Sekretari i përgjithshëm i ASH-së, Blerant Ramadani sot ka zhvilluar një takim me përfaqësuesit e
Institutit Republikan Ndërkombëtar (IRI) në Shkup të kryesuar nga John Fluharty, drejtor rezident i Programit të IRI për Maqedoninë e Veriut dhe Shqipërinë, si dhe përfaqësues tjerë nga IRI të pranishëm në takim si Ilina Mangova, Ana Alibegova, dhe Ana Velkovska.

“Në këtë takim diskutuam mbi çështje me rëndësi të veçantë për zhvillimin demokratik dhe politik, duke u fokusuar në organizimin e fushatave zgjedhore, proceset demokratike brenda partive dhe forcimin e demokracisë së brendshme partiake.Ky bashkëpunim dhe shkëmbim idesh pasqyron angazhimin tonë të përbashkët për të avancuar standardet demokratike dhe për të ndërtuar një të ardhme më të ndritur politike në rajon”, nënvizoi Ramadani.

Klinika e Urologjisë në Shkup është në proces të transformimit të plotë, duke u rinovuar dhe modernizuar për të ofruar kushte më të mira për pacientët dhe stafin mjekësor. Me investime të reja dhe pajisje bashkëkohore, klinika synon të përmbushë standardet më të larta evropiane në fushën e urologjisë.

Renovimi përfshin përmirësimin e infrastrukturës, instalimin e teknologjisë së avancuar mjekësore dhe krijimin e një ambienti më të përshtatshëm për trajtimin e pacientëve. Ky ndryshim jo vetëm që do të rrisë efikasitetin e shërbimeve, por edhe do të kontribuojë në një përvojë më të këndshme dhe profesionale për të gjithë ata që marrin shërbime në këtë klinikë.

Ky projekt është një hap i rëndësishëm drejt modernizimit të sistemit shëndetësor dhe një dëshmi e përkushtimit për përmirësimin e kujdesit shëndetësor në vend.

Sekretari organizativ i Aleancës për Shqiptarët, Gadaf Uzairi ka vazhduar aktivitetin e tij në ngritjen dhe përforcimin e strukturave të ASH-së në të gjitha nivelet duke ju kushtuar vëmendje dhe kohë çdo anëtari të ASH-së në veçanti. Sekretari Uzairi gjatë ditës së djeshme i shoqëruar nga kryetari i degës Arif Selami dhe nga Sekretarin e Përgjithshëm të FRASH-it, Muhamed Lala, Kryetarin e FRASH-Tetovë, Ujkan Rahmani dhe Sekretarin Administrativ, Albin Musa kanë takuar anëtarët e FRASH në Drenovec.

“Së bashku me Sekretarin Organizativ të ASH-së, z. Gadaf Uzairi, Kryetarin e Degës së ASH-së në Tetovë, z. Arif Selami, Sekretarin e Përgjithshëm të FRASH-it, z. Muhamed Lala dhe Sekretarin Administrativ, Z. Albin Musa zhvilluam takim joformal dhe bashkëbisedim me disa nga anëtarët e FRASH-it, nëndega Drenovec.
Strukturave të FRASH-it në Tetovë çdo ditë u bashkohen djem dhe vajza, duke e fuqizuar më tej strukturën tonë rinore”’ ka përfunduar njoftimin e tij kryetari i FRASH-Tetovë,
Ujkan Rahmani.