Connect with us

Lajme

Dr.Artan Dika: Bekim Sali dhe Alternativa nuk kanë legjitimitet të flasin për Taravarin

Published

on

Ish ministri i shëndetësisë Bekim Sali së fundmi ka dalë me një shkrim ku kritikon kryetarin e ASh-së Arben Taravarin. Kësaj i është përgjigjur duke mos dashur të mbajë anë mes partive por duke treguar një të vërtetë si një personalitet që punon në shëndetësi, doktori i njohur Artan Dika. Ai në ppstimin e tij shpreh se një personalitet inegzistent so Bekim Sali sa ka qenë ministër i shëndetsisë nuk ka legjitimitet të flet për Arben Taravarin.

Kujtojmë se gjatë udhëheqjes me këtë ministri, Arben Taravari doli ministri me rejtingun më të lartë se të gjithë ministrat por edhe më lartë se vet kryeministri Zoran Zaev në atë kohë.

“Rastësisht e lexova dje një postim të ish-ministrit të shëndetësisë të Alternativës, të shpërndarë nga bashkëpartiakë të tij, që i referohej përfaqësuesit të një subjekti tjetër. Pa dashur të mbroj askënd dhe pa dashur të mbajë anë mes partive të ndryshme politike, nëse Alternativës edhe një herë i jepet rasti të hyjë në qeveri dhe nëse ka ndër mend të hyjë në qeveri sërish me ndonjë ministër inekzistent si ish-ministri i saj i shëndetësisë (sado qoftë djalë i mirë dhe i pakorruptuar), më mirë le të mos hyjë fare.”

https://m.facebook.com/story.php?story_fbid=pfbid0qBSgfGecxTw5d7jHphRKdQm82tDtfZnCxHSy89Vk7G9Yr1qvZ4MrMJHau6jurgidl&id=100077631292650

Ky lajm është botuar pa lejen e autorit të shkrimit.

Continue Reading

Lajme

Angelov: Ligji për “Branitellat” pas zgjedhjeve lokale, për të mos i prishur punë VLEN-it

Published

on

By

Stojançe Angelov, lider i partisë “Dinjiteti” dhe drejtor aktual i Drejtorisë për Mbrojtje dhe Shpëtim, ka deklaruar se miratimi i ndryshimeve të paralajmëruara në ligjin për “Branitellat” do të shtyhet pas zgjedhjeve lokale. Në një intervistë për emisionin “Vetëm e Vërteta” në TV Kanal5, Angelov ka shpjeguar qartë arsyet strategjike që qëndrojnë pas kësaj shtyrjeje, transmeton Flaka

“Pres që pas zgjedhjeve lokale, atë që kemi rënë dakord, në pjesën e Branitellave, të jetë e realizuar. Jo tani, sepse kjo do t’i prishte punë partnerit tonë VLEN-it,” – theksoi Angelov.

Ai pranoi se vendimi është i ndjeshëm dhe mund të ngjallë kritika, por sipas tij, është i nevojshëm për të ruajtur ekuilibrin politik dhe për të mos i dhënë hapësirë rikthimit të BDI-së.

“Unë mendoj strategjikisht, ato kritika i pranoj. Dobësimi i VLEN-it në këto momente do të hapte derën për BDI-në. A duhet ne këtë ta bëjmë?” – shtroi pyetjen Angelov.

Kjo deklaratë vjen në një moment kur tensionet politike mes koalicionit qeveritar dhe opozitës janë të larta, dhe tregon për marrëveshjet e brendshme në mes partive në pushtet për çështje të ndjeshme historike dhe politike siç është statusi i “Branitellave” të vitit 2001.

Deklarata e Angelovit është një konfirmim i qartë se çështjet e ndjeshme etnike dhe politike vazhdojnë të trajtohen me kujdes të veçantë nga qeveria aktuale, duke pasur parasysh balancat brenda koalicionit dhe reagimin e opinionit publik.

Prononcimi i tij, pritet të ngjallë reagime te opozita shqiptare.

