Connect with us

Politika

Enes Ibrahim: Kandidatët turq për deputetë nga “Fronti Europian” nuk ndajnë vlera të përbashkëta, do të largohen nga ky koalicion pas zgjedhjeve!

Published

on

Kandidatët turq për deputetë që janë në koalicion me Bashkimin Demokratik për Integrim (BDI) në kuadër të “Frontit Europian” nuk ndajnë vlera të përbashkëta, ndaj do të largohen nga ky koalicion pas zgjedhjeve. Kështu është shprehur në intervistë për portalin PRESSonline.al, Enes Ibrahim, kryetar i Partisë Lëvizja Turke (THP) dhe kandidat për deputet i “Koalicionit për Ardhmërinë Europiane” në Zonë 5 zgjedhore.

“Koalicionet duhet të kenë vlera të caktuara, në këtë rast, nëse janë Fronti Evropian, partitë politike që besojnë në këtë koncept duhet të marrin pjesë realisht në atë koalicion dhe jo ato që duan vetëm të kenë një deputet dhe pastaj në orën 20 më 8 maj të ikin në koalicione të ndryshme. Viteve të kaluara kjo ka ndodhur edhe brenda koalicioneve tjera, kështu që shumica e atyre partnerëve të koalicionit nuk do të qëndrojnë me BDI-në sepse nuk i kanë të njëjtat vlera si BDI. Koalicioni i udhëhequr nga BDI, mendoj se nuk është parimor. Shumica e atyre partnerëve të koalicionit, më parë kanë qenë në koalicion me VMRO DPMNE-në, pastaj kanë qenë me LSDM-në, pasi që dyert ua kanë mbyllur LSDM dhe VMRO DPMNE, kanë gjetur një derë të vogël në BDI. Kur flas për një koalicion joparimor, e kam fjalën për vlerat evropiane. Në këtë koalicion keni parti politike dhe individë që kanë qenë gjithmonë anti-NATO, anti-Evropë. Dhe për këtë arsye ky koalicion është joparimor dhe nuk do të ketë sukses”, beson Ibrahim.

Nëse bëjmë një krahasim, shton ai, që nga koha e Gurevizmit, pra qeveria e udhëhequr nga VMRO DPMNE në krye me Gurevskin dhe qeveritë e udhëhequra nga Zoran Zaev dhe Dimitar Kovaçevski, dallimi është shumë i madh.

“Gjatë Gurevizmit, për fat të keq, komuniteti turk ishte kategoria e dytë e qytetarëve. Të paktën kështu ndiheshin turqit. Me ardhjen, pra me ndryshimin e qeverisë, komuniteti turk tashmë ka avancuar të drejtat e tij. A mjafton? Natyrisht nuk mjafton, por për 11 vjet ndërsa luftuam kundër regjimit, komuniteti turk ishte i margjinalizuar dhe i izoluar, por edhe vendi ynë ishte i izoluar. Nëse komuniteti turk dëshiron të avancojë të drejtat e tij, pra komunitetet etnike më pak të mbrojtura, nëse duan të avancojnë të drejtat e tyre, rruga drejt anëtarësimit në Bashkimin Evropian është elementi më i rëndësishëm”, thekson Ibrahimi në intervistën për PRESsonline.al.

Sipas tij, bashkësitë etnike më pak të mbrojtura, duke përfshirë edhe atë turk, nuk kanë alternativë dhe për këtë arsye, sipas tij, duhet të vazhdohet rruga drejt Bashkimit Evropian.

“Ka shumë arsye pse turqit dhe të gjithë qytetarët e Republikës nuk duhet të votojnë për ne. Ne treguam transparencë, guxim, treguam se si të menaxhojmë krizat botërore, dhe pandeminë, si dhe problemet e shkaktuara nga lufta që po ndodh aktualisht midis agresorit Rusisë kundër Ukrainës, apo lufta midis Izraelit dhe Gazës. Në të gjitha problemet, shteti u menaxhua me sukses, veçanërisht në fushën e ekonomisë. Rruga drejt Bashkimit Evropian është një element shumë i rëndësishëm për ne, një faktor shumë i rëndësishëm për zhvillimin demokratik, për prosperitetin ekonomik, theksoi Enes Ibrahim, kryetar i Partisë Lëvizja Turke (THP) dhe kandidat për deputet i “Koalicionit për Ardhmërinë Europiane”.

Ai thekson se më 8 maj komuniteti turk do të dalë masivisht dhe do të votojë numrin 1, prosperitetin dhe Maqedoninë evropiane.

“THP, mandatin e ardhshëm planifikon të themeloj një institut për gjuhën turke dhe kulturën turke, nënvizoi Ibrahim.

Continue Reading

Lajme

Kur dinjiteti i shqiptarëve të Maqedonisë barazohet me të atyre që atë nuk e kanë!

Published

on

By

Nga Kim Mehmeti

Përfaqësuesi i VLEN’it si koordinator në kabinetin e Kryeministrit të Maqedonisë së Veriut e paska akuzuar Kryeministrin e Shqipërisë se me megafonat e tij në Shkup vepron si i tërbuar për ta dëmtuar VLEN’in dhe dinjitetin e shqiptarëve të Maqedonisë.

Që do të thotë se dinjitetin kolektiv të shqiptarëve të këtushëm e barazon me atë të atyre që atë fare nuk e kanë – të dhjetëra drejtuesve interesxhinj të VLEN’it?!

Në të vërtet ky nuk është rasti i parë kur dikush i mbron shqiptarët e Maqedonisë së Veriut nga Tirana zyrtare, ngaqë ka muaj që një gjë të tillë rregullisht e bënë ‘gjyshi’ këshilltar shqiptar i ‘tezes’ presidente, që edhe paguhet vetëm për ta mbrojtur Maqedoninë nga shqiptarët dhe për të qenë sa më i pëlqyer për punëdhënësen e vet.

