Edhe një mashtrim me aksident të rremë: një grua nga Manastiri u mashtrua për 1.000 dollarë amerikanë, euro dhe 20.000 denarë

MPB njofton se me datë 25.08.2025, rreth orës 19:30, në SPB Manastir, një grua 88-vjeçare nga Manastiri ka raportuar se është mashtruar nga një person për shumën prej 1.000 dollarësh amerikanë, një sasi të caktuar eurosh dhe 20.000 denarësh.

Sipas raportimit, personi e ka kontaktuar me telefon dhe i ka thënë se djali i saj me bashkëshorten kishin shkaktuar një aksident trafiku, ku ishin plagosur rëndë dhe kishin përplasur një fëmijë 8-vjeçar, dhe se duhej të paguante që rasti të mos raportohej në polici nga familja e fëmijës.

Gruaja i hodhi paratë nga ballkoni tek një person, ndërsa më vonë e kuptoi se ishte mashtrim. Po merren masa për zbardhjen e plotë të rastit.