Lajme

Blerant Ramadani: VLEN po përballet me gabimet dhe dështimet e BDI-së, do të avancojmë shumë çështje në interes të shqiptarëve

Published

12 months ago

19.09.2024

Admin01

Sekretari i përgjithshëm i ASH-së, Blerant Ramadani deklaroi për INA se BDI po bën gjithë atë zhurmë mashtrimi të shtyrë nga frustracioni i humbjes së privilegjeve personale, dhe asnjëherë nga ato kombëtare.

“Po te ishte BDI-ja e kaq e zëshme ndaj kërkesave të shqiptarëve derisa ishte në pushtet, gjendja jonë si komb në këtë shtet do të ishte shumë më e mire. Por ata janë të zëshëm sot ndaj nesh sepse janë në opozitë, të shtyrë nga frustracioni i humbjes së privilegjeve personale, asnjëherë nga ato kombëtare. Ata ka qenë pjesë e skenës politike për një kohë të gjatë dhe pavarësisht disa arritjeve, duhet pranuar që shumë çështje thelbësore për shqiptarët kanë mbetur të pazgjidhura ose janë trajtuar në mënyrë gjysmake”, theksoi për INA, Blerant Ramadani.

Sipas tij, problemet e përfaqësimit të barabartë, zhvillimit ekonomik në zonat shqiptare, dhe avancimit të të drejtave të shqiptarëve në sistemin shtetëror janë disa nga sfidat që BDI-ja ka pasur në duar dhe nuk i ka adresuar në mënyrë të plotë.

“Ne si VLEN ecim para, me realizimin e synimeve tona politike, që nuk janë aspak personale. Gabimet dhe dështimet e BDI-së brenda dy dekadave të kaluara janë sfida me të cilat përballemi dita ditës edhe sot, por jemi të vendosur fuqimisht jo vetëm ato ti përmirësojmë, por edhe të avancojmë shumë çështje tjera më tej. Akuzat që po bëhen ndaj nesh janë thjesht përpjekje për të shmangur vëmendjen nga këto probleme reale dhe për të mbajtur status quo-në. Në vend që të përqendrohemi te akuzat, ne jemi këtu për t’u fokusuar në zgjidhjet e qëndrueshme që do të çojnë drejt një të ardhmeje më të mirë për shqiptarët në vendin tonë”, deklaroi Ramadani.(INA)

Lajme

Qyteti i Gostivarit me internet falas në hapësirat publike

Published

57 seconds ago

18.09.2025

Admin01

Gostivari është një nga komunat e përzgjedhura në thirrjen e WiFi4WB (Wi0Fi për Ballkanin Perëndimor), një nismë që do të sjell internet falas dhe me shpejtësi të lartë në hapësira publike.

Qytetarët e Gostivarit do të kenë mundësi të lidhen më lehtë, më shpejt dhe pa kosoto, duke përfituar nga kjo risi që forcon lidhjen tonë me botën digjitale.

Kjo nismë zbatohet përmes programit EU4Digital Action, i cili mbështetet nga Bashkimi Evropian dhe Ministria Federale e Gjermanisë për Bashkëpunim Ekonomik dhe Zhvillim (BMZ), dhe implementohet nga Agjencia Gjermane për Bashkëpunim Ndërkombëtar (GIZ), thonë nga komuna e Gostivarit.

Lajme

Uzairi: Mickoski kërkon “shqiptarë sipas qejfit”, por kjo nuk ndodh

Published

8 minutes ago

18.09.2025

Admin01

Deklarata e kryeministrit Hristijan Mickoski se “këto zgjedhje do të jenë për ta zhdukur BDI-në nga skena politike”, e bërë gjatë një tubimi në Jugunovcë dhe më pas në një debat televiziv, ka shkaktuar reagime të forta në skenën politike shqiptare.

Sekretari organizativ i Aleancës për Shqiptarët, Gadaf Uzairi, ka reaguar përmes një postimi publik, duke e cilësuar këtë qasje si përpjekje për të kontrolluar politikisht shqiptarët dhe duke theksuar se një gjë e tillë nuk do të ndodhë.
Reagimi i plotë i Uzairit:

“Mickoski si duket e do skenën politike sipas qejfit të vet, veçanërisht tek shqiptarët. Ai kërkon “shqiptarë të mirë” sipas standardeve të tij.
Gabim! Kjo nuk ndodh, kurrë s’ka ndodhur dhe as nuk do të ndodhë. Shqiptarët nuk i nënshtrohen lojërave të askujt,veçanërisht kur dikush mundohet t’i nënshtrojë.
Këto janë politika të së kaluarës dhe të dështuara.
Ne qëndrojmë me dinjitet dhe krenari përballë këtij nënshtrimi politik që mundohet të instaloj te shqiptarët!

Me dinjitet dhe krenari 🇦🇱🇦🇱”, ka përfunduar Uzairi./SmartNews/

Lajme

AKI formon shtabin zgjedhor të Zhelinës – Bashkë për ndryshim dhe fitore!

Published

36 minutes ago

18.09.2025

Admin01

Emir Sulejmani shpalli formimin e strukturës së Shtabit Zgjedhor në Zhelinë. Me një ekip të përkushtuar, duke kombinuar energjinë e rinisë dhe përvojën e brezave, ai ndërton një shtab që do të udhëheqë fushatën për fitoren e qytetarëve.

Ky nuk është vetëm një shtab, por një familje e madhe që bashkon çdo fshat, çdo lagje dhe çdo zemër që beson në ndryshim. Bashkë do të organizohemi, bashkë do të punojmë dhe bashkë do të fitojmë!

#KohaJonëPoVjen
#ZhelinaNdryshon