup Rustemi, si dhe ndaj ish ministritë të Ekonomisë, Kreshnik Bekteshi. Për të parinë tashmë Qeveria e re ka grumbulluar një sërë faktesh për keqpërdorime me fondet publike dhe keqpërdorim të tenderëve. Bekteshi dyshohet për dhënie të koncensionve të dyshimta për njerëzit dhe kompanitë e afërta me BDI-në.

Se BDI ka nevojë për mbrojtës të mirë juridik, sot i paralajmëroi edhe kryetari i ASH-së dhe Ministri i Shëndetësisë, Arben Taravari si pjesë e koalicionit VLEN në Qeveri.

“BDI-ja kishte një reagim ku qau hallin pse në Ministri të Shëndetësisë është eleminuar pozita e Drejtorit Ekonomik. Një pozitë krejt e panevojshme me të cilën BDI-ja kishte “qerasur” njerëzit e saj. Pra, BDI-ja qortoi Qeverinë që kursen paratë e qytetarëve dhe po këput lidhjet korruptive të ndërtuara nga BDI-ja. Kjo parti ka nevojë për dy gjëra:
1. Një ekip të mirë avokatësh që të mbrojë veten nga akuzat që po i përgatit,; 2. ⁠të kuptojë se të paktën tani që është në Opozitë, duhet të ndryshojë mentalitetin e saj korruptiv”, shkruan Taravari në një status në rrjetet sociale.

Continue Reading

Lajme

VLEN emëron pesë profesorë universitar për zv/ministra

Published

on

By

Nga gjithsej 7 zv. ministra të cilët vijnë nga radhët e Koalicionit VLEN, pesë nga këta janë nga bota akademike, profesorë universitarë.

Flakron Bexheti, doktor shkence do të jetë zv/ministër i Bujqësisë, Kaltrina Zekolli, doktor shkence do të jetë zv/ministre e Transportit, Lulzim Aliu, doktor shkence do të jetë zv/ministër i Arsimit, Astrit Iseni, doktor shkence është caktuar të jetë zv/ministër në MPB, si dhe Safije Sadiki Shaini zv/ministre e Sportit, është doktorante dhe ligjëruese në universitet.
Sedat Sulejmani është emëruar zv/ministër i Kulturës, ndërsa Elfete Ismaili është emëruar zv/ministre e Mbrojtjes, të dy profesionistë të shquar.

Flakron Bexheti është ligjërues në Universitetin “Nënë Tereza”, njëjtë Kaltrina Zekolli dhe Safije Sadiki Shaini. Astrit Iseni është ligjërues në Universitetin e Tetovës “Fadil Sulejmani” dhe Lulzim Aliu i cili ligjëron në Universitetin “Kirili dhe Metodi”.

Continue Reading

TOP Lajme