Autori i këtij teksti është nga ata që natë e ditë i kritikon Kryeministrin e Shqipërisë dhe drejtuesit e BDI-së, por edhe si i tillë kurrë nuk e kishte paramenduar se do vinte koha kur shqiptarët e këtushëm dikush do i mbronte si gjatë dekadave komuniste jugosllave kur të gjitha të ‘këqijat’ atyre u vinin nga Tirana e Prishtina?!

Këta që thonë se Tirana zyrtare është duke dëmtuar interesin dhe dinjitetin e shqiptarëve të Maqedonisë Veriore bëjnë një gabim që nuk u ka hije politikanëve me sado pak mend në kokë: interesin dhe dinjitetin e shqiptarëve të këtushëm e barazojnë me atë të dhjetëra VLEN’istëve?!

Por cili është ky interes? Merreni, për shembull, Alternativën dhe do vëreni se interesi dhe dinjiteti i saj nis e përfundon me atë të pesë -gjashtë aktivistëve të saj, të cilët kur nuk janë drejtorë të LSDM’së janë ministra të VMRO-DPMNE’së.

Apo, merrni ata të BESËS dhe do vëreni se gjithë interesi dhe dinjiteti i shqiptarëve të Maqedonisë përmyllet me atë të dhjetëra anëtarëve të ‘Klanit të Llërcës’, të cilët kur është e fort LSDM’ja bëjnë koalicion me të, e kur ajo dobësohet i shërbejnë VMRO’së!

Continue Reading

Lajme

Reagon Zejd Rexhepit lidhur me deklaratat fyese të Latif Arifit të zyrtarit qeveritar të RMV-së

Published

on

By

Lëvizja Populli e Skender Rexhepi – Zejdit, sot përmes një komunikate ka reaguar lidhur me deklaratat ofenduese ndaj opozitës shqiptare dhe shtetit të Shqipërisë, të njërit nga koordinatorëve kombëtar për komunikim dhe media, të kryeministrit Mickoski.

Me këtë rast, Lëvizja Populli, e kryesuar nga Skender Rexhepi – Zejdi, u bën thirrje qytetarëve shqiptarë të mos bien pre e kësaj propagande të shëmtuar. Sot beteja nuk është vetëm politike, por edhe morale: kush mbron dinjitetin shqiptar dhe kush e shkel atë për interesa pushteti.⁣⁣⁣

Komunikata e plotë e Lëvizjes Populli:

Lëvizja POPULLI me indinjatë të thellë ka lexuar deklaratat e fundit të një nga koordinatorët kombëtar për komunikim dhe media në kabinetin e⁣⁣⁣ Kryeministrit te Maqedonisë së Veriut,, ku përmes një fjalori të ulët dhe denigrues sulmohet opozita shqiptare dhe njëkohësisht tentohet të njolloset edhe shteti amë, Shqipëria.⁣⁣⁣

Këto fjalë janë dëshmi e qartë e panikut që ka kapluar partnerin shqiptar në qeveri, të cilët pasiqë nuk ka çfarë t’i ofrojë më qytetarëve përveç shpifjeve dhe fabrikimeve. Sulmet ndaj Shqipërisë janë tregues se qeveria ka humbur busullën politike dhe moralin për të përfaqësuar shqiptarët në Maqedoninë e Veriut.⁣⁣⁣

Ne theksojmë se Shqipëria për ne është shteti amë dhe faktor kombëtar e europian. Asnjë fjalë e papërgjegjshme e asnjë propagandë e orkestruar nuk mund ta cenojë këtë lidhje shpirtërore e politike që ka ushqyer çdoherë aspiratat e shqiptarëve për liri, barazi dhe dinjitet.⁣⁣⁣

Lëvizja POPULLI u bën thirrje qytetarëve shqiptarë të mos bien pre e kësaj propagande të shëmtuar. Sot beteja nuk është vetëm politike, por edhe morale: kush mbron dinjitetin shqiptar dhe kush e shkel atë për interesa pushteti.⁣⁣⁣

Ne do të vazhdojmë të luftojmë për dinjitetin dhe të drejtat e shqiptarëve, me bindjen e fortë se shpifjet e atyre që kanë humbur besimin e popullit nuk mund ta ndalin dot ndryshimin.⁣⁣⁣

Continue Reading

Lajme

Osmani, Taravari dhe Demiri takim me mjekët në Shkup: Bashkohen për plebishitin e 19 tetorit

Published

on

By

Kandidati për kryetar të Çairit, Bujar Osmani, ka organizuar një takim me Dr. Arben Taravari, Dr. Ilir Demirin dhe mjekë të klinikave dhe spitaleve të Shkupit, për të diskutuar rreth plebishitit historik që do të mbahet më 19 tetor.

“Secili prej tyre është mobilizuar për të mbrojtur parimet themelore të barazisë, të mundësive të barabarta dhe të mosdiskriminimit, pa dallim etnie,” tha Osmani gjatë takimit.

Ai shtoi se ky moment është një dëshmi se komuniteti mjekësor nuk përfaqëson vetëm profesionin, por edhe një zë të ndërgjegjes dhe të dinjitetit shoqëror.

“Mjekët e Shkupit shprehën qartë se ka ardhur koha të mobilizohemi dhe të ngremë zërin për dinjitetin e profesionit dhe popullit tonë,” përfundoi Osmani, duke theksuar rëndësinë e bashkimit të komunitetit mjekësor në këtë proces qytetar.

Continue Reading

TOP Lajme