Continue Reading

Lajme

Shtatë vjet nga nënshkrimi i Marrëveshjes së Prespës

Published

on

By

Më 17 qershor 2018, saktësisht shtatë vjet më parë, në fshatin e vogël Nivici (Psarades) në brigjet e Liqenit të Prespës në anën greke, Shkupi dhe Athina nënshkruan Marrëveshjen e Prespës, e cila i dha fund mosmarrëveshjes shumëvjeçare midis dy vendeve, Republika e Maqedonisë ndryshoi emrin e saj në Republika e Maqedonisë së Veriut, Greqia njohu gjuhën maqedonase dhe kombësinë maqedonase, vendi u bë anëtar i NATO-s dhe bashkëpunimi dypalësh me Greqinë u intensifikua.

Marrëveshja u arrit në një kohë kur SYRIZA ishte në pushtet te fqinji jugor, dhe LSDM në vendin tonë, dhe u nënshkrua nga ministrat e atëhershëm të Jashtëm Nikola Dimitrov dhe Nikos Kotzias, dhe në prani të kryeministrave të atëhershëm Zoran Zaev dhe Alexis Tsipras, ndërmjetësit në negociata Matthew Nimetz, ish-komisionerit evropian për zgjerim Johannes Hahn, ish-përfaqësuesja e lartë e BE-së për punë të jashtme dhe politikë të sigurisë Federica Mogherini dhe përfaqësuesve të tjerë të lartë ndërkombëtarë, si dhe përfaqësuesve të të të dyja vendeve.

Continue Reading

Lajme

ASH-Taravari: Angelov zbulon marrëveshjen, VLEN hesht për Branitellat dhe mashtron për UÇK-në

Published

on

By

Aleanca për Shqiptarët e udhëhequr nga Arben Taravari ka reaguar pas deklaratës së fundit të Stojançe Angelovit, drejtor i Drejtorisë për Mbrojtje dhe Shpëtim dhe njëherësh partner i koalicionit qeveritar, i cili ka zbuluar prapaskenat politike rreth ligjit për “Branitellat”.

Sipas ASH-së, deklarata e Angelovit konfirmon pazaret politike që bëhen pas shpinës së shqiptarëve. Angelov ka pranuar se miratimi i ligjit për “Branitellat” është shtyrë përkohësisht vetëm për të mos e dëmtuar koalicionin VLEN në prag të zgjedhjeve lokale. “Ky nuk është thjesht një manovrim politik, por një tradhti e qartë ndaj interesave kombëtare të shqiptarëve”, thuhet në reagimin e ASH-së.

Partia opozitare thekson se për vite të tëra, shqiptarët kanë kërkuar zgjidhje të drejtë për statusin e ushtarëve të UÇK-së, të dëshmorëve dhe invalidëve të luftës, ndërsa tashmë është e qartë se premtimet e bëra në Kuvend nga deputeti Adnan Azizi, se “ligji për Branitellat nuk do të kalojë kurrë”, kanë qenë vetëm mashtrime për të qetësuar opinionin publik shqiptar.

ASH thekson se ky është një ndër arsyet kryesore pse ka braktisur qeverinë që e konsideron si të padrejtë dhe të ndërtuar mbi diskriminim etnik, ku shqiptarët shihen vetëm si dekor.

“VLEN hesht edhe pas deklaratës së Angelovit, sepse nuk ka më çfarë t’u thotë shqiptarëve. Edhe mashtrimet kanë një fund,” vijon reagimi, ku theksohet se tashmë është dëshmuar se VLEN nuk përfaqëson zërin e shqiptarëve, por interesat e një pakice të pushtetit.

Aleanca për Shqiptarët e përmbyll reagimin duke akuzuar VLEN-in se është në qeveri jo për parime, por për privilegje, duke heshtur përballë ligjeve që, sipas saj, lartësojnë strukturat që luftuan kundër shqiptarëve.

Continue Reading

TOP Lajme