Connect with us

Lajme

Çair, shumicën në Këshillin komunal e shpëton VMRO-DPMNE

Published

on

Shumica në Këshillin komunal në Çair ka arritur të mbijetoj sot falë ndihmës së VMRO-DPMNE.

Siç mëson ZYRTARE.net, gjatë ditës së sotme ku në rend dite në Këshillin komunal ka qenë votimi i llogarisë përfundimtare, shumica nuk ka pasur numrin e mjaftueshëm të votave për ta kaluar këtë pikë, ndërsa ka gjetur shpëtimin tek këshilltarët e VMRO-DPMNE-së.

Kujtojmë që mos votimi i llogarisë përfundimtare çon me automatizëm Këshillin në zgjedhje të parakohshme, ngjajshëm siç ndodhi gjatë vitit të kaluar në komunën e Tetovës.

Kryesuesit të Këshillit i është dashur pauza e konsultime me shumicën aktuale për të sigurar numrin e nevojshëm të këshilltarëve, shumicë e cila në fund ka arritur ta votoj llogarinë përfundimtare me 17 vota pro, përfshirë edhe votat e këshilltarëve të VMRO-DPMNE-së.

Lëkundjet e shumicës në Këshillin komunal të Çairit vijnë pas përplasjes mes Artan Grubit në njërën anë dhe Grupit të Zjarrit në anën tjetër./ZYRTARE.net/

Continue Reading

Gosip

Xhulian Shabani me klipin e Luiz Ejllit fiton vendin e parë nga publiku!

Published

on

By

Në faqen zyrtare të “Netëve të klipit shqiptar” në edicionin e 21-t , vendi i parë çmimi i publikut i ka takuar videoklipit “Amanet” me protagonist Luiz Ejli.

Ndërkohë që klipi “Amanet “ishte klipi më i votuar online nga publiku , në skenë për të marrë çmimin u ngjit Xhulian Shabani, producent i këtij klipi.

Shabani me këtë rast falenderoi të gjithë ata që e kanë përkrahur me votat e tyre, në veçanti përshëndeti “Ejllat”, fansat e zjarrt të Luizit, si dhe vetë Luiz Ejllin artistin që i dha motiv të shpreh kreativitetin e tij në këtë videoklip.

Ishte punë e gjerë nga një ekip profesionist i Synopsis Ads, ku shfrytëzoi rastin t’i përshëndes të gjithë sepse besoni në atë temperatur të lartë që është prodhuar klipi ishte shumë i vështirë realizimi i klipit, u shpreh Xhuliani.

Më tej Shabani falenderoi edhe Elvis Pupën dhe Santiana Malokun që ishin aktorë, si dhe gjithë bashkëpuntorët e Synopsys ads që kontribuan të realizohet me sukses ky klip.

Në fund fare Xhulian Shabani tha se këtë klip dhe këtë sukses i’a përkushton babait të tij tashmë të ndjerë , që beson se e shikon prej lartë dhe krenohet me Xhuliani/ Fol.mk

Continue Reading

Lajme

Baton Haxhiu paraqitet në SPAK për çështjen Inceneratorëve? (Video)

Published

on

By

Gazetari Baton Haxhiu i është drejtuar këtë të enjte ambienteve të Prokurorisë së Posaçme Antikorrupsion.

Gazetarja Anila Hoxha ka siguruar momentin kur Haxhiu hyn në SPAK. Por, nuk dihet ende nëse është paraqitur për të bërë ndonjë kallëzim apo është thirrur nga prokurorët për ndonjë nga dosjet që kjo prokurori po heton.

Haxhiu punon në media si gazetar prej disa vitesh, përfshirë edhe raportimin e genocidit në vitin 1999 në Kosovë, ndërsa vitet e fundit është prezantuar edhe si analist në panelet televizive.

Continue Reading

Lajme

FNA: Jeton Shaqiri dhe Halit Ferati fajtor që Arsimi i Lartë në Maqedoninë e Veriut është në krizë

Published

on

By

Profesorë të korruptuar, hajna dhe plagjiatorë përditë po prodhojnë analfabetë funksional. Skandali thellohet kur këta shkatërrues të cilësisë në arsimin e lartë po rehablitiohen nga personat më kompetent për t’i ndëshkuar ata, ministri i Arsimit dhe Shkencës, Jeton Shaqiri dhe drejtori i Inspektoratit të Arsimit, Halit Ferati.

Për të shpëtuar arsimin nga fundosja e tërësishme, FNA-ja disa herë ka denoncuar dhe ka ofruar prova për raste të hajnisë dhe korrupsionit në arsimin e lartë. Rrallë kemi marrë përgjigje ndërsa asnjëherë s’janë ndërmarrë masa konkrete kundër shkelësve të denoncuar nga ne, përkundër vendimeve për shkelje të konstatuara. Kështu, Halit Ferati dhe Jeton Shaqiri po stimulojnë korrupsionin në arsim.

Po bëhet 1 vit që kur u konstatua se Agron Alili ishte avancuar kundërligjshëm dhe asgjë nuk është ndërmarrë deri sot, përkundër që FNA-ja posedon prova ku ministri Shaqiri premton se do të ndërmerr masa. Alili vijon që çdo mëngjes të vishet nën petkun e profesorit dhe të del para studentëve, sikur të mos ishte një prej personave që rrezikon cilësinë e arsimit të lartë. Theksojmë se ky nuk është rasti i vetëm pa epilog.

Aleat i ministrit në këtë ‘luftë’ për mbrojtje dhe strehim të shkelësve të ligjit është drejtuesi i Inspektoratit të Arsimit, Halit Ferati. Deri te ky institucion, FNA-ja ka kohë që dorëzon prova dhe indicie për shkelës potencial ndërsa nuk po marrim asnjë përgjigje. Halit Ferati ta lëshojë karrigen e drejtorit nëse s’ka guxim, s’din ose nuk dëshiron që të luftojë korrupsionin në arsim.

Me praktikën e mosndëshkueshmërisë të ministrit Shaqiri, frikën e Feratit për t’i çuar deri në fund hetimet dhe gjendjen në të cilën ndodhet arsimi sot, FNA-ja konsideron se janë pjekur kushtet që kryeministri të ndërhyjë dhe t’i shkarkojë urgjentisht dy frenuesit më të mëdhenj të luftës kundër korrupsionit, hajnisë dhe plagjiaturës në arsimin, Jeton Shaqirin dhe Halit Feratin.

FNA-ja nuk do të qëndrojë duarkryq, ndërkohë që presim persona më kompetent t’i zënë karriget e institucioneve të lartëpërmendura, do të vazhdojmë të bëjmë publike çdo parregullsi që vë në rrezik cilësinë e arsimit të lartë. FNA-ja përsërit edhe njëherë nevojën për veting në arsim të lartë, vetëm në atë formë do ta shpëtonim arsimin nga këto hajna, plagjiatorë dhe persona të korruptuar, përfubdojn nga FNA.

Continue Reading

TOP Lajme